КіруБАТЫСҚАЗАҚСТАНДЫҚ АССАМБЛЕЯЛЫҚТАРДЫҢ 14-ШІ «ҚАЙЫРЫМДЫЛЫҚ КЕРУЕНІ»
Батысқазақстандық Қазақстан халқы Ассамблеясының өкілдері «Қайырымдылық керуені» акциясының 14-ші кезеңін ұйымдастырып, 20 қазан күні 50 отбасыға әлеуметтік азық-түлік өнімдерін жеткізді.
Елімізде төтенше жағдай жарияланғаннан бастап ассамблеялықтар «Қайырымдылық керуені» акциясын жүйелі ұйымдастырып келеді. БҚО Қазақстан халқы Ассамблеясы «Жаңғыру жолы» жастар қозғалысының төрағасы Дулат Мақатовтың айтуынша, бүгінге дейін 13 акция өткізіліп, 1000 шақты отбасыға жалпы 11,5 млн. теңге шамасындағы көмек берілген. Ассамблеялықтардың бастамасына этно-мәдени орталықтардың волонтерлары, меценат-кәсіпкерлер үн қосып жүр. Кезекті акцияны ұйымдастырып, азық-түлік жиынтығын алуда да осы азаматтардың үлесі мол.
– Қайырымдылық – қайырлы іс. Ниет білдіріп көмек көрсетіп жатқан жандарға алғысымыз шексіз. Осы акцияны «Жаңғыру жолы» жастар қозғалысы «Бірлік» еріктілер тобымен бірігіп, жасы ұлғайған жандарға, мүмкіндігі шектеулі азаматтарға, жалғызбасты қарияларға азық-түлікпен көмек көрсетуді көздедік. Қоржынға ұн, тұз, күріш, макарон өнімдері сынды әлеуметтік маңызы бар азық-түліктер, жеміс-жидек салынды. Сұранысқа сай 50 қоржынның 30-ы – Орал қаласының тұрғындарына, 20-сы – Жаңақала ауданына жеткізіледі. Әлеуметтік қоржындар отбасындағы бала санына байланысты жасақталады. Мәселен, отбасында 1-3 бала болса, 7500 теңгенің қоржыны беріледі, ал 4-7 балалы жанұяға – екі қоржын, яғни 15 мың теңгенің азық-түлігі ұсынылады, 7 баладан жоғары балалары бар отбасыларға – 22,5 мың теңгеге сай келетін азық түлік беріледі, – дейді Дулат Мақатов.
«Жаңғыру жолы» қозғалысы бүгінде 100-ден аса еріктіні біріктіріп отыр. Олар әрдайым белсенді әрі ұйымшыл. Қозғалыс ағымдағы жылдың мамыр айында су тасқынынан зардап шеккен оңтүстіктегі Мақтаарал ауданына да гуманитарлық көмек жинап, 12 тонна жүк жіберген болатын.
Елмұра АСХАТҚЫЗЫ
Версия для печати
Соңғы жаңалықтар
«ӘДІЛЕТ» ПАРТИЯСЫНЫҢ КӨШПЕЛІ ШТАБЫ ЖӘНІБЕК ЖҰРТШЫЛЫҒЫМЕН КЕЗДЕСТІ
Тұрақты даму – тиімді мемлекеттік басқару мен ортақ жауапкершіліктің нәтижесі
Бөрлі ауылында «Әділет» партиясының облыстық штаб мүшелері тұрғындармен кездесті
Жаңа Қазақстан Конституциясы – Әділетті қоғамның құқықтық негізі
«Жаңа талап» мемлекеттік қызмет мектебінің жаңа оқу жылы басталды
КАЗТАЛОВ АУДАНЫНДА 2 МЛРД ТЕҢГЕНІҢ 26 ИНВЕСТИЦИЯЛЫҚ ЖОБАСЫ БОЙЫНША МЕМОРАНДУМҒА ҚОЛ ҚОЙЫЛДЫ
Конституцияның 6-бабы: саяси әралуандық пен қоғамдық тұрақтылықтың құқықтық негізі
АВТОМОБИЛЬ КӨЛІГІ ЖӘНЕ АВТОЖОЛ САЛАСЫ ҚЫЗМЕТКЕРЛЕРІ ҚҰРМЕТКЕ БӨЛЕНДІ
Болашақтың экономикасына байыппен көшуге құқықтық негіз болатын жаңа Азаматтық кодекс қабылдау қажет»
Президент Қасым-Жомарт Тоқаевтың «Жаңа тарихи кезеңдегі Қазақстанның өзекті міндеттері» атты Қазақстан халқына Жолдауы
Президент Қасым-Жомарт Тоқаев 28 қазан күні Қазақстан халқына Жолдауын жариялайды
Президент шет мемлекеттер басшыларының Ұлттық мерекемізге орай жолдаған құттықтауларына ризашылығын білдірді
ОРАЛДА РЕСПУБЛИКА КҮНІНЕ ОРАЙ МЕМЛЕКЕТТІК ТУ КӨТЕРУ РӘСІМІ ӨТТІ
Облыс әкімі Нариман Төреғалиевтің Республика күнімен құттықтауы
Жедел медициналық көмек станциясының жаңа әкімшілік ғимараты салынуда
Батыс Қазақстан облысында Республика күні қарсаңында сенбіліктер мен ауыл шаруашылығы жәрмеңкесі өтті
Мемлекет басшысы NVIDIA компаниясының негізін қалаушы және президенті Дженсен Хуангты қабылдады
«Подстепное – Федоровка – Ресей Федерациясының шекарасы»: БҚО-да автомобиль жолы пайдалануға берілді
Мемлекет басшысы Қасым-Жомарт Тоқаев Республика күніне арналған салтанатты жиында сөз сөйледі
Пікір үстеу