КіруМЕРЕКЕ ҚАРСАҢЫНДА ЖУРНАЛИСТЕР МЕН ВОЛОНТЕРЛАР МАРАПАТТАЛДЫ
Биылғы жыл барлық әлем үшін үлкен қиындықпен өтуде. Дүниежүзін шарпыған коронавирус пандемиясы біздің елімізді де айналып өтпеді. Осынау қиын кезеңде волонтерлар мен бұқаралық ақпарат құралдарының өкілдерінің атқарып жүрген еңбегі зор. Карантин басталған сәтте облысымызда 1000-нан аса волонтер жемісті қызмет атқарды. Қоғамның әр саласында еңбек еткен волонтерлардың қоғамдағы тұрақтылықты сақтауға қосқан үлесі зор. Ал бұқаралық ақпарат құралдарының өкілдері уақытпен санаспай қызмет атқарып, тұрғындарға шынайы ақпарат таратты. Аталған кезеңде абыройлы еңбек еткен волонтерлар мен журналистерге бүгін облыс әкімі Ғали Есқалиев арнайы ризашылығын білдіріп, ҚР Конституциясының 25 жылдығына орай Алғыс хаттармен марапаттады.
– Баршаңызды алда келе жатқан Қазақстан Республикасының Конституциясының 25 жылдық мерекесімен құттықтаймын. Конституциямызда ең басты құндылық ретінде жазылған адам және адам өмірі. Пандемия кезінде адам өмірін сақтау үшін сіздердің үлесіңіз жоғары. Қоғам өмірінде орныңыз ерекше. Осы кезеңде журналистер қауымы халықты дүрбелеңге салмай, бірауыздан ресми ақпарат таратып, халыққа маңызды ақпарат жеткіздіңіздер. Сөйтіп өз қызметтеріңізді абыройлы атқардыңыздар. Былтыр Президенттің Үндеуімен еріктілер қозғалысы жанданды. Осы жыл еріктілер үшін маңызды жыл болды. Өңірімізде 1000-нан аса ерікті бар. Олар күні-түні өз уақыттарымен санаспай, бізге көмектесті. 1200 адамға дәрі-дәрмек, 7000-нан аса отбасыға азық-түлік, 300 мыңнан аса бетперде үлестірдіңіздер. Медицина қызметкерлерін ыстық тамақпен қамтамасыз еттіңіздер. Кейбір еріктілер өз өмірін қауіпке тігіп, медициналық ұйымдарда еңбек етті. Әрине, бұл сіздердің халыққа деген үлкен құрметтеріңіз. Жұмыстарыңызға сәттілік тілеймін, – деген өңір басшысы Ғали Нәжімеденұлы бір топ еріктілер мен бұқаралық ақпарат құралдары өкілдеріне Алғыс хаттар тапсырды. Олардың қатарында әріптесіміз, «Жайық үні» газетінің дизайнері Арайлым Тлепбергенова да бар. Арайлым Сырымқызы «Жайық үні» газетінің тәжірибелі қызметкері. «Жайық үні» ЖШС-нда тапжылмастан он бес жылдан аса уақыт жемісті еңбек етіп келеді. Өз ісіне шынайы берілген, адал, еңбекқор әріптесіміз қандай құрметке болса да лайық деп білеміз.
Кәусар БАЙҒАЛИЕВА
Версия для печати
Соңғы жаңалықтар
«ӘДІЛЕТ» ПАРТИЯСЫНЫҢ КӨШПЕЛІ ШТАБЫ ЖӘНІБЕК ЖҰРТШЫЛЫҒЫМЕН КЕЗДЕСТІ
Тұрақты даму – тиімді мемлекеттік басқару мен ортақ жауапкершіліктің нәтижесі
Бөрлі ауылында «Әділет» партиясының облыстық штаб мүшелері тұрғындармен кездесті
Жаңа Қазақстан Конституциясы – Әділетті қоғамның құқықтық негізі
«Жаңа талап» мемлекеттік қызмет мектебінің жаңа оқу жылы басталды
КАЗТАЛОВ АУДАНЫНДА 2 МЛРД ТЕҢГЕНІҢ 26 ИНВЕСТИЦИЯЛЫҚ ЖОБАСЫ БОЙЫНША МЕМОРАНДУМҒА ҚОЛ ҚОЙЫЛДЫ
Конституцияның 6-бабы: саяси әралуандық пен қоғамдық тұрақтылықтың құқықтық негізі
АВТОМОБИЛЬ КӨЛІГІ ЖӘНЕ АВТОЖОЛ САЛАСЫ ҚЫЗМЕТКЕРЛЕРІ ҚҰРМЕТКЕ БӨЛЕНДІ
Болашақтың экономикасына байыппен көшуге құқықтық негіз болатын жаңа Азаматтық кодекс қабылдау қажет»
Президент Қасым-Жомарт Тоқаевтың «Жаңа тарихи кезеңдегі Қазақстанның өзекті міндеттері» атты Қазақстан халқына Жолдауы
Президент Қасым-Жомарт Тоқаев 28 қазан күні Қазақстан халқына Жолдауын жариялайды
Президент шет мемлекеттер басшыларының Ұлттық мерекемізге орай жолдаған құттықтауларына ризашылығын білдірді
ОРАЛДА РЕСПУБЛИКА КҮНІНЕ ОРАЙ МЕМЛЕКЕТТІК ТУ КӨТЕРУ РӘСІМІ ӨТТІ
Облыс әкімі Нариман Төреғалиевтің Республика күнімен құттықтауы
Жедел медициналық көмек станциясының жаңа әкімшілік ғимараты салынуда
Батыс Қазақстан облысында Республика күні қарсаңында сенбіліктер мен ауыл шаруашылығы жәрмеңкесі өтті
Мемлекет басшысы NVIDIA компаниясының негізін қалаушы және президенті Дженсен Хуангты қабылдады
«Подстепное – Федоровка – Ресей Федерациясының шекарасы»: БҚО-да автомобиль жолы пайдалануға берілді
Мемлекет басшысы Қасым-Жомарт Тоқаев Республика күніне арналған салтанатты жиында сөз сөйледі
Пікір үстеу