КіруА.ҚАЖҒАЛИЕВ: «АБАЙ ШЫҒАРМАШЫЛЫҒЫН НАСИХАТТАУДА ӘЛЕУМЕТТІК ЖЕЛІЛЕР МАЗМҰНДЫ ПАЙДАЛАНЫЛУДА»
– Мерекелік күнтізбелер тізіліміне енген Абай күні – рухани мереке. Ұлыдан ұлағат алуда ұлықталуы аса маңызды. Мемлекет басшысы жыл басталған кезде Ұлы ақынның мерейтойы кең көлемде атап өтілетінін айтқан еді. Өңірімізде де ауқымды шаралар жоспарланған. Десек те карантин жағдайына байланысты шаралардың форматы өзгеріп, әлеуметтік желілерді мазмұнды қолдануға тырыстық. Соның бірі – Абай шығармаларын насихаттаудағы челлендж болатын. Бұл челлендждің ауқымы да кеңейіп, үлкенді-кішілі белсенділік танытқанына баршамыз куә болдық. Абай шығармаларын дәріптеуді жалғастыруды маған қалалық мәдениет және тілдерді дамыту бөлімінің басшысы Серік Ерболатұлы тапсырған еді. Абайдың «Жаз» термесін домбырамен орындап, облыстық халық шығармашылығы орталығының басшысы Мәулет Өтемісұлына, Х.Бөкеева атындағы қазақ драма театрының директоры Салтанат Мақсотқызына және облыстық тарихи-өлкетану музейінің директоры Мирболат Бижанұлына шақыру тастадым. Әріптестерім жолдаманы қабыл алып, үн қосты.
Біздің ұжым да ақынның өлеңдері мен әндерін насихаттауға үлес қосуда. Жуырда ғана шығармашылық кеш өткіздік. Концерт «ТДК-42» телеарнасынан берілуде. Сондай-ақ Мәдениет және спорт министрлігінің youtube арнасынан тамашалауға болады.
Асхат ҚАЖҒАЛИЕВ, Ғ.Құрманғалиев атындағы облыстық филармония директоры
Версия для печатиСоңғы жаңалықтар
Блогерлер мен БАҚ беттерінде құмар ойындарды жарнамалауға тыйым салынбақ
Астанадан Батыс Қазақстан облысына гуманитарлық көмек жіберілді
«Су тасқынынан зардап шеккендерге өтемақы төлеуде жеделдік қажет»
су тасқынының алдын алу жұмысына 1 577 техника жұмылдырылды
Пікір үстеу