КіруБАТЫСҚАЗАҚСТАНДА ТАҒЫ БІР ОТБАСЫ «ЕЛ ҮЛЕСІМЕН» БАСПАНАЛЫ БОЛДЫ
«Ел үлесі – пәтерге» жобасы бойынша 232-ші баспана Сырым ауданындағы отбасыға бұйырды.
Бүгін «Сырым елі» газеті мен Қазақстан мұсылмандар діни басқармасының Сырым аудандық орталық мешіті баспанасыз жігітке үйдің кілтін табыс етті. «Сырым елі» газетінде Бауыржан Ширмединұлының «Анамды қайда апарамын?» атты мақаласы жарық көріп, сырқат анасы бар, баспанасыз, карантиннің кесірінен жұмыссыз қалған жігіттің тағдыры, оған баспанаға алуға халықтан көмек қажет екені жазылды. Аудандық газеттің қолға алуымен, халықтың қолдауымен бір аптада 2 млн. 246 мың теңге жиналып, газ, су кіргізілген 6 бөлмелі үймен бірге қажетті тұрмыстық техника, жиһаздар, ыдыс-аяқтар алынды. Мешіт жамағаты үйдің іші-сыртын ретке келтіру жұмыстарына атсалысты.
Бүгінгі қоныстойда «Сырым елі» газетінің директор-редакторы Бауыржан Ширмединұлы ер азаматтың несібесі елге шашылып берілетінін, Алтынбектің несібесі бүгін өз қолына тиіп отырғанын, баспанаға қол жеткізудегі жүріп өткен жолдарынан хабардар етті.
Сырым ауданы әкімінің орынбасары Асланбек Сарқұлов:
– Аудандық мешіттің бас имамы Әділхан Наурызбай мен «Сырым елі» газетінің редакторы Бауыржан Ширмединұлының Рамазан айында қолға алған игілікті ісін бүкіл ел қолдады. Осы істің басы-қасында Темірлан Ғаббасов деген азамат та жүрді. Бұл – аудандық газет әперген екінші үй. Бұған дейін «Газеттен жасалған үй» жобасымен Көгеріс ауылынан үш балалы анаға баспана алып берілген болатын. «Сырым елі» газеті елге, халыққа қажетті мәселелерді көтеріп жүр. Аудан әкімінің, барша әріптестерімнің атынан Алтынбек бауырымызды баспаналы болуымен құттықтаймын. Қолдау көрсеткен, қолғабыс білдірген облыстық орталық мешітке, азаматтарға шынайы алғысымды білдіремін. Әрдайым бірлігімізбен, сыйластығымызбен, қамқорлығымызбен көріне берейік, -деген лебізін жеткізді.
– Пайғамбарымыз (с.ғ.с.) бір хадисінде былай дейді: «Кім де-кім бұл дүниеде бір адамның мұқтаждығын өтесе, Алла тағала ол адамды қияметте мұқтаждығын өтейді»,- деген. Аудандық мешіт пен аудандық газет бастап, бүкіл ел қолдаған қайырымды істеріңізге Алла разы болсын. Қазақстан мұсылмандар діни басқармасының бас мүфтиі Наурызбай қажы Тағанұлының бастамасымен, «Зекет» қайырымдылық қорының қолдауымен «Ел үлесі – пәтерге» жобасы бойынша кеше 231 отбасыға үй берілсе, бүгін міне, 232-ші отбасыға баспанаға алуға үлес қосып жатыр, – ҚМДБ жанындағы «Зекет» қайырымдылық қорының Батыс Қазақстан облысындағы өкілі, облыстық орталық мешіттің найб имамы Самат Әлібаев.
Айта кетейік, бұған дейін Теректі ауданы Еңбек ауылындағы отбасы «Ел үлесі – пәтерге» жобасымен баспаналы болғанын жазған едік.
Версия для печатиСоңғы жаңалықтар
«ӘДІЛЕТ» ПАРТИЯСЫНЫҢ КӨШПЕЛІ ШТАБЫ ЖӘНІБЕК ЖҰРТШЫЛЫҒЫМЕН КЕЗДЕСТІ
Тұрақты даму – тиімді мемлекеттік басқару мен ортақ жауапкершіліктің нәтижесі
Бөрлі ауылында «Әділет» партиясының облыстық штаб мүшелері тұрғындармен кездесті
Жаңа Қазақстан Конституциясы – Әділетті қоғамның құқықтық негізі
«Жаңа талап» мемлекеттік қызмет мектебінің жаңа оқу жылы басталды
КАЗТАЛОВ АУДАНЫНДА 2 МЛРД ТЕҢГЕНІҢ 26 ИНВЕСТИЦИЯЛЫҚ ЖОБАСЫ БОЙЫНША МЕМОРАНДУМҒА ҚОЛ ҚОЙЫЛДЫ
Конституцияның 6-бабы: саяси әралуандық пен қоғамдық тұрақтылықтың құқықтық негізі
АВТОМОБИЛЬ КӨЛІГІ ЖӘНЕ АВТОЖОЛ САЛАСЫ ҚЫЗМЕТКЕРЛЕРІ ҚҰРМЕТКЕ БӨЛЕНДІ
Болашақтың экономикасына байыппен көшуге құқықтық негіз болатын жаңа Азаматтық кодекс қабылдау қажет»
Президент Қасым-Жомарт Тоқаевтың «Жаңа тарихи кезеңдегі Қазақстанның өзекті міндеттері» атты Қазақстан халқына Жолдауы
Президент Қасым-Жомарт Тоқаев 28 қазан күні Қазақстан халқына Жолдауын жариялайды
Президент шет мемлекеттер басшыларының Ұлттық мерекемізге орай жолдаған құттықтауларына ризашылығын білдірді
ОРАЛДА РЕСПУБЛИКА КҮНІНЕ ОРАЙ МЕМЛЕКЕТТІК ТУ КӨТЕРУ РӘСІМІ ӨТТІ
Облыс әкімі Нариман Төреғалиевтің Республика күнімен құттықтауы
Жедел медициналық көмек станциясының жаңа әкімшілік ғимараты салынуда
Батыс Қазақстан облысында Республика күні қарсаңында сенбіліктер мен ауыл шаруашылығы жәрмеңкесі өтті
Мемлекет басшысы NVIDIA компаниясының негізін қалаушы және президенті Дженсен Хуангты қабылдады
«Подстепное – Федоровка – Ресей Федерациясының шекарасы»: БҚО-да автомобиль жолы пайдалануға берілді
Мемлекет басшысы Қасым-Жомарт Тоқаев Республика күніне арналған салтанатты жиында сөз сөйледі
Пікір үстеу