КіруКАРАНТИН КЕЗІНДЕ МІНДЕТТЕРІН МІНСІЗ АТҚАРҒАН ПОЛИЦИЯ ҚЫЗМЕТКЕРЛЕРІ МАРАПАТТАЛДЫ
Коронавирус індетінің алдын алу бойынша төтенше жағдай және карантин режимін сақтауда блок бекеттерде бақылау-өткізу және қоғамдық тәртіпті қамтамасыз етуге үлес қосқан қызметкерлер марапатталды. №1 блок бекетте ұйымдастырылған салтанатты рәсімде БҚО Полиция департаментінің бастығы, полиция генерал-майоры М.Аблазимов пен Орал қаласы әкімінің орынбасары Б.Нарымбетов тәртіп сақшыларына алғыстарын жеткізді.
Өңірде эпидемиологиялық ахуал әлі де тұрақсыз болып отыр. Коронавирус жұқтыру қаупі сейілген жоқ. Сондықтан тұрғындарға сақтық шараларын ұмытуға болмайды. Дегенмен ел аумағында кеше түннен бастап блокбекеттер күшін жойып, көлік қатынасы кідіріссіз жүре бастады. Мәселен, облыс аумағында барлығы 60 блок бекет болса, оның 9-ы шаһардың кіре берісіне қойылған еді. 1 маусымнан бастап, өңірлік жедел штабтың шешімімен блок-бекеттер ресми түрде алынды. Төтенше жағдай жарияланған күннен бастап 78 күн бойы блок бекеттерде аса жауапты міндетті атқаруға 300-ге жуық тәртіп сақшысы тартылған.
Полиция генерал-майоры Махсудхан Нұғманұлы тұрғындардың амандығы мен қоғамдық қауіпсіздікті сақтау жолында полиция қызметкерлері өздеріне жүктелген міндеттерді абыроймен атқарып шыққанын атап өтті. Блокбекеттер арқылы тәулігіне 7 мыңға жуық көлік құралы, 10 мыңнан астам жолаушылар тексерілген. Сырттан келушілердің жергілікті тұрғындармен қарым-қатынасын болдырмау және індеттің таралуына жол бермеу мақсатында облыс аумағы арқылы өтетін транзиттік автокөліктерді қадағалап оларға ілесіп жүру, шығарып салу жұмыстары ұйымдастырылды.
БҚО Полиция департаментінің басшылық құрамы мен полиция қызметкерлеріне шаһар басшысының алғысын жеткізген қала әкімінің орынбасары Бақытжан Нарымбетов көрінбейтін жау пандемиямен күрес Тәуелсіз елімізде болмаған оқиға екенін атап өтіп, осы күрделі кезеңде тәуекелге бел буып, төзімділікпен жұмыс атқарған сақшыларға ризашылығын, ізгі тілегін арнады.
ҚР «Құқық қорғау қызметі туралы» Заңына сәйкес 40-қа жуық қызметкерге кезекті арнаулы атағы берілсе, 50 сақшы Орал қаласы әкімінің алғыс хатымен марапатталды.
Эльмира НҰҒМАНОВА
Соңғы жаңалықтар
«ӘДІЛЕТ» ПАРТИЯСЫНЫҢ КӨШПЕЛІ ШТАБЫ ЖӘНІБЕК ЖҰРТШЫЛЫҒЫМЕН КЕЗДЕСТІ
Тұрақты даму – тиімді мемлекеттік басқару мен ортақ жауапкершіліктің нәтижесі
Бөрлі ауылында «Әділет» партиясының облыстық штаб мүшелері тұрғындармен кездесті
Жаңа Қазақстан Конституциясы – Әділетті қоғамның құқықтық негізі
«Жаңа талап» мемлекеттік қызмет мектебінің жаңа оқу жылы басталды
КАЗТАЛОВ АУДАНЫНДА 2 МЛРД ТЕҢГЕНІҢ 26 ИНВЕСТИЦИЯЛЫҚ ЖОБАСЫ БОЙЫНША МЕМОРАНДУМҒА ҚОЛ ҚОЙЫЛДЫ
Конституцияның 6-бабы: саяси әралуандық пен қоғамдық тұрақтылықтың құқықтық негізі
АВТОМОБИЛЬ КӨЛІГІ ЖӘНЕ АВТОЖОЛ САЛАСЫ ҚЫЗМЕТКЕРЛЕРІ ҚҰРМЕТКЕ БӨЛЕНДІ
Болашақтың экономикасына байыппен көшуге құқықтық негіз болатын жаңа Азаматтық кодекс қабылдау қажет»
Президент Қасым-Жомарт Тоқаевтың «Жаңа тарихи кезеңдегі Қазақстанның өзекті міндеттері» атты Қазақстан халқына Жолдауы
Президент Қасым-Жомарт Тоқаев 28 қазан күні Қазақстан халқына Жолдауын жариялайды
Президент шет мемлекеттер басшыларының Ұлттық мерекемізге орай жолдаған құттықтауларына ризашылығын білдірді
ОРАЛДА РЕСПУБЛИКА КҮНІНЕ ОРАЙ МЕМЛЕКЕТТІК ТУ КӨТЕРУ РӘСІМІ ӨТТІ
Облыс әкімі Нариман Төреғалиевтің Республика күнімен құттықтауы
Жедел медициналық көмек станциясының жаңа әкімшілік ғимараты салынуда
Батыс Қазақстан облысында Республика күні қарсаңында сенбіліктер мен ауыл шаруашылығы жәрмеңкесі өтті
Мемлекет басшысы NVIDIA компаниясының негізін қалаушы және президенті Дженсен Хуангты қабылдады
«Подстепное – Федоровка – Ресей Федерациясының шекарасы»: БҚО-да автомобиль жолы пайдалануға берілді
Мемлекет басшысы Қасым-Жомарт Тоқаев Республика күніне арналған салтанатты жиында сөз сөйледі
Пікір үстеу