КіруОРАЛДАҒЫ МӘДЕНИЕТ ЖӘНЕ ДЕМАЛЫС САЯБАҒЫ ЖАЗҒЫ МАУСЫМЫН АШАДЫ
Орал қаласындағы мәдениет және демалыс саябағы 1 маусымда ашылады деп күтілуде. Жаздың уақытында саябақта сауда-саттық ұйымдастыруға ниетті кәсіпкерлерден өтініштер қабылдау басталды. Сондай-ақ орындарды жалға беру адамдардың қатысуынсыз ашық түрде жүргізілуі үшін өтінімдер zko-park.kz сайты арқылы электронды түрде қабылданады.
Қалалық мәдениет және демалыс саябағы еліміздегі ең көне саябақтардың бірі және тарихи маңызы бар нысандар қатарына жатады. Биыл саябақтың ашылғанына – 180 жыл. Қалалық мәдениет және тілдерді дамыту бөлімінің басшысы Серік Қайырлиевтің айуынша, бүгінде айтулы мерейтойға орай дайындық жұмыстары жүргізілуде. Мерекелік логотип дайындалуда, саябақ туралы бейнероликтер түсіріліп, карантин режимі аяқталған соң театрландырылған концерттік бағдарлама ұйымдастыру жоспарланған.
Жылда саябақтың маусымдық ашылуы 1 мамырдан басталатын еді, биыл карантин жағдайына байланысты 1 маусымға жоспарлануда. Дегенмен, эпидемиологиялық ахуал ескеріледі.
– Биыл бірқатар жөндеу жұмыстарын жүргізуді жоспарладық. Қазіргі уақытта гүлдер отырғызылуда және тегін суға түсу орындары дайындалуда. Облыс басшысының тапсырмасы аясында құрылған жұмыс тобымен бірге саябақты одан әрі көркейту мәселелері талқылануда, – деді Серік Ерболатұлы.
Облыс басшысының, қала әкімінің тапсырмасымен саябақтың электронды сайты жасақталған болатын. Саябақта қызметін жүзеге асырушы кәсіпкерлер орынды жалға алу үшін осы сайтқа кіріп, қажетті функция арқылы өтініш бере алады. Бұл цифрландыру заманында адами факторларды жою мақсатында қолға алынған қадам. Сайт арқылы түскен өтініштер жеті күн ішінде қаралады. Өтініштерді қарау екі сатыдан тұрады. Алдымен саябақ әкімшілігі құжаттардың толықтығын тексереді, екінші сатыда өтініш қалалық мәдениет және тілдерді дамыту бөлімі жанынан құралған комиссияның қарауынан өтеді. Бөлім басшысы Серік Қайырлиев төрағалық ететін комиссия құрамында қоғамдық кеңес, қоғамдық ұйым өкілдері және депутаттардан жалпы 13 адам бар. Комиссияның қорытындысы хаттама түрінде аталған сайтқа жарияланады.
Саябақ директоры Бек Жәңгіровтың сөзінше, саябақ аумағындағы сауда орындары жылдағыдан 30 пайызға қысқарған, нақтыланған және орын шектеулі, яғни саябақ әкімшілігі сауда орындары үшін 20 шатыр ғана әзірлеп отыр.
Эльмира НҰҒМАНОВА
Версия для печати
Соңғы жаңалықтар
«ӘДІЛЕТ» ПАРТИЯСЫНЫҢ КӨШПЕЛІ ШТАБЫ ЖӘНІБЕК ЖҰРТШЫЛЫҒЫМЕН КЕЗДЕСТІ
Тұрақты даму – тиімді мемлекеттік басқару мен ортақ жауапкершіліктің нәтижесі
Бөрлі ауылында «Әділет» партиясының облыстық штаб мүшелері тұрғындармен кездесті
Жаңа Қазақстан Конституциясы – Әділетті қоғамның құқықтық негізі
«Жаңа талап» мемлекеттік қызмет мектебінің жаңа оқу жылы басталды
КАЗТАЛОВ АУДАНЫНДА 2 МЛРД ТЕҢГЕНІҢ 26 ИНВЕСТИЦИЯЛЫҚ ЖОБАСЫ БОЙЫНША МЕМОРАНДУМҒА ҚОЛ ҚОЙЫЛДЫ
Конституцияның 6-бабы: саяси әралуандық пен қоғамдық тұрақтылықтың құқықтық негізі
АВТОМОБИЛЬ КӨЛІГІ ЖӘНЕ АВТОЖОЛ САЛАСЫ ҚЫЗМЕТКЕРЛЕРІ ҚҰРМЕТКЕ БӨЛЕНДІ
Болашақтың экономикасына байыппен көшуге құқықтық негіз болатын жаңа Азаматтық кодекс қабылдау қажет»
Президент Қасым-Жомарт Тоқаевтың «Жаңа тарихи кезеңдегі Қазақстанның өзекті міндеттері» атты Қазақстан халқына Жолдауы
Президент Қасым-Жомарт Тоқаев 28 қазан күні Қазақстан халқына Жолдауын жариялайды
Президент шет мемлекеттер басшыларының Ұлттық мерекемізге орай жолдаған құттықтауларына ризашылығын білдірді
ОРАЛДА РЕСПУБЛИКА КҮНІНЕ ОРАЙ МЕМЛЕКЕТТІК ТУ КӨТЕРУ РӘСІМІ ӨТТІ
Облыс әкімі Нариман Төреғалиевтің Республика күнімен құттықтауы
Жедел медициналық көмек станциясының жаңа әкімшілік ғимараты салынуда
Батыс Қазақстан облысында Республика күні қарсаңында сенбіліктер мен ауыл шаруашылығы жәрмеңкесі өтті
Мемлекет басшысы NVIDIA компаниясының негізін қалаушы және президенті Дженсен Хуангты қабылдады
«Подстепное – Федоровка – Ресей Федерациясының шекарасы»: БҚО-да автомобиль жолы пайдалануға берілді
Мемлекет басшысы Қасым-Жомарт Тоқаев Республика күніне арналған салтанатты жиында сөз сөйледі
Пікір үстеу