Кіру«ІНДЕТКЕ БІРЛЕСІП ҚАРСЫ ТҰРУ – ОРТАҚ МІНДЕТ»
Бүгін ҚР Тұңғыш Президенті – Елбасы Нұрсұлтан Назарбаевтың «Бірлесе білген ел бәрін жеңеді» атты мақаласы жарияланды. Елбасы мақалада тұтқиылдан келген жаман індет – коронавирус дерті барша адамзатқа қауіп-қатер төндіріп отырғанын осы жағдайда мемлекет бұл қиындықтан шығу үшін қолдан келгеннің бәрін жасайтынын және тиісті шараның барлығын атқаратынын жеткізді және халықты қиындыққа қайыспай, белімізді бекем буып, береке-бірлігімізден айрылмауға шақырған болатын. Нұрсұлтан Әбішұлының мақаласына қатысты М.Өтемісов атындағы Батыс Қазақстан мемлекеттік университетінің доценті, тарих ғылымдарының кандидаты, БҚО ҚХА ғылыми-сараптамалық тобының мүшесі Саялбек Ғиззатов пікір білдірді.
– Елбасы Н.Назарбаев «Бірлесе білген ел бәрін жеңеді» атты мақаласында елімізде және әлемде қалыптасқан қиын жағдайға қатысты өзіндік сараптамасын жасаған. Қазіргі кезеңдегі короновирус пандемиясының адамзат үшін қаншалықты қауіпті екендігін түсіндіре отырып, Қазақстан халқын сабырлылық пен төзімділікке шақырған.
Елбасының өз мақаласында тарихта «миллиондаған адамдарды баудай түсірген індеттер аз болмаған» деп көрсетуі бізді өткенге көз жүгіртуге итермелейді. Расында да қазақ халқы өз тарихында көптеген індеттер мен нәубеттерді басынан кешірді. Көшпелі мал шаруашылығымен айналысып, сүт, ет секілді таза табиғи өнімдермен қоректеніп, ат құлағында ойнаған ата-бабаларымыздың иммунитеті мықты болды. Алайда ауру-сырқау көп жағдайда көршілес елдерден келетін еді. Орта ғасырларда Ұлы Жібек жолы, жаңа заманда көршілес Ресей империясы арқылы тараған індеттер мыңдаған адамдардың өмірін қиды. Ал ХХ ғасырда қазақ даласында жаппай белең алған оба, тырысқақ, шешек аурулары көптеген жанұяларды жақындарынан айырып, зар жылатты. Осындай түрлі індеттер мен нәубеттерге қарамастан ата-бабаларымыз осынау ұланғайыр атырапты бізге аман-есен жеткізіп берді.
Елбасының «Бірлесе білген ел бәрін жеңеді» атты мақаласындағы тағы бір ой адамдардың қашықтан жұмыс істеуімен байланысты болып отыр. Қазіргі таңда көптеген қызметкерлер дәстүрлі қағазбастылықтан арылып, карантинге байланысты онлайн режимде қашықтан қызмет көрсетуге көшті. Бұл өз кезегінде ғылым мен технологияны дамытуға жол ашары сөзсіз. Өйткені түрлі компьютерлік бағдарламалар, байланыс контенттері, мобильді қосымшалар тұрғындардың, соның ішінде жастардың ғылыми ізденісіне бағыт-бағдар сілтейді деген сеніміміз мол!
Атамыз қазақ «Үш нәрсенің алдын ал: аурудың алдын ал, жаудың алдын ал, қайта қозған даудың алдын ал» деп бекерге айтпаған. Сондықтан бұл індетке бірлесіп қарсы тұру – ортақ міндет! Ол үшін мемлекет тарапынан қабылданып отырған шараларға қолдау көрсетіп, тәртіпке бағынуымыз қажет! Біз біргеміз, – деді доцент, тарих ғылымдарының кандидаты Саялбек Ғиззатов.
Версия для печатиСоңғы жаңалықтар
«ӘДІЛЕТ» ПАРТИЯСЫНЫҢ КӨШПЕЛІ ШТАБЫ ЖӘНІБЕК ЖҰРТШЫЛЫҒЫМЕН КЕЗДЕСТІ
Тұрақты даму – тиімді мемлекеттік басқару мен ортақ жауапкершіліктің нәтижесі
Бөрлі ауылында «Әділет» партиясының облыстық штаб мүшелері тұрғындармен кездесті
Жаңа Қазақстан Конституциясы – Әділетті қоғамның құқықтық негізі
«Жаңа талап» мемлекеттік қызмет мектебінің жаңа оқу жылы басталды
КАЗТАЛОВ АУДАНЫНДА 2 МЛРД ТЕҢГЕНІҢ 26 ИНВЕСТИЦИЯЛЫҚ ЖОБАСЫ БОЙЫНША МЕМОРАНДУМҒА ҚОЛ ҚОЙЫЛДЫ
Конституцияның 6-бабы: саяси әралуандық пен қоғамдық тұрақтылықтың құқықтық негізі
АВТОМОБИЛЬ КӨЛІГІ ЖӘНЕ АВТОЖОЛ САЛАСЫ ҚЫЗМЕТКЕРЛЕРІ ҚҰРМЕТКЕ БӨЛЕНДІ
Болашақтың экономикасына байыппен көшуге құқықтық негіз болатын жаңа Азаматтық кодекс қабылдау қажет»
Президент Қасым-Жомарт Тоқаевтың «Жаңа тарихи кезеңдегі Қазақстанның өзекті міндеттері» атты Қазақстан халқына Жолдауы
Президент Қасым-Жомарт Тоқаев 28 қазан күні Қазақстан халқына Жолдауын жариялайды
Президент шет мемлекеттер басшыларының Ұлттық мерекемізге орай жолдаған құттықтауларына ризашылығын білдірді
ОРАЛДА РЕСПУБЛИКА КҮНІНЕ ОРАЙ МЕМЛЕКЕТТІК ТУ КӨТЕРУ РӘСІМІ ӨТТІ
Облыс әкімі Нариман Төреғалиевтің Республика күнімен құттықтауы
Жедел медициналық көмек станциясының жаңа әкімшілік ғимараты салынуда
Батыс Қазақстан облысында Республика күні қарсаңында сенбіліктер мен ауыл шаруашылығы жәрмеңкесі өтті
Мемлекет басшысы NVIDIA компаниясының негізін қалаушы және президенті Дженсен Хуангты қабылдады
«Подстепное – Федоровка – Ресей Федерациясының шекарасы»: БҚО-да автомобиль жолы пайдалануға берілді
Мемлекет басшысы Қасым-Жомарт Тоқаев Республика күніне арналған салтанатты жиында сөз сөйледі
Пікір үстеу