КіруРЕСМИ ТАКСИ ҚЫЗМЕТІНЕ ЖҮГІН!
Төтенше жағдай кезінде қаладағы такси тасымалы қызметі мен қоғамдық көліктердің жұмысына қойылатын қосымша шектеу шаралары туралы бүгін кешкісін өңірлік коммуникациялар қызметінің Aqjaiyq телеарнасындағы баспасөз орталығында құзырлы сала басшылары мәлімдеді.
Тікелей эфирде Орал қаласы әкімінің орынбасары Бекжан Тоқжанов ҚР Президентінің 2020 жылғы 15 наурыздағы №285-ші Қазақстан Республикасында Төтенше жағдай енгізу туралы Жарлығына және БҚО бас мемлекеттік санитарлық дәрігерінің облыс аумағында жаңа коронавирустық инфекцияның таралуының алдын алу жөніндегі шараларды күшейту туралы қаулылары негізінде және ҚР Автомобиль көлігі туралы Заңына сәйкес, халықты карантин уақытында тек қана ресми тіркелген таксомоторлық компаниялардың қызметін пайдалануға шақырды. Қалада қазір мұндай таксилер қатарында «Азия», «Империя», «Каспий Транзит» және «Ардагер-ОКСВА» секілді төрт такси мекемесі ғана бар. Олар барлық қажетті құрал-жабдықтармен толық қамтылған. Такси тасымалдаушыларға қойылатын талаптарға толықтай сай келеді. Қазіргі жағдайда жүргізушілерде жеке қорғану құралдары, маска, қолғап болуы тиіс және үш адамнан артық алуға рұқсат етілмейді. Автокөлік салонында дезинфекция құралдары жеткілікті болуы керек. Салонды екі сағат сайын желдету маңызды.
Сондай-ақ БҚО бас санитарының қаулысына сай, енді қоғамдық көлік кестесі өзгереді. Қоғамдық көліктер санитарлық эпидемиологиялық нормаларды сақтай отырып, сағат таңғы 6.00-ден 19.00-ге дейін қызмет көрсетеді. Көліктер антисептикалық заттармен қамтамасыз етіліп, жолаушыларды толтыруы 40 пайыздан аспауы тиіс. Қоғамдық көлікке жеке қорғану құралдарымен кіруге ғана рұқсат етіледі. Шектеулерді енгізу негізінде адамдардың азаюына байланысты барлық қалаішілік автобустар саны қысқартылады. Қозғалыс жиілігі 15-30 минутты құрайды.Қала маңындағы маршруттардың жұмысы карантин уақытында тоқтатылады.
Өз кезегінде БҚО жолаушылар көлігі және автомобиль жолдары басқармасы басшысының орынбасары Қазбек Менеев облысішілік 23 маршрут, екі облысаралық автобус қызметін тоқтатқанын мәлім етті. Бүгіннен бастап автобекет жұмысын тоқтатады. Пойыздар да жүрмейді.
Ал БҚО көлікті бақылау инспекциясының автомобиль көлігін бақылау бөлімінің басшысы Серік Үбішевтің сөзіне сүйенсек, бүгінде жылжымалы көлік бақылау бекеттері тәулік бойы жұмыс атқаруда. Көліктер толықтай тексерілуде, ешқандай жеңілдік жоқ. Осы орайда сала басшысы тұрғындардан ресми түрде тіркелген автокөліктер қызметіне жүгінуді сұрады. Себебі, вирустың таралуына жол берген осы тасымалдаушылар. Сондықтан талапқа сай таксилерді пайдаланған жөн.
Кәусар БАЙҒАЛИЕВА
Версия для печати
Соңғы жаңалықтар
«ӘДІЛЕТ» ПАРТИЯСЫНЫҢ КӨШПЕЛІ ШТАБЫ ЖӘНІБЕК ЖҰРТШЫЛЫҒЫМЕН КЕЗДЕСТІ
Тұрақты даму – тиімді мемлекеттік басқару мен ортақ жауапкершіліктің нәтижесі
Бөрлі ауылында «Әділет» партиясының облыстық штаб мүшелері тұрғындармен кездесті
Жаңа Қазақстан Конституциясы – Әділетті қоғамның құқықтық негізі
«Жаңа талап» мемлекеттік қызмет мектебінің жаңа оқу жылы басталды
КАЗТАЛОВ АУДАНЫНДА 2 МЛРД ТЕҢГЕНІҢ 26 ИНВЕСТИЦИЯЛЫҚ ЖОБАСЫ БОЙЫНША МЕМОРАНДУМҒА ҚОЛ ҚОЙЫЛДЫ
Конституцияның 6-бабы: саяси әралуандық пен қоғамдық тұрақтылықтың құқықтық негізі
АВТОМОБИЛЬ КӨЛІГІ ЖӘНЕ АВТОЖОЛ САЛАСЫ ҚЫЗМЕТКЕРЛЕРІ ҚҰРМЕТКЕ БӨЛЕНДІ
Болашақтың экономикасына байыппен көшуге құқықтық негіз болатын жаңа Азаматтық кодекс қабылдау қажет»
Президент Қасым-Жомарт Тоқаевтың «Жаңа тарихи кезеңдегі Қазақстанның өзекті міндеттері» атты Қазақстан халқына Жолдауы
Президент Қасым-Жомарт Тоқаев 28 қазан күні Қазақстан халқына Жолдауын жариялайды
Президент шет мемлекеттер басшыларының Ұлттық мерекемізге орай жолдаған құттықтауларына ризашылығын білдірді
ОРАЛДА РЕСПУБЛИКА КҮНІНЕ ОРАЙ МЕМЛЕКЕТТІК ТУ КӨТЕРУ РӘСІМІ ӨТТІ
Облыс әкімі Нариман Төреғалиевтің Республика күнімен құттықтауы
Жедел медициналық көмек станциясының жаңа әкімшілік ғимараты салынуда
Батыс Қазақстан облысында Республика күні қарсаңында сенбіліктер мен ауыл шаруашылығы жәрмеңкесі өтті
Мемлекет басшысы NVIDIA компаниясының негізін қалаушы және президенті Дженсен Хуангты қабылдады
«Подстепное – Федоровка – Ресей Федерациясының шекарасы»: БҚО-да автомобиль жолы пайдалануға берілді
Мемлекет басшысы Қасым-Жомарт Тоқаев Республика күніне арналған салтанатты жиында сөз сөйледі
Пікір үстеу