КіруМАС КҮЙДЕ КӨЛІК ЖҮРГІЗГЕН АЗАМАТ 5 ЖЫЛ БАС БОСТАНДЫҒЫНАН АЙЫРЫЛМАҚ
Ол қазір Полиция басқармасының уақытша ұстау изоляторында қамауда отыр.
Орал қаласы баспасөз қызметінің мәліметінше, 14 қаңтар күні сағат 3.18-де облыстық патрульдік полиция батальонының инспекторлары 3-саяжай қоғамы аумағынан күдікті көлікті тоқтатып, жүргізушінің мас күйде екенін байқайды. Жүргізілген сот -медициналық сараптамасы жүргізушінің ішімдік ішкенін растаған. Құжаттарын тексере келе оның 2019 жылы көлік жүргізу құқынан айрылғаны белгілі болды.
Аталған факті бойынша Орал қаласы Полиция басқармасында Қазақстан Республикасы қылмыстық кодексінің 346-бабының 1-бөліміне сай қылмыстық іс қозғалып, анықтау бөлімінің өндірісінде тергеу әрекеттері жүргізілуде.
– 1992 жылғы М.есімді жүргізушінің Қаратөбе ауданында дүниеге келген, қазір Бәйтерек ауданының тұрғыны екені анықталды. Бұған дейін қылмыстық жауапкершілікке тартылмағаны, әкімшілік жауапкершілікке тартылғаны мәлім болды. Қазіргі күні басқарманың уақытша ұстау изоляторында қамауда отыр. Іске мақсатты және қажетті материалдар жиналып, Орал қаласының прокуратурасына жолданды, – дейді Орал қаласы ПБ анықтау бөлімінің аға анықтаушысы, полиция капитаны Гүлбану Өтешева.
346-баптың 1-бөлімі бойынша бұрын әкімшілік хаттама толтырылса, алдағы уақытта 5 жылға дейін бас бостандығынан айырылып, өмір бойы көлік жүргізу құқынан айырылады, 5000 айлық есептік көрсеткіш көлемінде айыппұл төлейді.
– Күшейтілген заң талаптары күшіне енгелі мас күйде көлік жүргізу фактісі қала бойынша бірінші рет тіркелді. Бұндай шаралар мен заңның қаталдығы әр жүргізушіге жауапкершілік жүктейді. Жоғарыда көрсетілген фактінің материалдары сотқа жолданып, сот процесінде қаралатын болады, – дейді анықтау бөлімінің бастығы, полиция капитаны Жайдар Киргенев.
Версия для печати
Соңғы жаңалықтар
Блогерлер мен БАҚ беттерінде құмар ойындарды жарнамалауға тыйым салынбақ
Астанадан Батыс Қазақстан облысына гуманитарлық көмек жіберілді
«Су тасқынынан зардап шеккендерге өтемақы төлеуде жеделдік қажет»
су тасқынының алдын алу жұмысына 1 577 техника жұмылдырылды
Пікір үстеу