КіруОРАЛ ҚАЛАЛЫҚ ПОЛИЦИЯ БАСҚАРМАСЫНЫҢ АЗАМАТТАРДЫ ҚАБЫЛДАУ КЕҢСЕСІ АШЫЛДЫ
Бүгін Орал қаласында қалалық Полиция басқармасының азаматтарды қабылдау кеңсесі ашылды. Жаңа фронт-кеңсенің ашылуына қала әкімі Абат Шыныбеков, полиция қызметкерлері мен сала ардагерлері қатысты.
– Фронт-кеңсенің ашылуы Елбасының «100 нақты қадам» Ұлттық Жоспарының орындалуының көрінісі. Ашықтық пен жариялылық Мемлекет басшысының Ішкі істер органдарына қойып отырған басты міндеті. Бұл кеңсе арқылы тұрғындар мен полиция қызметкерлері арасында тиімді қатынас орнап, ынтымақтық беки түседі деп сенеміз. Өтіп бара жатқан 2019 жылы қаламыздағы ішкі істер саласында бірқатар материалдық-техникалық базаны жақсарту бағытында жұмыстар жасалды. Абай бөлімшесі жаңа ғимаратқа көшірілді. Екі басқармада да фронт-кеңсе ашылуы үшін қаржы бөлінген болатын. Оның алғашқысына бүгін, міне, куә болып отырмыз. Учаскелік полиция пунктерін жаңарту жұмыстары басталды. 2020 жылға басты жоспарымыз – қала аумағында бейнебақылау және жылдамдық өлшеу құрылғыларын орнату. Келер жылдың алғашқы жартысында қосымша 200-ге жуық камера, 40-қа жуық жылдамдық өлшеуіш орнатылады, – деді фронт-кеңсенің ашылуында сөз алған Абат Абайұлы.
ХҚО қағидасы бойынша жұмыс істейтін полицияның фронт-кеңсесі Мемлекет басшысының нұсқауына сай Қазақстан полициясын сервистік модульге көшіру, полиция басқармасына келген тұрғындарға қолайлы жағдай жасау, азаматтарды қабылдау, олардың сұрақтарын уақытылы әрі жедел шешу және кезекші бөлімнің жұмысын оңтайландыру мақсатында ашылып отыр.
Фронт-кеңсе Орал қаласы Полиция басқармасының дәл алдында орналасқан. Онда келушілерге үш маман қызмет көрсетеді. Азаматтарды қабылдау, кеңес беру маманы, көші-қон және әкімшілік полиция өкілдері қабылдау жүргізіп, осы жерде азаматардың құжаттары жинақталып, басқармадағы мамандарға жолданады.
Қала басшысы Абат Шыныбеков болашақта учаскелік полицияның тірек пунктерін де шағын фронт-кеңсе деңгейіне көшіру мақсатында жұмыстар жүргізілетінін жеткізді. Бұл – қауіпсіздік шараларын жүзеге асыру жол-картасы шеңберінде жүзеге асады.
Эльмира НҰҒМАНОВА
Соңғы жаңалықтар
«ӘДІЛЕТ» ПАРТИЯСЫНЫҢ КӨШПЕЛІ ШТАБЫ ЖӘНІБЕК ЖҰРТШЫЛЫҒЫМЕН КЕЗДЕСТІ
Тұрақты даму – тиімді мемлекеттік басқару мен ортақ жауапкершіліктің нәтижесі
Бөрлі ауылында «Әділет» партиясының облыстық штаб мүшелері тұрғындармен кездесті
Жаңа Қазақстан Конституциясы – Әділетті қоғамның құқықтық негізі
«Жаңа талап» мемлекеттік қызмет мектебінің жаңа оқу жылы басталды
КАЗТАЛОВ АУДАНЫНДА 2 МЛРД ТЕҢГЕНІҢ 26 ИНВЕСТИЦИЯЛЫҚ ЖОБАСЫ БОЙЫНША МЕМОРАНДУМҒА ҚОЛ ҚОЙЫЛДЫ
Конституцияның 6-бабы: саяси әралуандық пен қоғамдық тұрақтылықтың құқықтық негізі
АВТОМОБИЛЬ КӨЛІГІ ЖӘНЕ АВТОЖОЛ САЛАСЫ ҚЫЗМЕТКЕРЛЕРІ ҚҰРМЕТКЕ БӨЛЕНДІ
Болашақтың экономикасына байыппен көшуге құқықтық негіз болатын жаңа Азаматтық кодекс қабылдау қажет»
Президент Қасым-Жомарт Тоқаевтың «Жаңа тарихи кезеңдегі Қазақстанның өзекті міндеттері» атты Қазақстан халқына Жолдауы
Президент Қасым-Жомарт Тоқаев 28 қазан күні Қазақстан халқына Жолдауын жариялайды
Президент шет мемлекеттер басшыларының Ұлттық мерекемізге орай жолдаған құттықтауларына ризашылығын білдірді
ОРАЛДА РЕСПУБЛИКА КҮНІНЕ ОРАЙ МЕМЛЕКЕТТІК ТУ КӨТЕРУ РӘСІМІ ӨТТІ
Облыс әкімі Нариман Төреғалиевтің Республика күнімен құттықтауы
Жедел медициналық көмек станциясының жаңа әкімшілік ғимараты салынуда
Батыс Қазақстан облысында Республика күні қарсаңында сенбіліктер мен ауыл шаруашылығы жәрмеңкесі өтті
Мемлекет басшысы NVIDIA компаниясының негізін қалаушы және президенті Дженсен Хуангты қабылдады
«Подстепное – Федоровка – Ресей Федерациясының шекарасы»: БҚО-да автомобиль жолы пайдалануға берілді
Мемлекет басшысы Қасым-Жомарт Тоқаев Республика күніне арналған салтанатты жиында сөз сөйледі
Пікір үстеу