КіруТЕАТР ӨНЕРІНІҢ МАЙТАЛМАНДАРЫ ОРАЛҒА КЕЛЕДІ
Х.Бөкеева атындағы Батыс Қазақстан облыстық қазақ драма театры алдағы уақытта озық тәжірибелі, майталман шеберлері мектептерімен жұмыс жасауға ден қоя кіріспек. Осы орайда жақын күндері, яғни 2020 жылдың алғашқы айында Грузия елінің танымал сценографы Томри Охикян шақырылмақ. Бұл туралы өңірлік коммуникациялар қызметінің ақпарат алаңында өткен брифингте театр директоры Салтанат Абулғазиева мәлім етті.
Хадиша театры биылғы жылы қос бірдей театрлар фестиваліне қатысып, жүлделі орынды иемденді. Театрдың актерлары мен дыбыс режиссері «Сахнагер – 2019» театрлар фестивалінде ұлттық сыйлық иегері атанды. Репертуар 4 жаңа қойылыммен толықты. Дегенмен, театр алдында әлі де үлкен белестер, деңгейі жоғары халықаралық фестивальдерге жолдама алу міндеті тұр. Театр басшысының айтуынша, шеберлікті шыңдау үшін батыл ізденіспен еңбек ету маңызды. Осы орайда, алға қойылып отырған жоспар ауқымды.
Бұған дейін театр өнер сапарымен ел ішінде ғана қойылымдарын сахналап жүрсе, таяудағы жылдарда көршілес Ресей елімен мәдени байланысты нығайту мақсатында Орынбор, Самара, Астрахань, Волгоград, Саратов қалаларында өнер сапарларын ұйымдастыру жоспарлануда. Озық тәжірибелермен алмасу, майталман шеберлер мектептерімен қоян-қолтық жұмыс істеу арқылы шеберлікті шыңдау мақсатында да жұмыстар қолға алынбақ.
– Репертуарымызға С. Мрожектің «Шекара» («Дом на границе») қойылымын алғымыз келеді. Оны қою үшін Нью-Йорк қаласында өткен Халықаралық театрлар фестивалінің лауреаты, Орта Азия елдері театрлар фестиваліндегі «Ең үздік ер адам» бейнесі номинациясының, Ә.Өмірзақованың туғанына 100 жыл толуына арналған Семейде өткен фестивальде «Үздік спектакль» аталымын иеленген «Адамзат» спектаклінің режиссері Данияр Базарқұлов келеді. Сондай-ақ сахналасуға Грузия елінің танымал сценографы, суретші, Халықаралық сыйлықтардың лауреаты Томри Охикянды шақырмақпыз, – дейді Салтанат Мақсотқызы.
Эльмира НҰҒМАНОВА
Версия для печатиСоңғы жаңалықтар
«ӘДІЛЕТ» ПАРТИЯСЫНЫҢ КӨШПЕЛІ ШТАБЫ ЖӘНІБЕК ЖҰРТШЫЛЫҒЫМЕН КЕЗДЕСТІ
Тұрақты даму – тиімді мемлекеттік басқару мен ортақ жауапкершіліктің нәтижесі
Бөрлі ауылында «Әділет» партиясының облыстық штаб мүшелері тұрғындармен кездесті
Жаңа Қазақстан Конституциясы – Әділетті қоғамның құқықтық негізі
«Жаңа талап» мемлекеттік қызмет мектебінің жаңа оқу жылы басталды
КАЗТАЛОВ АУДАНЫНДА 2 МЛРД ТЕҢГЕНІҢ 26 ИНВЕСТИЦИЯЛЫҚ ЖОБАСЫ БОЙЫНША МЕМОРАНДУМҒА ҚОЛ ҚОЙЫЛДЫ
Конституцияның 6-бабы: саяси әралуандық пен қоғамдық тұрақтылықтың құқықтық негізі
АВТОМОБИЛЬ КӨЛІГІ ЖӘНЕ АВТОЖОЛ САЛАСЫ ҚЫЗМЕТКЕРЛЕРІ ҚҰРМЕТКЕ БӨЛЕНДІ
Болашақтың экономикасына байыппен көшуге құқықтық негіз болатын жаңа Азаматтық кодекс қабылдау қажет»
Президент Қасым-Жомарт Тоқаевтың «Жаңа тарихи кезеңдегі Қазақстанның өзекті міндеттері» атты Қазақстан халқына Жолдауы
Президент Қасым-Жомарт Тоқаев 28 қазан күні Қазақстан халқына Жолдауын жариялайды
Президент шет мемлекеттер басшыларының Ұлттық мерекемізге орай жолдаған құттықтауларына ризашылығын білдірді
ОРАЛДА РЕСПУБЛИКА КҮНІНЕ ОРАЙ МЕМЛЕКЕТТІК ТУ КӨТЕРУ РӘСІМІ ӨТТІ
Облыс әкімі Нариман Төреғалиевтің Республика күнімен құттықтауы
Жедел медициналық көмек станциясының жаңа әкімшілік ғимараты салынуда
Батыс Қазақстан облысында Республика күні қарсаңында сенбіліктер мен ауыл шаруашылығы жәрмеңкесі өтті
Мемлекет басшысы NVIDIA компаниясының негізін қалаушы және президенті Дженсен Хуангты қабылдады
«Подстепное – Федоровка – Ресей Федерациясының шекарасы»: БҚО-да автомобиль жолы пайдалануға берілді
Мемлекет басшысы Қасым-Жомарт Тоқаев Республика күніне арналған салтанатты жиында сөз сөйледі
Пікір үстеу