КіруБҚО ӘКІМІ ҒАЛИ ЕСҚАЛИЕВ БАЛҒЫНДАРДЫ ЖАҢА ЖЫЛ МЕРЕКЕСІМЕН ҚҰТТЫҚТАДЫ
Салтанат сарайында облыстағы мектеп оқушылары үшін «Біз – еліміздің жарқын болашағымыз!» атты Жаңа жыл мерекесі өтті. Облыстық білім басқармасы мен халық шығармашылығы орталығы ұйымдастырған мерекеге 180 бала қатысты. Балғындарды облыс әкімі Ғали Есқалиев құттықтады.
Мектеп оқушыларына арналған облыстың басты шырша мерекесіне 9 бен 13 жас аралығындағы ата-аналарының қамқорлығынсыз қалған, даму мүмкіндігі шектеулі, аз қамтылған және көп балалы отбасыларынан шыққан балалар санатынан оқу озаттары мен дарынды 180 бала шақырылған. Олардың 126-сы ауылдық елдімекендердің, 30-ы облыстық, 24-і қала мектептерінің оқушылары. Жаңа жыл мерекесіне жиналған балалар ертегі әлеміне түскендей болды. Балғындардың мерекесінде сүйікті мультфильмдерінің кейіпкерлері орталарынан табылды. Х.Бөкеева атындағы облыстық қазақ драма театрының артистері, сиқыршылар, Құрманғазы атындағы саз колледжінің студенттері, би ансамбльдерінің балғын бишілері, мектептен тыс жұмыс орталығының өнерлі оқушылары ұсынған қызықты қойылымдар, әдемі би мен шатты әндер мерекені қыздыра түсті. Шараға облыс әкімі Ғали Есқалиев те қатысып, балалармен бірге шыршаны айналып, мерекелеріне ортақтасты.
– Батысқазақстандық балаларды Жаңа жыл мерекесімен құттықтаймын. Бұл барлығы асыға күтетін жарқын мерекелердің бірі. Жаңа жылда армандарымызды айтып, орындалуын күтеміз. Ең бастысы бейбіт аспан астында берекесі сақталған мемлекетте өмір сүрудеміз. Бүгінгі бүлдіршіндеріміз тәуелсіз елмен бірге өсіп, елімізді көркейтуге атсалысады деп сенемін. Ол үшін үлкендердің ақылын тыңдап, жақсы оқуға, шығармашылықпен, спортпен белсенді айналысуға тырысу қажет. Сонда ғана еліміздің бүгінгі жетістіктерін арттыра түсесіздер, – деді Ғали Нәжімеденұлы.
Ұйымдастырушылардың мәліметінше, жаңажылдық шыршаға 18 млн. теңге көзделген. Яғни, әр балаға сыйлық үшін 100 мың теңге көлемінде қаржы бөлініп, оқу бағдарламасы жүктелген Bilimbook mini планшеті, кітап және тәттілер берілді.
Жаңажылдық думан аясында өрендер үшін «Дарын» қосымша білім орталығында мерекелік «Жаңа жылдық ғажайып әлем» концерті мен «Көгілдір шырағдан» кеші ұйымдастырылды. Сонымен қатар «Орал» ойын-сауық орталығында фильм тамашалап, «Happy new year» караоке-сазды кешіне қатысты.
Эльмира НҰҒМАНОВА
Соңғы жаңалықтар
«ӘДІЛЕТ» ПАРТИЯСЫНЫҢ КӨШПЕЛІ ШТАБЫ ЖӘНІБЕК ЖҰРТШЫЛЫҒЫМЕН КЕЗДЕСТІ
Тұрақты даму – тиімді мемлекеттік басқару мен ортақ жауапкершіліктің нәтижесі
Бөрлі ауылында «Әділет» партиясының облыстық штаб мүшелері тұрғындармен кездесті
Жаңа Қазақстан Конституциясы – Әділетті қоғамның құқықтық негізі
«Жаңа талап» мемлекеттік қызмет мектебінің жаңа оқу жылы басталды
КАЗТАЛОВ АУДАНЫНДА 2 МЛРД ТЕҢГЕНІҢ 26 ИНВЕСТИЦИЯЛЫҚ ЖОБАСЫ БОЙЫНША МЕМОРАНДУМҒА ҚОЛ ҚОЙЫЛДЫ
Конституцияның 6-бабы: саяси әралуандық пен қоғамдық тұрақтылықтың құқықтық негізі
АВТОМОБИЛЬ КӨЛІГІ ЖӘНЕ АВТОЖОЛ САЛАСЫ ҚЫЗМЕТКЕРЛЕРІ ҚҰРМЕТКЕ БӨЛЕНДІ
Болашақтың экономикасына байыппен көшуге құқықтық негіз болатын жаңа Азаматтық кодекс қабылдау қажет»
Президент Қасым-Жомарт Тоқаевтың «Жаңа тарихи кезеңдегі Қазақстанның өзекті міндеттері» атты Қазақстан халқына Жолдауы
Президент Қасым-Жомарт Тоқаев 28 қазан күні Қазақстан халқына Жолдауын жариялайды
Президент шет мемлекеттер басшыларының Ұлттық мерекемізге орай жолдаған құттықтауларына ризашылығын білдірді
ОРАЛДА РЕСПУБЛИКА КҮНІНЕ ОРАЙ МЕМЛЕКЕТТІК ТУ КӨТЕРУ РӘСІМІ ӨТТІ
Облыс әкімі Нариман Төреғалиевтің Республика күнімен құттықтауы
Жедел медициналық көмек станциясының жаңа әкімшілік ғимараты салынуда
Батыс Қазақстан облысында Республика күні қарсаңында сенбіліктер мен ауыл шаруашылығы жәрмеңкесі өтті
Мемлекет басшысы NVIDIA компаниясының негізін қалаушы және президенті Дженсен Хуангты қабылдады
«Подстепное – Федоровка – Ресей Федерациясының шекарасы»: БҚО-да автомобиль жолы пайдалануға берілді
Мемлекет басшысы Қасым-Жомарт Тоқаев Республика күніне арналған салтанатты жиында сөз сөйледі
Пікір үстеу