КіруЕКІ АДАМ ЖОЛ-КӨЛІК ОҚИҒАСЫНАН КӨЗ ЖҰМДЫ
Бүгін, 18 желтоқсан күні сағат 9.40 шамасында «Бөрлі-Ақсай» автожолы бойындағы Пугачев ауылы маңында жол-көлік оқиғасы орын алып, екі жолаушы оқиға орнында көз жұмды.
«ВАЗ-21102» автокөлігінің жүргізушісі, 1996 жылғы азамат қашықтықты сақтамай, алдында келе жатқан 1964 жылғы жүргізушінің басқаруындағы «Лада Ларгус» маркілі автокөлігін артынан түйген. Салдарынан ол қарсы жолға шығып кетіп, 1977 жылғы азамат жүргізіп келе жатқан «Форд-Галакси» автокөлігіне соқтығысқан.
Жол-көлік оқиғасынан «Форд-Галакси» автокөлігінде болған 1938 және 1965 жылғы екі жолаушы көз жұмды.
Төрт жолаушы Ақсай қаласындағы орталық аудандық ауруханаға жеткізілген.
БҚО Полиция департаментінің баспасөз қызметі осы фактіге байланысты ҚК 345-бабы 4-тармағына сай сотқа дейінгі тергеу амалдары басталғанын хабарлады.
Ауа-райының құбылуына байланысты облыс аумағындағы автожолдарда жол-көлік оқиғалары жиі орын алуда. Осы орайда полицейлер ауа-райының бұзылуы кезінде барынша қауіпсіздік ережелерін, әсіресе жылдамдық және қашықтық режимін сақтауды, жолда қойылған жол белгілерін орындауды ескертеді. Кенет бұрылыстар жасау, қыс мезгілінде тозығы жеткен немесе жазғы дөңгелектермен жүру аса қауіпті.
Версия для печатиСоңғы жаңалықтар
Құқық бұзушылыққа жол бермейтін Telegram чат боты іске қосылды
Пікір үстеу