КіруАРДАГЕРЛЕР АРАСЫНДА СПАРТАКИАДА ӨТТІ
Қайырымдылық айлығы аясында бүгін қалада тұңғыш рет ардагерлер арасында спартакиада өтіп, әр жастағы 100-ден аса аға буын өкілдері асық ату, тоғызқұмалақ, шахмат, дойбы спорты түрлерінен бақ сынасты.
Орал қалалық әкімдігінің ұйымдастыруымен М.Өтемісов атындағы БҚМУ-дың спорт залында өткен спартакиаданы қала әкімі Абат Шыныбеков ашып, жарысқа қатысушыларға сәттілік тіледі. – Құрметті ардагерлер! Қайырымдылық айлығы шеңберінде ардагерлер арасында өткізіліп жатқан спорттық додаға қош келдіңіздер. Бүгінгі таңда дені сау ұлттың – болашағы зор екені баршамызға аян. Сондықтан елімізде Елбасымыздың бастамасымен бұқаралық спортты дамытуға үлкен мүмкіндіктер жасалуда. Осы бағытта ардагерлердің де сүйікті спорт түрлерінен бақ сынасуына мүмкіндік жасау мақсатында қалалық ардагерлер кеңесімен бірге осындай спартакиаданы дәстүрлі түрде өткізуді жолға қоймақпыз. Спортсүйер аға-апаларымыздың жарысқа құлшыныспен келіп, қатысып жатқаны көңіл қуантады. Бұл жақсы бастама деп ойлаймыз. Күзде басталған спартакиада алдағы уақытта да қалалық әкімдіктің қолдауымен кезең-кезеңмен жалғасады. Спорттың сан түрінен талай мәрте республикалық, облыстық жарыстарда топ жарған ағаларымыз орталарыңызда тұр. Осындай спорттық шаралар ардагерлерге күш-қуат беріп, жас ұрпаққа үлгі өнеге болады деп білеміз. Спорттық шараның М.Өтемісов атындағы киелі білім қарашаңырағында өтуінің өзі жайдан-жай емес. Өйткені өңір спортындағы елеулі жетістіктер осы білім ордасынан бастау алып, талай әлем чемпиондары осында жаттыққан. Ұрпақтар сабақтастығын берік жалғап келе жатқан университет ұжымына ризашылығымды білдіремін, – деген шаһар басшысы Абат Шыныбеков спорт жанашыры, өңір спортын дамытуға елеулі үлес қосқан, бүгінде мерейлі жасқа аяқ басқан Николай Константинұлына Алғыс хат табыстады.
Шарада сөз алған облыстық ардагерлер кеңесінің төрағасы Мырзағали Мұхамбетов жастар адаспас үшін аға буын өкілдерінің жеткіншектердің тәрбиесімен айналысып, оларға әр ісімен үлгі болуы керегін жеткізді. Өз кезегінде қалалық ардагерлер кеңесінің төрағасы Кенжебай Нығметов осындай игі бастаманы қолға алған қала әкіміне, қалалық дене шынықтыру және спорт бөлімі ұжымына алғысын білдіріп, басқосудың мақсаты егде жастағы қариялардың басын қосып, әңгіме дүкен құруына ықпал ету екенін атап өтті. Жарыс алдында ардагерлер сергіту жаттығуларын жасап, белсенділіктерін танытты. Одан соң ардагерлердің бір тобы ерекше көңіл-күймен шахмат, дойбы үстелдеріне жайғасса, енді бірі асық атудан сынға түсті. Ақ жаулықты әжелер ұлттық ойын Хан талапай ойнап, мәз болысты.
Кәусар БАЙҒАЛИЕВА
Версия для печати
Соңғы жаңалықтар
«ӘДІЛЕТ» ПАРТИЯСЫНЫҢ КӨШПЕЛІ ШТАБЫ ЖӘНІБЕК ЖҰРТШЫЛЫҒЫМЕН КЕЗДЕСТІ
Тұрақты даму – тиімді мемлекеттік басқару мен ортақ жауапкершіліктің нәтижесі
Бөрлі ауылында «Әділет» партиясының облыстық штаб мүшелері тұрғындармен кездесті
Жаңа Қазақстан Конституциясы – Әділетті қоғамның құқықтық негізі
«Жаңа талап» мемлекеттік қызмет мектебінің жаңа оқу жылы басталды
КАЗТАЛОВ АУДАНЫНДА 2 МЛРД ТЕҢГЕНІҢ 26 ИНВЕСТИЦИЯЛЫҚ ЖОБАСЫ БОЙЫНША МЕМОРАНДУМҒА ҚОЛ ҚОЙЫЛДЫ
Конституцияның 6-бабы: саяси әралуандық пен қоғамдық тұрақтылықтың құқықтық негізі
АВТОМОБИЛЬ КӨЛІГІ ЖӘНЕ АВТОЖОЛ САЛАСЫ ҚЫЗМЕТКЕРЛЕРІ ҚҰРМЕТКЕ БӨЛЕНДІ
Болашақтың экономикасына байыппен көшуге құқықтық негіз болатын жаңа Азаматтық кодекс қабылдау қажет»
Президент Қасым-Жомарт Тоқаевтың «Жаңа тарихи кезеңдегі Қазақстанның өзекті міндеттері» атты Қазақстан халқына Жолдауы
Президент Қасым-Жомарт Тоқаев 28 қазан күні Қазақстан халқына Жолдауын жариялайды
Президент шет мемлекеттер басшыларының Ұлттық мерекемізге орай жолдаған құттықтауларына ризашылығын білдірді
ОРАЛДА РЕСПУБЛИКА КҮНІНЕ ОРАЙ МЕМЛЕКЕТТІК ТУ КӨТЕРУ РӘСІМІ ӨТТІ
Облыс әкімі Нариман Төреғалиевтің Республика күнімен құттықтауы
Жедел медициналық көмек станциясының жаңа әкімшілік ғимараты салынуда
Батыс Қазақстан облысында Республика күні қарсаңында сенбіліктер мен ауыл шаруашылығы жәрмеңкесі өтті
Мемлекет басшысы NVIDIA компаниясының негізін қалаушы және президенті Дженсен Хуангты қабылдады
«Подстепное – Федоровка – Ресей Федерациясының шекарасы»: БҚО-да автомобиль жолы пайдалануға берілді
Мемлекет басшысы Қасым-Жомарт Тоқаев Республика күніне арналған салтанатты жиында сөз сөйледі
Пікір үстеу