КіруЕң пайдалы және зиян нан аталды
Диетолог-дәрігер Елена Соломатина «Вечерняя Москваға» адам ағзасына пайдалы және зиян нан түрлерін айтып берді. Дәрігер нан таңдау барысында оның құрамымен толық танысып алу қажет екенін атап өтті. Нанның құрамы неғұрлым жеңіл болса, соғұрлым жақсы. Егер нанның құрамы ұн, су және тұздан тұрса оңтайлы. Осылайша, дәстүрлі шығыс наны – лаваш, пури тандыр наны не Жерорта теңізі питаны жарайды. Не Италия наны чиабаттаны қолдануға болады, алайда бұл нан түрін құрғақ ашытқымен жасайды. Сонымен қатар кебектен жасалған нан түрінің де пайдасы көп. Нан жасау үшін қолданатын ұн түрі көбіне жоғары сұрыпты емес, екінші сорттағы не қарабидай ұны болғаны абзал. «Пайдасы жағынан бірінші орынға қарабидай нанын қояр едім. Бірақ қаптаманың сыртында қарабидайдан жасалған деп жазылғанымен, көбіне құрамында қарабидай болмауы мүмкін. Өндірушілер бидай ұны мен бояғыштар қосады. Қарабидай егістік алқаптары жоқтың қасы. Сондықтан қаптамадағы құрамды мұқият қарау қажет», – дейді диетолог маман. Диетологтың айтуынша, көбіне адамдар қарны аш болған кезде жаңадан піскен өнімді алуы мүмкін. Бұл – дұрыс емес. Бүгінде нан өнімдерінің нарығында қызықтыратын дүниелер көп. Үлкен супермаркеттерге кіргенде нанның хош иісі аңқып тұрады. Дәл сол жерде нан пісіріп жатқандай көрінеді. Маманның айтуынша, бұл жай ғана маркетингтік әрекеттер. Ірі супермаркеттерде нанды тек жылытып қояды екен. Дәрігер жасанды қосындылармен әзірленетін нан түрлерінің инсулинорезистент пен диабеттің екінші түріне алып соғуы мүмкін. Қопсытқыштар мен дәмдеуіштер нанның дәмін өзгертуі мүмкін, бірақ бұл денсаулыққа зиян.
https://kaz.tengrinews.kz/densaulyq/en-paydalyi-jane-ziyan-nan-ataldyi-301609/
Версия для печатиСоңғы жаңалықтар
Құқық бұзушылыққа жол бермейтін Telegram чат боты іске қосылды
Пікір үстеу