КіруӨҢІР БЮДЖЕТІ – 186,2 МЛРД. ТЕҢГЕ
Батыс Қазақстан облысының бюджеті жалпы сомасы 13,5 млрд. теңгеге нақтыланды. Енгізілген өзгерістер есебімен облыстық бюджет 186,2 млрд. теңгені құрап отыр. Бүгін бұл туралы облыстық мәслихаттың 29-ыншы кезекті сессиясында облыстық экономика және бюджеттік жоспарлау басқармасының басшысы Тлепберген Каюпов мәлімдеді. Сессия жұмысына өңір басшысы Ғали Есқалиев, басқарма басшылары мен депутаттар қатысты.
Сессияда облыстық мәслихаттың өткен жылғы 14 желтоқсандағы «2019-2021 жылдарға арналған облыстық бюджет туралы» шешіміне өзгерістер мен толықтырулар енгізілді. Бұл туралы баяндама жасаған облыстық экономика және бюджеттік жоспарлау басқармасының басшысы Тлепберген Каюповтың мәлімдеуінше, облыстық бюджеттің параметрлерін нақтылаудың негізі болып республикалық бюджеттен және ҚР Ұлттық қорынан берілетін трансферттер мен кредиттер және жергілікті бюджеттің түсімдерін түзету жатады. Осы орайда өңір бюджеті жалпы сомасы 13,5 млрд. теңге нақтыланды. Бюджеттің негізгі бағыттарының бірі – әлеуметтік блок. Инвестициялық жобаларды іске асыру есебімен әлеуметтік салаға 3,5 млрд. теңге бағыттау жоспарланып отыр. Оның ішінде әлеуметтік көмек және әлеуметтік қамсыздандыруға – 2 млрд. теңге, оның ішінде мемлекеттік атаулы әлеуметтік көмек төлеуге – 1,7 млрд. теңге бағытталған. Білім беру саласына – 1,4 млрд. теңге бөлінсе, соның ішінде облыс мектептеріне арналған оқу әдістемелік кітаптар және оқулықтар сатып алуға – 260,3 млн. теңге, өңіріміздің мектепке дейінгі білім беру ұйымдарында мемлекеттік білім беру тапсырыстарын орналастыруға – 53,6 млн. теңге, Түркістан қаласындағы «Ақжайық» музыкалық мектебінің құрылысына – 1,1 млрд. теңге, мәдениет және спорт саласына – 52,6 млн. теңге және денсаулық сақтау саласына – 701 млн. теңге жұмсалмақ. Ауыл шаруашылығын дамытуға және қоршаған ортаны қорғауға 1,9 млрд. теңге қарастырылып отыр. Оның ішінде 1,8 млрд. теңге ҚР Ұлттық қоры есебінен ауылда кәсіпкерлікті дамытуға жәрдемдесуге кредиттер беруге бағытталған. Сондай-ақ өртке қарсы және орман шаруашылығындағы іс-шараларды жүргізуге және облыс аудандарының каналдарын қайта қалпына келтіруге бөлінбек.
Тұрғын-үй құрылысына және инженерлік-коммуникациялық инфрақұрылымға 5,3 млрд. теңге қарастырылған. Оның ішінде қаражаттар Орал қаласындағы көппәтерлі тұрғын үй құрылысын жалғастыруға және аяқтауға, сонымен қатар, Ақжайық, Теректі аудандарының және Орал қаласының инженерлік-коммуникациялық инфрақұрылымын жайластыруға және дамытуға қарастырылды. Тұрғын-үй коммуналдық шаруашылығына 401 млн. теңге бөлініп отыр. Шығыстарда Теректі, Ақжайық, Бөкей ордасы аудандарының төрт ауылдық елдімекендерін сумен жабдықтау және Қазталов ауданының тоғыз ауылдық елдімекендерін газбен жабдықтау жоспарланған. Өңіріміздегі автомобиль жолдарын ағымдағы және күрделі жөндеу бойынша жұмыстар жүргізілуде, бұл мақсатқа 100 млн. теңге қарастырылған. Енгізілген өзгерістер есебімен облыстық бюджет 186,2 млрд. теңгені құрап отыр. Сондай-ақ сессия барысында облыстық мәслихаттың кейбір шешімдеріне өзгерістер мен толықтырулар енгізілді.
Кәусар БАЙҒАЛИЕВА
Версия для печати
Соңғы жаңалықтар
«ӘДІЛЕТ» ПАРТИЯСЫНЫҢ КӨШПЕЛІ ШТАБЫ ЖӘНІБЕК ЖҰРТШЫЛЫҒЫМЕН КЕЗДЕСТІ
Тұрақты даму – тиімді мемлекеттік басқару мен ортақ жауапкершіліктің нәтижесі
Бөрлі ауылында «Әділет» партиясының облыстық штаб мүшелері тұрғындармен кездесті
Жаңа Қазақстан Конституциясы – Әділетті қоғамның құқықтық негізі
«Жаңа талап» мемлекеттік қызмет мектебінің жаңа оқу жылы басталды
КАЗТАЛОВ АУДАНЫНДА 2 МЛРД ТЕҢГЕНІҢ 26 ИНВЕСТИЦИЯЛЫҚ ЖОБАСЫ БОЙЫНША МЕМОРАНДУМҒА ҚОЛ ҚОЙЫЛДЫ
Конституцияның 6-бабы: саяси әралуандық пен қоғамдық тұрақтылықтың құқықтық негізі
АВТОМОБИЛЬ КӨЛІГІ ЖӘНЕ АВТОЖОЛ САЛАСЫ ҚЫЗМЕТКЕРЛЕРІ ҚҰРМЕТКЕ БӨЛЕНДІ
Болашақтың экономикасына байыппен көшуге құқықтық негіз болатын жаңа Азаматтық кодекс қабылдау қажет»
Президент Қасым-Жомарт Тоқаевтың «Жаңа тарихи кезеңдегі Қазақстанның өзекті міндеттері» атты Қазақстан халқына Жолдауы
Президент Қасым-Жомарт Тоқаев 28 қазан күні Қазақстан халқына Жолдауын жариялайды
Президент шет мемлекеттер басшыларының Ұлттық мерекемізге орай жолдаған құттықтауларына ризашылығын білдірді
ОРАЛДА РЕСПУБЛИКА КҮНІНЕ ОРАЙ МЕМЛЕКЕТТІК ТУ КӨТЕРУ РӘСІМІ ӨТТІ
Облыс әкімі Нариман Төреғалиевтің Республика күнімен құттықтауы
Жедел медициналық көмек станциясының жаңа әкімшілік ғимараты салынуда
Батыс Қазақстан облысында Республика күні қарсаңында сенбіліктер мен ауыл шаруашылығы жәрмеңкесі өтті
Мемлекет басшысы NVIDIA компаниясының негізін қалаушы және президенті Дженсен Хуангты қабылдады
«Подстепное – Федоровка – Ресей Федерациясының шекарасы»: БҚО-да автомобиль жолы пайдалануға берілді
Мемлекет басшысы Қасым-Жомарт Тоқаев Республика күніне арналған салтанатты жиында сөз сөйледі
Пікір үстеу