КіруМЕДИЦИНА САЛАСЫНЫҢ МАЙТАЛМАНЫНА ҚҰРМЕТ КӨРСЕТІЛДІ
Отандық медицина саласына жарты ғасырға жуық ғұмырын арнаған ҚР еңбек сіңірген дәрігері Бақтығали Ахметовтың 80 жас мерейтойына орай Ғ.Құрманғалиев атындағы облыстық филармонияда салтанатты кеш өтті. Медицина саласының құрметті қызметкеріне арналған шырайлы шараны денсаулық саласының қызметкерлері ұйымдастырған. Бақтығали Ахметовтың денсаулық сақтау саласында жүріп өткен жолы кеңінен әңгімеленген кешті №2 қалалық емхананың басшысы Қашура Мұхтарқызы жүргізді.
Бақтығали Ахметов 1939 жылдың тамызында Тасқала ауданының 2-Шежін ауылында дүниеге келген. Еңбек жолын 1956 жылы ұжымшар мүшесі ретінде бастаған. 1957 ж. Оралдағы 1 жылдық ауыл шаруашылығы мектебін, 1964 жылы Ақтөбе медицина институтын бітірген. Өзінің айтуынша, медицина саласына кездейсоқ келіпті.
– 10 жылдықты бітірген уақытта агроном болғым келді. Ол уақытта ауыл шаруашылығы институты тек Алматыда ғана болған. Оған баруға мүмкіндігім болмай, елде қалып, ұжымшарда еңбек еттім. Егін аяқталғанша санақшы болдым. Одан кейін мені ұжымшарға есепші етіп қалдырып, бір жыл оқуға жолдады. Оны үздік аяқтағаным үшін Алматыдағы бухгалтерлік училещеге емтихансыз түсуге жолдама берді. Бірақ, мен одан бас тарттым. Ол кезде 10 класты бітіргендердің екі жылдық еңбек өтілі болса, институтқа жеңілдікпен қабылданатын. Оралдың және Гурьевтың педагогикалық институты және Ақтөбенің медициналық институына ғана грант бар екен. Мен қалаған ауыл шаруашылығы институына грант болмады. Мен тағы бас тарттым. Дегенмен, үлкен ағамның сөзінен аса алмай, медициналық институтқа бет алдым. Бірінші курстан кейін ауылшаруашылығына ауысамын деген ойым болған. Алайда, институтта өте жақсы ұстаздарға тап болдым. Солардың ықпалымен медицинаға қызығушылығым оянды, – дейді Бақтығали Ахметов.
Денсаулық сақтау саласындағы еңбек жолын Қазталов ауданының ауруханасында хирург ретінде бастаған ол кейін Сырым, Тасқала аудандарының ауруханасында, облыстық ауруханада жалғастырып, хирург, бас дәрігердің орынбасары, бас дәрігер болды. 1981-96 ж. аралығында облыстық денсаулық сақтау басқармасының бастығы, одан кейін облыстық диагностикалық орталықтың директоры болды. Зейнетке шыққанымен қазір де өз білімі мен тәжірибесін ізбасарларына үйретіп келе жатқанын атап өту керек. Бүгінде Бақтығали Ахметов қаламыздағы «Мақсат» жеке медициналық колледжінде қызмет етуде.
– Бақтығали Ахметұлы өз қызметін сүйіп атқаратын медицина саласының майталманы. Ол білікті дәрігер ғана емес, шебер ұйымдастырушы. Оралға Кеңес Үкіметі кезінде Мәскеуде бүкілодақты съездер өткен кезде, әр сессияны басқару академиктер мен докторларға табысталатын. Сол съездің бір сессиясын басқару Бақтығали Ахметовке берілді. 16 жылдан астам облыстың денсаулық сақтау саласын басқарды. Ағамыздың медицина саласындағы еңбегі орасан, – дейді колледждегі шәкірттерімен салтанатты кешке келген «Мақсат» медициналық колледжінің басшысы Мақсот Берген.
Облыстық денсаулық сақтау басқармасының басшысы Нұрданат Беркінғали өңірдегі медицина саласы қызметкерлері атынан құттықтап, еңбек ардагеріне ат мінгізді. Сондай-ақ санаторлық-курорттық емделуге жолдама ұсынды.
Сонымен қатар шараға қатысқан қаладағы емдеу мекемелерінің ұжымдары мен Бақытғали Ахметовтың замандастары кеш иесіне құттықтау тілектерін жаудырды.
Соңғы жаңалықтар
«ӘДІЛЕТ» ПАРТИЯСЫНЫҢ КӨШПЕЛІ ШТАБЫ ЖӘНІБЕК ЖҰРТШЫЛЫҒЫМЕН КЕЗДЕСТІ
Тұрақты даму – тиімді мемлекеттік басқару мен ортақ жауапкершіліктің нәтижесі
Бөрлі ауылында «Әділет» партиясының облыстық штаб мүшелері тұрғындармен кездесті
Жаңа Қазақстан Конституциясы – Әділетті қоғамның құқықтық негізі
«Жаңа талап» мемлекеттік қызмет мектебінің жаңа оқу жылы басталды
КАЗТАЛОВ АУДАНЫНДА 2 МЛРД ТЕҢГЕНІҢ 26 ИНВЕСТИЦИЯЛЫҚ ЖОБАСЫ БОЙЫНША МЕМОРАНДУМҒА ҚОЛ ҚОЙЫЛДЫ
Конституцияның 6-бабы: саяси әралуандық пен қоғамдық тұрақтылықтың құқықтық негізі
АВТОМОБИЛЬ КӨЛІГІ ЖӘНЕ АВТОЖОЛ САЛАСЫ ҚЫЗМЕТКЕРЛЕРІ ҚҰРМЕТКЕ БӨЛЕНДІ
Болашақтың экономикасына байыппен көшуге құқықтық негіз болатын жаңа Азаматтық кодекс қабылдау қажет»
Президент Қасым-Жомарт Тоқаевтың «Жаңа тарихи кезеңдегі Қазақстанның өзекті міндеттері» атты Қазақстан халқына Жолдауы
Президент Қасым-Жомарт Тоқаев 28 қазан күні Қазақстан халқына Жолдауын жариялайды
Президент шет мемлекеттер басшыларының Ұлттық мерекемізге орай жолдаған құттықтауларына ризашылығын білдірді
ОРАЛДА РЕСПУБЛИКА КҮНІНЕ ОРАЙ МЕМЛЕКЕТТІК ТУ КӨТЕРУ РӘСІМІ ӨТТІ
Облыс әкімі Нариман Төреғалиевтің Республика күнімен құттықтауы
Жедел медициналық көмек станциясының жаңа әкімшілік ғимараты салынуда
Батыс Қазақстан облысында Республика күні қарсаңында сенбіліктер мен ауыл шаруашылығы жәрмеңкесі өтті
Мемлекет басшысы NVIDIA компаниясының негізін қалаушы және президенті Дженсен Хуангты қабылдады
«Подстепное – Федоровка – Ресей Федерациясының шекарасы»: БҚО-да автомобиль жолы пайдалануға берілді
Мемлекет басшысы Қасым-Жомарт Тоқаев Республика күніне арналған салтанатты жиында сөз сөйледі
Пікір үстеу