КіруБҚО-ДА ТОҒЫЗ ЖАСАР БАЛА ТОКҚА СОҒЫЛДЫ
Қате аяқ астында. БҚО Ақжайық ауданының Чапай ауылында 9 жасар бала қараусыз жатқан трансформаторға тоққа соғылып, ажал құша жаздады. Абырой болғанда, жасөспірім жоғары кернеулі 10 мың вольттық токқа соғылғанымен, тірі қалған. Енді айдың-күннің аманында жалғыз ұлынан айрыла жаздаған ана трансформатор иесін сотқа бермек.
Жазғы демалыс кезінде үйге сыймаған бала ойын қуып, мына ғимараттың ішіне кіреді. Бірақ ойыннан от шықты. 3 сынып оқушысын қуаты он мың вольттық тоқ ұрып, құлатқан. Ал қауіпті аймақ қараусыз жатырған көрінеді. «Тіпті «кіруге болмайды» деген бір белгі жоқ» дейді Сандуғаш. Көз жасы көл болған ана ұлының аман қалғанына шүкіршілік етеді. Абайсызда тоққа түскен 9 жасар – Мұрат Назардың басы, қол-аяғы күйіп қалған. Анасы Сандуғаштың айтуынша, тоқ ұрғанда жеткіншек талып қалған. Ұлымен бірге болған екі жасөспірім оны трансформатор орналасқан ғимараттан алып шыққан. Оқиға 29-шы тамыз күні болған. Денесін күйік шалған бүлдіршінге алдымен Ақжайық аудандық ауруханада алғашқы жәрдем көрсетілген. Кейін жедел жәрдем облыс орталығына әкеледі. Дәрігерлер баланың қазіргі жағдайы ауыр дейді. Ол облыстық балалар ауруханасының жансақтау бөлімінде ем алуда. Айта кетейік, Чапаев ауылдық округі әкімдігі қызметкерлері аталған нысанның жабық болғанын айтады. Денгенмен, құзырлы орган өкілдері сотқа дейінгі тергеу амалдарын бастаған.
Версия для печати
Соңғы жаңалықтар
Блогерлер мен БАҚ беттерінде құмар ойындарды жарнамалауға тыйым салынбақ
Астанадан Батыс Қазақстан облысына гуманитарлық көмек жіберілді
«Су тасқынынан зардап шеккендерге өтемақы төлеуде жеделдік қажет»
су тасқынының алдын алу жұмысына 1 577 техника жұмылдырылды
Батысқазақстандық полиция қызметкерлеріне гуманитарлық көмек жіберілді
Пікір үстеу