Кіру818 жол оқиғасы тіркелді!
Батыс Қазақстан облысында 15–30 қыркүйек аралығында республикалық “Безопасная дорога” атты жедел-алдын алу шарасы басталды. Шараның басты мақсаты – жол-көлік оқиғаларының алдын алып, тұрғындардың қауіпсіздігін қамтамасыз ету.
Жыл басынан бері өңір жолдарында 818 жол-көлік оқиғасы тіркеліп, өкінішке қарай, 48 адам қайтыс болып, мыңнан астам тұрғын түрлі деңгейде жарақат алды. Апаттардың негізгі себептері – жылдамдықты асыру, қауіпті маневр жасау, бағдаршам мен жол белгілеріне бағынбау, рөлде отырып телефон қолдану сияқты өрескел ереже бұзушылықтар.
Акцияның алғашқы күнінде-ақ полиция қызметкерлері 300-ден астам заңбұзушылықты анықтады. Оның ішінде 8 мас жүргізуші ұсталып, 27 адамның жүргізу куәлігі болмаса да көлік басқарғаны белгілі болды. Сондай-ақ бұрын жүргізу құқығынан айырылған 12 азамат қайтадан рөлге отырған. Сонымен қатар 56 жүргізуші көлік тізгінінде телефон пайдаланса, 93 адам қауіпсіздік белдігін тақпаған. 15 жағдайда жүргізушілер жаяу жүргіншілерге жол бермесе, 162 жаяу жүргінші өздері жол ережесін бұзған.
Полиция департаменті жүргізушілерге жолда абай болуды, қажет жағдайда демалуды, техникалық ақауларды тексеріп отыруды, ал жаяу жүргіншілерге жолды тек белгіленген жерден кесіп өту керектігін ескертеді.
Жол қозғалысы ережелерін сақтау – өз өміріңе, жақындарыңа және айналаңдағы адамдарға деген қамқорлықтың нақты көрінісі. “Безопасная дорога” – бәрімізге ортақ қауіпсіздік кепілі.
БҚО ПД баспасөз қызметі
Версия для печатиСоңғы жаңалықтар
Медициналық ынтымақтастық: Батыс Қазақстан мен Корея клиникасы меморандумға қол қойды
Батыс Қазақстан облысында қуаттылығы жылына 130 мың тонна метанол өндіретін газхимия кешенінің құрылысы басталды
БҚО Қытаймен әріптестікті күшейтті: жалпы құны 134 млрд теңге болатын 14 меморандумға қол қойды
БҚО-да ипотекамен тұрғын үй алуға көмектесемін деп уәде берген күдікті әйел ұсталды
