Кіру46 ШЕТЕЛ АЗАМАТЫ РЕСПУБЛИКА АУМАҒЫНАН ШЫҒАРЫЛДЫ
БҚО-да ҚР-ның Көші-қон заңнамасын бұзғаны үшін 46 шетел азаматы республика аумағынан шығарылды.
Қазақстан Республикасының көші-қон заңнамасын бұзушылық фактілерін анықтау және олардың алдын алу мақсатында ағымдағы жылы қыркүйектің 9-12 күндері аралығында облыс аумағында «Нелегал-Арна-Мигрант» жедел-профилактикалық іс-шарасы өтті. БҚО Полиция департаменті баспасөз қызметінің хабарлауынша, жедел-профилактикалық іс-шараның төрт күнінде 445 әкімшілік құқықбұзушылық анықталған. Оның ішінде шетел азаматтарымен 368 құқық бұзушылық, Қазақстан Республикасының азаматтарымен 77 құқық бұзушылық жасалған, 46 шетел азаматы ҚР аумағынан шығарылды.
Сондай-ақ ЖПІШ барысында Бөрлі ауданы Полиция бөлімінің Көші-қон полициясы қызметінің қызметкерлерімен Ақсай қаласындағы дүкендердің бірінде заңсыз шетелдік жұмыс күшін пайдалану фактісі анықталды. Дүкеннің иесі ҚР-ға тиісті құжаттарсыз келген шетел азаматтарын бірнеше рет жұмысқа тартып отырған. Қазір жұмыс берушіге қатысты ҚР Қылмыстық Кодексінің 395-бабы (ҚР шетелдік жұмыс күшін тарту және пайдалану қағидаларын бірнеше рет бұзу) бойынша сотқа дейінгі тергеу шаралары жүргізілуде. Сондай-ақ БҚО ПД Қазталов полиция бөлімінің қызметкерлері ҚР азаматының мемлекеттік шекараны заңсыз өту бойынша бір факті анықталған. Құқық бұзушыға қатысты ҚК-нің 392-бабы 1-бөліміне сәйкес (ҚР мемлекеттік шекарасын заңсыз кесіп өту) сотқа дейінгі тергеу амалдары жүргізілуде.
Версия для печатиСоңғы жаңалықтар
«Су тасқынынан зардап шеккендерге өтемақы төлеуде жеделдік қажет»
Батысқазақстандық полиция қызметкерлеріне гуманитарлық көмек жіберілді
Пікір үстеу