Кіру4500 ЖАСЫЛ КӨШЕТ ЕГІЛДІ
Өткен сенбіде санитарлық тазалық және абаттандыру айлығы аясында қалада ағаш отырғызу акциясы өтті. Жалпы есеппен қала аумағына ива, акация, мамыргүл, терек, каштан, катальпа, пирамидальды терек сияқты 4500-ден астам жасыл көшеттер отырғызылды.
Қоршаған ортаны көгалдандыруды басты мақсат еткен шара тұрғындар тарапынан үлкен қолдау тапты. Көгалдандыру ісіне білім ордаларының ұстаздары, балабақша қызметкерлері, студент жастар, жеке кәсіпкерлер, кәсіпорын қызметкерлері, мемлекеттік қызметкерлер мен ардагерлер қатысты. Шараға меншік түріне қарамастан, 652 ұйым мен мекеме жұмылдырылды. Көшет отырғызу жұмыстары Тұңғыш Президент алаңы, Қазыбек би көшесінен Төле би көшесіне дейінгі Әйтеке би көшесі, Ет комбинаты ауданындағы тынымбақ, №48 ЖОББМ ТЖЖ – 1 шағынауданы, Урдинская көшесінен КазТрубПром ғимаратына дейінгі Жамбыл көшесі, Әбілқайыр хан даңғылы, Әскери-техникалық мектебінің алды, Назарбаев даңғылынан Самар көшесіне дейінгі Сарайшық көшесі мекенжайларында ұйымдастырылды.
Сондай-ақ сенбілік барысында қала көшелері, саябақтар мен аула іші қоқыстан тазартылып, сынған ағаш бұталары мен қураған жапырақтар шығарылды.
Өз тілшіміз
Соңғы жаңалықтар
Блогерлер мен БАҚ беттерінде құмар ойындарды жарнамалауға тыйым салынбақ
«Су тасқынынан зардап шеккендерге өтемақы төлеуде жеделдік қажет»
су тасқынының алдын алу жұмысына 1 577 техника жұмылдырылды
Батысқазақстандық полиция қызметкерлеріне гуманитарлық көмек жіберілді
Пікір үстеу