Кіру300-ГЕ ЖУЫҚ ФУРА МЕН 50 ШАҚТЫ ЖЕҢІЛ КӨЛІК ЖОЛДА ТҰРЫП ҚАЛҒАН
БҚО ТЖД-ның мәліметінше, 10 наурызда түнгі сағат 2.41-де Шыңғырлау ауданының аумағында ауыр жүк көлігі және жеңіл автокөліктердің кептелісі пайда болғаны туралы хабар түскен.
Самара-Шымкент тас жолының 489-522 км шамасында жолдың әр учаскесінде Ақтөбе облысының шекарасына дейін 4-5 км жетпей шамамен 300 фура және 50 шақты жеңіл автокөлік тұрып қалған. Құтқарушылардың ауа райының нашарлауына байланысты ескертуіне қарамастан, жолға шыққандар биіктікке көтеріле алмай тұрып қалған.
БҚО ТЖД басшылық құрамЫ бастап, құтқарушы қызметкерлермен және арнаулы техникалармен («Тралл»,«ГТТБ», «Кунг», «Трекол») көмекке жетті. Бүгін сағат 10-ға дейін жеңіл автокөліктер толықтай жолға шығып, сапарларын жалғастырды. БҚО ТЖД баспасөз қызметі әлі 257 фураның тұрғанын хабарлады. Кептелісті жою жұмыстары жалғасуда.
БҚО Төтенше жағдайлар департаменті облыс тұрғындарын қыс мезгілінде жолдарда қауіпсіздік шараларын қатаң сақтауға шақырады. Жолдардағы жағдай туралы ақпаратты «Дәрмен» мобильді қосымшасынан алуға болады. Құтқарушылардың көмегі қажет болған жағдайда «112» нөміріне хабарласу керек.
zhaikuni.kz
Соңғы жаңалықтар
Блогерлер мен БАҚ беттерінде құмар ойындарды жарнамалауға тыйым салынбақ
Астанадан Батыс Қазақстан облысына гуманитарлық көмек жіберілді
«Су тасқынынан зардап шеккендерге өтемақы төлеуде жеделдік қажет»
су тасқынының алдын алу жұмысына 1 577 техника жұмылдырылды
Пікір үстеу