Кіру216 ПӘТЕР ИЕСІН ТАПТЫ
Еліміздің даму бағдарламасының басым бағыттарының бірі – қолайлы баспанамен қамту арқылы тұрғындардың өмір сүру сапасын арттыру. Бұл игілікті істер Елбасы, Тұңғыш Президентіміз Н.Назарбаевтың бастамасымен жүзеге асырылып келеді. Соның жарқын көрінісі – бүгін Зашаған кентінен тоғызқабатты зәулім үйдің пайдалануға берілуі. Облыс әкімі Ғали Есқалиев, қала әкімі Абат Шыныбеков «Нұрлы жер» мемлекеттік бағдарламасы аясында көптен күткен баспаналарына қол жеткізген отбасылардың қуанышын бірге бөлісті.
– Құрметті жерлестер! Бүгін міне, қуанышты сәттердің бірі – Елбасымыздың бастамасымен басталған «Нұрлы жер» мемлекеттік бағдарламасы шеңберінде 216 пәтерлік тұрғын үй сіздердің игіліктеріңізге пайдалануға беріліп отыр. Бұл 216 пәтердің 72-сі көпбалалы аналарға, 29-ы ата-анасынан айырылған жетім балаларға, қалғаны әлеуметтік осал топтарға жататын отбасыларға берілуде. Жаңа қоныстарыңыз құтты болсын. Шаңырақтарыңыз ырыс-берекеге толсын. Әсіресе, осы тұрғын үйдің құрылысын сапалы әрі уақытылы жүргізген «Альтаир» құрылыс фирмасына алғыс білдіремін, – деген облыс әкімі Ғали Нәжімеденұлы жаңа пәтерлердің кілттерін қожайындарына салтанатты түрде табыс етті. Бұдан соң өңір басшысы пәтерлерді аралап, жаңа қоныс иелеріне «құтты болсын» айтты.
Баспанаға қол жеткізген бақытты жандардың бірі – Бақытнұр Медетова. – 2003 жылдың мамыр айында үй кезегіне тіркелдік. Өте қуаныштымыз, біз үшін күтпеген жаңалық болды. Қызым мүмкіндігі шектеулі болғандықтан, ерекше күтімді қажет ететін. Бұл аудан тыныш, қызыма да өте ыңғайлы. Сенбі күні қоңырау шалып, үй алатынымызды айтқанда, алғашында сенбедік. Әлі күнге сене алар емеспіз. 2000 жылдары Сырым ауданынан көшіп келдік. Бұған дейін Автопарк ауданында бір бөлмелі жатақханада тұрдық. Жағдайымызды ойлап жатқан Елбасымызға, облыс, қала басшыларына алғысым шексіз, – дейді Бақытнұрдың анасы Балқия Медетова.
Құрылыс жұмыстарын жүргізген «Альтаир» ЖШС-ның құрылыс жұмыстары жөніндегі директоры Нұрлан Қуанғалиевтың айтуынша, мердігерлік компания бұл үйдің құрылысын өткен жылдың көктем айларында бастаған. Тоғыз қабатты тұрғын үйде төрт кіре беріс, 216 пәтер бар. 77 пәтер екі бөлмелі, қалғаны бір бөлмелі. Тұрғын үй толық абаттандырылған. Су, электр желісі тартылған. Әр подъезде заманауи кең лифтілер жұмыс істеп тұр. Жоба құны – бір млрд. 600 мың теңгені құрайды.
Кәусар БАЙҒАЛИЕВА
Версия для печати
Соңғы жаңалықтар
«ӘДІЛЕТ» ПАРТИЯСЫНЫҢ КӨШПЕЛІ ШТАБЫ ЖӘНІБЕК ЖҰРТШЫЛЫҒЫМЕН КЕЗДЕСТІ
Тұрақты даму – тиімді мемлекеттік басқару мен ортақ жауапкершіліктің нәтижесі
Бөрлі ауылында «Әділет» партиясының облыстық штаб мүшелері тұрғындармен кездесті
Жаңа Қазақстан Конституциясы – Әділетті қоғамның құқықтық негізі
«Жаңа талап» мемлекеттік қызмет мектебінің жаңа оқу жылы басталды
КАЗТАЛОВ АУДАНЫНДА 2 МЛРД ТЕҢГЕНІҢ 26 ИНВЕСТИЦИЯЛЫҚ ЖОБАСЫ БОЙЫНША МЕМОРАНДУМҒА ҚОЛ ҚОЙЫЛДЫ
Конституцияның 6-бабы: саяси әралуандық пен қоғамдық тұрақтылықтың құқықтық негізі
АВТОМОБИЛЬ КӨЛІГІ ЖӘНЕ АВТОЖОЛ САЛАСЫ ҚЫЗМЕТКЕРЛЕРІ ҚҰРМЕТКЕ БӨЛЕНДІ
Болашақтың экономикасына байыппен көшуге құқықтық негіз болатын жаңа Азаматтық кодекс қабылдау қажет»
Президент Қасым-Жомарт Тоқаевтың «Жаңа тарихи кезеңдегі Қазақстанның өзекті міндеттері» атты Қазақстан халқына Жолдауы
Президент Қасым-Жомарт Тоқаев 28 қазан күні Қазақстан халқына Жолдауын жариялайды
Президент шет мемлекеттер басшыларының Ұлттық мерекемізге орай жолдаған құттықтауларына ризашылығын білдірді
ОРАЛДА РЕСПУБЛИКА КҮНІНЕ ОРАЙ МЕМЛЕКЕТТІК ТУ КӨТЕРУ РӘСІМІ ӨТТІ
Облыс әкімі Нариман Төреғалиевтің Республика күнімен құттықтауы
Жедел медициналық көмек станциясының жаңа әкімшілік ғимараты салынуда
Батыс Қазақстан облысында Республика күні қарсаңында сенбіліктер мен ауыл шаруашылығы жәрмеңкесі өтті
Мемлекет басшысы NVIDIA компаниясының негізін қалаушы және президенті Дженсен Хуангты қабылдады
«Подстепное – Федоровка – Ресей Федерациясының шекарасы»: БҚО-да автомобиль жолы пайдалануға берілді
Мемлекет басшысы Қасым-Жомарт Тоқаев Республика күніне арналған салтанатты жиында сөз сөйледі
Пікір үстеу