Кіру198 ОТБАСЫ ҚОНЫС ТОЙЫН ТОЙЛАДЫ
ҚР Тұңғыш Президент күніне орай бүгін «Нұрлы жер» мемлекеттік бағдарламасы шеңберінде Зашағанда кентінде 9 қабатты, 198 пәтерлік жаңа тұрғын үй қожайындарына берілді. Жалпы көлемі 5673,87 шаршы метрді құрайтын зәулім үйдің құрылыс жұмыстарын «Болашақ-Т» жауапкершілігі шектеулі серіктестігі жүргізген. Бірлік көшесі 13-үй тұрғындарының қуанышын бірге бөліскен облыс әкімі Ғали Есқалиев пәтер иелеріне кілттерін табыс етті.
– Қымбатты жерлестер! Баршаңызды ҚР Тұңғыш Президенті күнімен шын жүректен құттықтаймын. Мерекеге орай сіздерге керемет қуаныш сыйлағалы тұрмыз. «Нұрлы жер» мемлекеттік бағдарламасы тікелей Елбасының бастамасы. Осы бастаманы орындау барысында Қазақстанның барлық қаласында ай сайын әлеуметтік үйлер тапсырылуда. Мұдағы 198 пәтердің 99-ы көпбалалы отбасыларға тиесілі. Көптен баспана кезегінде тұрғандар мен мүмкіндігі шектеулі жандар да, жетім балалар да назардан тыс қалмады. Мәселен, жалға берілген екі бөлмелі үйдің құны ай сайын небары 10 мың теңгені құрайды. Биыл мемлекет тарапынан тұрғын үй құрылысына 17 млрд.-тан аса қаражат бөлінді. 17 тұрғын үй құрылысы басталды. Ауылдарда 474 пәтер салынуда. Әрине, бәрін бірден жасауға мүмкіндік жоқ. Бірақ, біртіндеп тұрғын үйлерді табыстаймыз. Алдағы жыл басында халықтың сұранысын қанағаттандыру мақсатында «Ақжайық» шағынауданының құрылысын бастаймыз. Сіздер үшін біз де қуаныштымыз. Баспаналарыңыз құтты болып, үлкен қарашаңыраққа айналсын, – деп шынайы лебізін жеткізген өңір басшысы Ғ.Нәжімеденұлы тұрғындарды мемлекеттің мүлкі деп баспаналарына салғырт қарамауға шақырды.
Жаңа пәтер иелері атынан сөз алған көпбалалы ана Қарлығаш Закарина Елбасына, облыс, қала басшыларына алғысын жеткізді. – Қаламыз күн санап көркейіп, жаңарып келеді. Зәулім үйлер қатары көбейді. Бүгін көптен күткен баспанамның кілтін қолыма ұстап, қуанып тұрмын. Алдағы уақытта да көпбалалы аналардың алғысына бөлене беріңдер. Үйіміздің іргетасы мықты болсын, – деп ақ тілегін ақтарды көпбалалы ана.
Жылы баспананы 19 жыл күткен мүмкіндігі шектеулі Жанерке Төлегеннің де бүгін бір арманы орындалды. – Қазір жасым – 27-де. Тұңғыш Президент күні қарсаңында жаңа үйімнің кілтіне қолым жетті. Пәтерім екі бөлмелі. Осындай қолжетімді баспана алып жатқаныма сене алмай тұрмын. Жайлы да, жарық екі бөлмелі пәтерде мін жоқ. Бастысы –енді өз шаңырағым бар, – дейді Жанерке қуанышын жасыра алмай.
Айта кету керек, су жаңа үйде тұрғындар үшін барлық жағдай қарастырылған. Лифт, мүмкіндігі шектеулі адамдарға арналған пандус бар. Баспана азаматтардың қалауы мен қаржылық жағдайына қарай бір, екі және үш бөлмеден тұрады. Бүгінде «Нұрлы жер» бағдарламасының осындай қолайлы ережесін оралдықтар кеңінен пайдаланып келеді.
Кәусар БАЙҒАЛИЕВА
Версия для печати
Соңғы жаңалықтар
«ӘДІЛЕТ» ПАРТИЯСЫНЫҢ КӨШПЕЛІ ШТАБЫ ЖӘНІБЕК ЖҰРТШЫЛЫҒЫМЕН КЕЗДЕСТІ
Тұрақты даму – тиімді мемлекеттік басқару мен ортақ жауапкершіліктің нәтижесі
Бөрлі ауылында «Әділет» партиясының облыстық штаб мүшелері тұрғындармен кездесті
Жаңа Қазақстан Конституциясы – Әділетті қоғамның құқықтық негізі
«Жаңа талап» мемлекеттік қызмет мектебінің жаңа оқу жылы басталды
КАЗТАЛОВ АУДАНЫНДА 2 МЛРД ТЕҢГЕНІҢ 26 ИНВЕСТИЦИЯЛЫҚ ЖОБАСЫ БОЙЫНША МЕМОРАНДУМҒА ҚОЛ ҚОЙЫЛДЫ
Конституцияның 6-бабы: саяси әралуандық пен қоғамдық тұрақтылықтың құқықтық негізі
АВТОМОБИЛЬ КӨЛІГІ ЖӘНЕ АВТОЖОЛ САЛАСЫ ҚЫЗМЕТКЕРЛЕРІ ҚҰРМЕТКЕ БӨЛЕНДІ
Болашақтың экономикасына байыппен көшуге құқықтық негіз болатын жаңа Азаматтық кодекс қабылдау қажет»
Президент Қасым-Жомарт Тоқаевтың «Жаңа тарихи кезеңдегі Қазақстанның өзекті міндеттері» атты Қазақстан халқына Жолдауы
Президент Қасым-Жомарт Тоқаев 28 қазан күні Қазақстан халқына Жолдауын жариялайды
Президент шет мемлекеттер басшыларының Ұлттық мерекемізге орай жолдаған құттықтауларына ризашылығын білдірді
ОРАЛДА РЕСПУБЛИКА КҮНІНЕ ОРАЙ МЕМЛЕКЕТТІК ТУ КӨТЕРУ РӘСІМІ ӨТТІ
Облыс әкімі Нариман Төреғалиевтің Республика күнімен құттықтауы
Жедел медициналық көмек станциясының жаңа әкімшілік ғимараты салынуда
Батыс Қазақстан облысында Республика күні қарсаңында сенбіліктер мен ауыл шаруашылығы жәрмеңкесі өтті
Мемлекет басшысы NVIDIA компаниясының негізін қалаушы және президенті Дженсен Хуангты қабылдады
«Подстепное – Федоровка – Ресей Федерациясының шекарасы»: БҚО-да автомобиль жолы пайдалануға берілді
Мемлекет басшысы Қасым-Жомарт Тоқаев Республика күніне арналған салтанатты жиында сөз сөйледі
Пікір үстеу