КіруСАЯБАҚТАР МЕН ТЫНЫМБАҚТАР ДИРЕКЦИЯСЫ ҚҰРЫЛДЫ
Қазіргі уақытта Орал қаласы аумағындағы саябақтар мен алаңдардың құжаттары дайындалуда және рәсімдеу жүргізілген соң дирекцияға берілмек.
Орал қаласы аумағында 50-ге жуық саябақ пен тынымбақ бар. Саябақтар мен алаңдар дирекциясының директоры Жасұлан Сакенов атап өткендей, мақсат – бір орталыққа біріктіру арқылы басқаруды жеңілдету және қараусыз қалған аумақтарды қайта қалпына келтіру, көгалдандыру.
– Қазақстан Республикасының заңнамалық құжаттарына сәйкес әр қала тұрғыны үшін 10 шаршы метрлік жасыл аумақ есептеледі. Біздің қаламызда 330 мыңдай халық бар, демек саябақтарымыздың да жалпы аумағы 330 мың гектар болуы керек. Қазіргі уақытта дайындалып жатқан 44 саябақ-тынымбақтың жалпы аумағы – 79,5 гектар ғана. Халық тынығып, бой сергітіп, серуендейтін саябақ пен тынымбақтар әр тұрғынға қолжетімді жерде болуы маңызды, – дейді Жасұлан Нұрлыбекұлы.
Жаңа жылдан бастап іс жүзінде жұмыс жасайтын дирекция жаңа штаттар ашып, саябақтар мен тынымбақтардың тазалығына жауапты жұмысшылар, ландшафттық дизайнерлер, эколог, биологтарды жұмысқа қабылдамақ. Осы орайда дирекция тарапынан қалалық жұмыспен қамту орталығына сұраныс жолданған.
Эльмира НҰҒМАНОВА,
zhaikuni.kz
Версия для печати
Соңғы жаңалықтар
Президент: «Мұндай маңызды шешім кең ауқымды талқылау арқылы қабылдануға тиіс»
Медициналық технологиялар және биоресурстар: БҚО мен Қытай компаниясының бірлескен жобасы талқыланды
Бүгін Қазақстан мен Еуропалық одақ визалық режимді жеңілдету туралы келіссөздерді бастайды
Өңірлерді қолдау күшейеді: 2026-2028 жылдарға арналған трансферттер инфрақұрылымды дамытуға бағытталады
Пікір үстеу