КіруБАЛАЛАРҒА ҚУАНЫШ СЫЙЛАДЫ
«Спорт – денсаулық кепілі» деген қағиданы берік ұстанған «ҚазИИТУ» ғылыми-білім кешеніне қарасты Республикалық жоғары техникалық колледжінің ұжымы мен студенттері әрдайым қамқорлық танытуға көңіл бөліп жүреді. Олар қайырымдылық айлығы шеңберінде облыстық отбасы үлгісіндегі балалар ауылына арнайы барып, спортты жанындай жақсы көретін тәрбиеленушілерге ерекше қуаныш сыйлады.
Студенттерді аталмыш колледждің Кәсіптік бағдар беру маманы Аңсар Сапиев бастап барды. Жас өрендер «Молния», «Турбо», «Достық» топтарына бөлініп, «Жуылған кірді жай», «Қасықпен доп тасу», «Арқан тартыс», «Қаппен секіру», «Кенгуру» аталымдары бойынша берілген тапсырмаларды орындап, жүгірді, секірді, өнерге де кезек берді. Облыстық отбасы үлгісіндегі балалар ауылының қызметкері Гүлнұр Сабырқызы ана-анасының қорғауынсыз қалған бүлдіршіндерге қолдау көрсетіп, жандарын жадыратқан, көңілдерін бір сергіткен жастарға ризашылығын білдірді.
Жарыс нәтижесінде ең үздік спортшыларға жекелей сыйлықтар, мақтау қағаздар тапсырылды. Дегенмен, бастысы жеңіс емес, достық пен бірлікті насихаттау дейді ұйымдастырушылар.
Кәусар БАЙҒАЛИЕВА
Версия для печати
Соңғы жаңалықтар
Президент: «Мұндай маңызды шешім кең ауқымды талқылау арқылы қабылдануға тиіс»
Медициналық технологиялар және биоресурстар: БҚО мен Қытай компаниясының бірлескен жобасы талқыланды
Бүгін Қазақстан мен Еуропалық одақ визалық режимді жеңілдету туралы келіссөздерді бастайды
Өңірлерді қолдау күшейеді: 2026-2028 жылдарға арналған трансферттер инфрақұрылымды дамытуға бағытталады
Пікір үстеу