КіруҚазақстандықтардың теңгемен сақтаған салымдары арта түсті
Ұлттық банк төрағасы Ерболат Досаевтың сөзіне сенсек, Қазақстандағы депозиттерді долларландыру деңгейі 48,4 пайыздан 43,8 пайызға төмендеген.
«Депозит көлемі тамыз айының соңында 5,5 пайызға, яғни 17,5 трлн теңгеге төмендеді. Бұл осы жылдың бірінші тоқсанында банктерді қалыпқа келтіру ісіне байланысты. Осы жылдың сәуір-тамыз айларында депозиттер өсімі 1,9 пайызды көрсетіп, 327 млрд теңгеге жетті», – деді Ерболат Досаев Үкімет отырысында. Ұлттық банк төрағасының айтуына қарағанда, шетел валютасындағы салымдарды теңгеге ауыстыру жұмысы жалғасады. «8 айда ұлттық валютадағы салымдар 3 пайызға өсті. Ал валюталық депозиттер 14,5 пайызға төмендеді. Осының нәтижесінде депозиттерді долларландыру деңгейі жыл басындағы 48,4 пайыздан 43,8 пайызға төмендеді», – деді ол. Ерболат Досаев атап өткендей, биылғы сәуір-тамыз аралығында несие портфелі 13,2 трлн теңгеге, яғни 6 пайызға өскен. «Бұл бағыттағы өсім жыл басынан бері 1 пайыз болды. Бұл ең алдымен жеке тұлғалардың несие портфелінің 16 пайызға, яғни 6,2 трлн теңгеге ұлғаюымен тікелей байланысты. Заңды тұлғаларға берілген несие көлемі 9,2 пайызға – 7,1 трлн теңгеге дейін төмендеді», – деді ол. Еске сала кетсек, Ұлттық банк төрағасы бүгінгі Үкімет отырысында Қазақстанның қаржы нарығындағы жағдай тұрақты екенін мәлім еткен болатын.
ҚазАқпарат
Версия для печати
Соңғы жаңалықтар
Президент: «Мұндай маңызды шешім кең ауқымды талқылау арқылы қабылдануға тиіс»
Медициналық технологиялар және биоресурстар: БҚО мен Қытай компаниясының бірлескен жобасы талқыланды
Бүгін Қазақстан мен Еуропалық одақ визалық режимді жеңілдету туралы келіссөздерді бастайды
Өңірлерді қолдау күшейеді: 2026-2028 жылдарға арналған трансферттер инфрақұрылымды дамытуға бағытталады
Пікір үстеу