КіруЖылдамдықты асырма
Жылдың 7 айының қорытындысы бойынша БҚО жолдарында 164 жол-көлік оқиғасы тіркеліп, соның салдарынан 56 адам қаза тауып, 203 адам жарақат алды. Бұл туралы БҚО ПД ЖПҚБ бастығы полиция подполковнигі Мирхат Аженов мәлімдеді.
Еліміздің жолдарындағы жол-көлік оқиғаларының жиілеп кетуіне байланысты Қазақстан Республикасы ІІМ-нің нұсқауына сәйкес ағымдағы жылдың 19 шілдесі мен 18 тамызы аралығында БҚО аумағында «Қауіпсіз жол» жедел – алдын алу іс-шарасы республикалық айлығы өткізілуде.
– Жедел алдын алу іс-шарасының 23 күнінде 9032 әкімшілік құқық бұзушылық анықталды, оның ішінде мас күйінде көлік құралын жүргізгені үшін-119 жүргізуші анықталды. Жүргізіліп жатқан профилактикалық іс-шаралар мен ескертуге қарамастан,кісі өліміне әкеп соғатын жол апаты орын алуда.
Мәселен, кеше БҚО-дағы «Самара-Шымкент» тас жолында жол апаты орын алды. «Лада-Гранта» автокөлігінің жүргізушісі рульді басқара алмай, аударылған. Апат салдарынан 1973 ж. т., жүргізуші мен 2004 ж. т., жолаушы оқиға орнында көз жұмды. Жол-көлік оқиғасы бойынша бірқатар сараптамалар тағайындалды, ҚР ҚК 345-бабы 4-бөлігі (жол қозғалысы ережелерін бұзу) бойынша сотқа дейінгі тергеу жүргізілуде, – деп атап өтті БҚО ПД ЖПҚБ бастығы полиция подполковнигі Мирхат Аженов.
БҚО Полиция департаменті жүргізушілерге көлікті жүргізген кезде әрдайым қауіпсіздік белдігін тағып, жол ережелерін қатаң сақтау қажеттігін ескертеді. Балаларды тасымалдау кезінде балаларды ұстайтын құрылғыға ерекше назар аудару керек. Қарапайым ережелерді сақтау жолдардағы төтенше жағдайлардың ықтималдығын азайтуға, адамдардың өмірін сақтауға көмектеседі. Айнара ИСА
Соңғы жаңалықтар
Қазақ тілін және тарихын білмейтіндерге Қазақстан азаматтығы берілмейді
«Мерейлі отбасы-2024» ұлттық конкурсының қалалық кезеңі өтеді
Пікір үстеу