Кіру«Тиімді басқару, сабақтастық және «Адал азамат» құндылықтары»: облыс педагогтерінің тамыз кеңесінде өзекті мәселелер талқыланды
Облыс педагогтерінің тамыз кеңесі аясында білім беру саласындағы басқару тиімділігін арттыру, сабақтастықты қамтамасыз ету және «Адал азамат» құндылықтарын білім беру ортасына енгізу мәселелеріне арналған пленарлық отырыс өтті.
Іс-шараға Қазақстан Республикасы Мемлекеттік қызмет істері агенттігінің Батыс Қазақстан облысы бойынша департаментінің басшысы М.Байсалов қатысты.
Пленарлық отырыс барысында білім беру ұйымдарындағы өзекті мәселелер бойынша кейстік талдау жүргізіліп, практикалық ұсынымдар берілді. Қызметтік әдеп нормаларын сақтау, адалдық пен парасаттылық қағидаттарын нығайту, академиялық адалдықты қамтамасыз ету және сыбайлас жемқорлықтың алдын алу мәселелеріне ерекше назар аударылды.
Сонымен қатар, білім беру саласындағы сыбайлас жемқорлық тәуекелдеріне жүргізілген сыртқы талдау қорытындылары қаралып, анықталған тәуекелдерді төмендету және олардың алдын алу бойынша ұсынымдар талқыланды.
Мемлекеттік органдар мен білім беру ұйымдарының қызметіндегі ашықтық пен жауапкершілікті арттыру, заң талаптарын сақтау және жас ұрпақтың бойында «Адал азамат» құндылықтарын қалыптастырудың маңыздылығы атап өтілді.
Кеңес аясында білім басқармасына қарасты ұйымдардың қызметтік автокөліктеріне сыбайлас жемқорлыққа қарсы бағыттағы ақпараттық материалдар орналастырылды. Аталған жұмыс мемлекеттік мүлікті мақсатты пайдалану, ашықтықты қамтамасыз ету және сыбайлас жемқорлықтың алдын алу мәдениетін қалыптастыруға бағытталды.
Іс-шара қорытындысы бойынша білім беру саласындағы басқару сапасын арттыру, қызметтік әдепті сақтау, сыбайлас жемқорлықтың алдын алу және «Адал азамат» құндылықтарын ілгерілету бағытында ұсынымдар берілді.
Соңғы жаңалықтар
Жедел медициналық көмек станциясының жаңа әкімшілік ғимараты салынуда
Батыс Қазақстан облысында Республика күні қарсаңында сенбіліктер мен ауыл шаруашылығы жәрмеңкесі өтті
Мемлекет басшысы NVIDIA компаниясының негізін қалаушы және президенті Дженсен Хуангты қабылдады
«Подстепное – Федоровка – Ресей Федерациясының шекарасы»: БҚО-да автомобиль жолы пайдалануға берілді
Мемлекет басшысы Қасым-Жомарт Тоқаев Республика күніне арналған салтанатты жиында сөз сөйледі
Президент Республика күні қарсаңында бір топ азаматты мемлекеттік наградалармен марапаттау туралы Жарлыққа қол қойды
Мемлекет басшысы әскери реформа мәселелері бойынша Қауіпсіздік Кеңесінің отырысын өткізді
«Мақат – Индербор – Сәтимола» бағытындағы теміржол инфрақұрылымның құрылысы басталды
Президент Қасым-Жомарт Тоқаев құтқарушыларға мемлекеттік марапаттар тапсырды
Жаңақала ауданында коммуналдық инфрақұрылымды жаңғырту жұмыстары жалғасуда
Қазақстан ТЖМ әлеуетін арттыруда: жаңа технологиялар, заманауи техника және құтқару инфрақұрылымын дамыту
