Кіру970 қызмет алушының құқықтары қалпына келтірілді
Мемлекеттік қызметті алу кезінде артық құжат сұрату, өтінішті қарау мерзімін созу немесе негізсіз бас тарту азаматтардың уақытын алып, мәселесінің шешілуін қиындатады. Батыс Қазақстан облысында есептік кезеңде жүргізілген тексерулер нәтижесінде осындай бұзушылықтарға тап болған 970 қызмет алушының құқықтары қалпына келтірілді.
Бұл туралы Қазақстан Республикасы Мемлекеттік қызмет істері агенттігінің Батыс Қазақстан облысы бойынша департаментінің мемлекеттік көрсетілетін қызметтер басқармасының басшысы Нурайна Нуралиева хабарлады.
Есептік кезеңде Департамент 124 бақылау іс-шарасын өткізді. Оның ішінде 12 жоспарлы, 16 жоспардан тыс тексеру және 967 байқау көрсетілген.
Тексерулер нәтижесінде 43 964 бұзушылық анықталды. Оның 1 399-ы орталық мемлекеттік органдарға, 42 565-і жергілікті атқарушы органдарға тиесілі.
Анықталған деректердің басым бөлігі мемлекеттік қызмет көрсету тәртібін бұзу мен қызмет көрсетуден негізсіз бас тартуға қатысты. Атап айтқанда, қызмет көрсету тәртібін бұзудың 20 387 фактісі, негізсіз бас тартудың 13 762 фактісі тіркелді. Бұдан бөлек, қызмет көрсету мерзімін бұзудың 1 129, артық құжаттарды талап етудің 93, қызмет көрсетуден бас тарту мерзімін бұзудың 9 фактісі және өзге де 8 323 бұзушылық анықталды.
Азаматтардың өтініштері де нақты қызметтерді көрсету кезіндегі кемшіліктерді анықтауға мүмкіндік береді. Мемлекеттік қызмет көрсету сапасына қатысты Департаментке 212 өтініш түсті. Оның 149-ы қаралып, 27 өтініш бойынша тексеру іс-шаралары жүргізілді. Негізді өтініштер бойынша 41 қызмет алушының құқықтары қалпына келтірілді. Бұл көрсеткіш негізді өтініштер бойынша 100% құрады.
Бұзушылықтарға жол берген 75 қызметкер жауапкершілікке тартылды. Оның 37-сі тәртіптік, 38-і әкімшілік жауапкершілікке тартылды. Әкімшілік жауапкершілікке тартылған 38 лауазымды тұлғадан мемлекет кірісіне 3,3 млн теңге айыппұл өндірілді.
Нурайна Нуралиеваның мәліметінше, бақылаумен қатар тұрғындарға мемлекеттік қызметтерді алу және шағым беру тәртібін түсіндіру жұмыстары жүргізілді. Осы бағытта ұйымдастырылған 22 іс-шараға 700-ге жуық адам қамтылды. Теле- және радиоарналардағы бағдарламаларда 7 рет түсіндіру жұмысы жүргізілді.
Әлеуметтік желілерде ұйымдастырылған 20 тікелей эфирде қызмет берушілер азаматтарға онлайн кеңес берді. «Елге қызмет» бағдарламасының 24 эфирінде мемлекеттік органдар халықты өздері көрсететін қызметтермен таныстырды. «Ең алдымен адамдар» семинарларында 97 адам оқудан өтті.
Қызмет көрсету сапасына қатысты мәселелер ведомствоаралық деңгейде де қаралды. Жұмыс тобының 3 отырысында 10 мәселе талқыланып, мемлекеттік қызметтердің сапасын арттыру бойынша 30 ұсыныс әзірленді.
Мүдделі мемлекеттік органдармен бірлесіп 4 қызмет алушылар күні өткізілді. Оның барысында 150-ге жуық тұрғын мемлекеттік қызметтер көрсету мәселелері бойынша кеңес алды.
Департаменттің бастамасымен аудандық қоғамдық кеңестерде мемлекеттік қызмет көрсету сапасына қатысты 10 мәселе қаралды. Олардың қорытындысы бойынша берілген 25 ұсыныстың барлығы орындалды.
Сонымен қатар, Департаменттің қатысуымен өткізілген 5 бірлескен бақылау іс-шарасында 871 заңбұзушылық анықталды. Оларды жою жөнінде 5 ұсыным беріліп, олардың орындалуы 100% құрады.
Сыртқы мониторинг нәтижесінде мерзімді бұзудың 82 фактісі расталды. Осы деректер бойынша 12 қызметкер тәртіптік жауапкершілікке тартылды.
Версия для печатиСоңғы жаңалықтар
Президент Қасым-Жомарт Тоқаев құтқарушыларға мемлекеттік марапаттар тапсырды
Жаңақала ауданында коммуналдық инфрақұрылымды жаңғырту жұмыстары жалғасуда
Қазақстан ТЖМ әлеуетін арттыруда: жаңа технологиялар, заманауи техника және құтқару инфрақұрылымын дамыту
Батыс Қазақстан облысының Орал қаласында ауыл шаруашылығы тауарын өндірушілердің кезекті жәрмеңкесі өтті
От идеи к производству: как изменились возможности казахстанского бизнеса за семь лет
Қасым-Жомарт Тоқаев пен Ильхам Әлиев Транскаспий талшықты-оптикалық байланыс желісін іске қосу рәсіміне қатысты
«Жаңа қоғамдық этика: мәдениет, әдеп, әдет» республикалық форумы өтті
Барлық деңгейдегі мәслихат депутаттарының сайлауы 29 қарашаға белгіленді
Новый исследовательский реактор: инвестиция в технологии, кадры и будущее атомной науки
Мемлекет басшысы Бельгиялықтар Королімен және Патшайымымен бірге Ұлттық балаларды оңалту орталығына барды
Как Казахстан защищает радиоактивные материалы от диверсий и хищений!
Мемлекет басшысы барлық деңгейдегі мәслихаттардың өкілеттігін мерзімінен бұрын тоқтату туралы Жарлыққа қол қойды
Жаңа Конституция Қазақстанның сот жүйесі тәуелсіздігін нығайтуға бағытталған
14 жасында әлемдік әдебиет сахнасында: ағайынды Айтқалиевтер Франкфуртта өз кітаптарын таныстырды
Әуежай залында Қазақстан Президенті құрметті қонақтармен аз-кем әңгімелесті
