КіруЭкологиялық жауапкершілік – Конституцияда бекітілген маңызды қағида
Табиғатты қорғау және қоршаған ортаның тазалығын сақтау – қоғамның тұрақты дамуының негізгі шарттарының бірі. Бүгінде ауаның ластануы, су ресурстарының азаюы, тұрмыстық қалдықтардың көбеюі мен табиғи байлықтарды тиімсіз пайдалану мәселелері өзекті болып отыр. Осыған байланысты Қазақстан Республикасының жаңа Конституциясында экологиялық қауіпсіздік пен табиғатқа ұқыпты қарау мәселелеріне ерекше назар аударылған.
Жаңа Конституцияның 37-бабында азаматтардың табиғатты сақтау жөніндегі міндеттері, мемлекеттің қолайлы қоршаған ортаны қорғау мақсаты және экологиялық қауіп туралы ақпаратты жасырғаны үшін жауаптылық қарастырылған. Бұл нормалар табиғи ресурстарды қорғаумен қатар, адам өмірі мен денсаулығына қауіп төндіретін жағдайлардың алдын алуға бағытталған.
Аталған баптың бірінші тармағына сәйкес, Қазақстан Республикасының азаматтары табиғатты сақтауға және табиғи байлықтарға ұқыпты қарауға міндетті. Бұл талап қоршаған ортаны қорғау әрбір адамның азаматтық жауапкершілігі екенін көрсетеді. Суды үнемдеу, ауаның ластануына жол бермеу, жасыл желектерді сақтау және қалдықтарды дұрыс сұрыптау сияқты қарапайым әрекеттер экологиялық мәдениетті қалыптастыруға ықпал етеді.
Қоршаған ортаны қорғау тек мемлекеттік органдар мен арнайы мекемелердің міндеті емес. Бұл – бүкіл қоғамға ортақ жауапкершілік. Әрбір азамат күнделікті өмірде табиғи ресурстарды тиімді пайдаланып, табиғатқа зиян келтірмеуге ұмтылуы қажет. Экологиялық сананың қалыптасуы мен табиғатқа жанашырлықпен қарау мәдениеті келешек ұрпақ үшін қолайлы орта қалыптастыруға мүмкіндік береді.
Конституцияның 37-бабының екінші тармағында мемлекет адамның өмірі мен денсаулығына қолайлы қоршаған ортаны қорғауды мақсат ететіні көрсетілген. Бұл экологиялық жағдайдың халықтың әл-ауқаты мен өмір сапасына тікелей әсер ететінін айқындайды. Таза ауа, сапалы ауызсу және қауіпсіз табиғи орта – адам денсаулығын сақтаудың маңызды алғышарттары.
Осы бағытта өндіріс орындарының қоршаған ортаға әсерін бақылау, су көздерін қорғау, қалдықтарды басқару жүйесін жетілдіру және табиғи ресурстарды ұтымды пайдалану маңызды рөл атқарады. Сонымен қатар экологиялық мәселелердің алдын алуда мемлекеттік бақылаумен бірге қоғамдық белсенділік пен тұрғындардың ақпараттандырылуы да ерекше мәнге ие.
Баптың үшінші тармағында адам өмірі мен денсаулығына, қоршаған ортаға қатер төндіретін фактілер мен мән-жайларды лауазымды адамдардың жасыруы заңға сәйкес жауаптылыққа әкелетіні белгіленген. Бұл норма экологиялық қауіпсіздік саласындағы ашықтық пен жауапкершілікті қамтамасыз етуге бағытталған. Қауіп туралы ақпараттың уақтылы әрі ашық берілуі азаматтарға қажетті шараларды қабылдап, өздерінің өмірі мен денсаулығын қорғауға мүмкіндік береді.
Қорыта айтқанда, Конституцияда экологиялық жауапкершіліктің бекітілуі табиғатты қорғаудың құқықтық негізін нығайтып, қоршаған ортаға деген саналы көзқарасты қалыптастырудың маңызын арттырады. Табиғи байлықтарды сақтау, экологиялық талаптарды орындау және қоршаған ортаға ұқыпты қарау – мемлекеттің де, әрбір азаматтың да ортақ міндеті. Табиғатты қорғауға бағытталған жүйелі әрекеттер ғана келешек ұрпаққа таза әрі қауіпсіз орта қалдыруға негіз болады.
Версия для печатиСоңғы жаңалықтар
«Мақат – Индербор – Сәтимола» бағытындағы теміржол инфрақұрылымның құрылысы басталды
Президент Қасым-Жомарт Тоқаев құтқарушыларға мемлекеттік марапаттар тапсырды
Жаңақала ауданында коммуналдық инфрақұрылымды жаңғырту жұмыстары жалғасуда
Қазақстан ТЖМ әлеуетін арттыруда: жаңа технологиялар, заманауи техника және құтқару инфрақұрылымын дамыту
Батыс Қазақстан облысының Орал қаласында ауыл шаруашылығы тауарын өндірушілердің кезекті жәрмеңкесі өтті
От идеи к производству: как изменились возможности казахстанского бизнеса за семь лет
Қасым-Жомарт Тоқаев пен Ильхам Әлиев Транскаспий талшықты-оптикалық байланыс желісін іске қосу рәсіміне қатысты
«Жаңа қоғамдық этика: мәдениет, әдеп, әдет» республикалық форумы өтті
Барлық деңгейдегі мәслихат депутаттарының сайлауы 29 қарашаға белгіленді
Новый исследовательский реактор: инвестиция в технологии, кадры и будущее атомной науки
