КіруҚұспанкөлде мектеп мәртебесі өзгерді
Сырым ауданындағы Құспанкөл елді мекенінде де жаңа шағын жинақты мектеп пайдалануға берілді.
Салтанатты шараға облыс әкімінің орынбасары Мирас Мүлкәй, аудан басшылығы мен ауыл тұрғындары қатысты.
Аймақ басшысының орынбасары ауыл халқына облыс әкімі Нариман Төреғалиевтің құттықтауын жеткізді.– Президенттің апатты және үш ауысымды мектептер мәселесін шешу жөніндегі тапсырмасына сәйкес өңірде ауқымды жұмыстар атқарылып жатыр. Жаңа оқу жылы қарсаңында 8 шағын жинақты мектептің құрылысы аяқталды. Дәл қазір екінші нысанды пайдалануға бергелі тұрмыз. Жас ұрпақтың сапалы білім алуы үшін жағдай жасау – мемлекеттің стратегиялық мақсат-міндеті, – деді Мирас Мүлкәй.
Бұған дейін Құспанкөлдегі бастауыш мектеп ғимаратының тозығы жетіп, мұнда 21 бала білім алған. Қалған оқушылар негізгі орта білім алу үшін ауылдық округ орталығына қатынап оқитын. Жаңа ғимараттың пайдалануға берілуімен бұл мәселе шешімін тапты. 60 орынға лайықталған мектептің мәртебесі де бастауыштан негізгі орта мектепке өзгерді. KPO b.v. компаниясының әлеуметтік міндеттемелері аясында салынған нысанның құны – 1,4 млрд теңге. Мектепте оқушыларға қажетті оқу және тұрмыстық жағдай жасалған. Бейнебақылау жүйесі орнатылып, ауласы абаттандырылған. Мұнда спорт және ойын алаңдары да бар.
Ауыл тұрғындары жаңа мектептің ашылуын елді мекен өміріндегі маңызды оқиға ретінде бағалап, игілікті іске атсалысқан азаматтарға алғыстарын білдірді.
Д.САҒЫНБАЕВА
Версия для печатиСоңғы жаңалықтар
Ерлан Кошанов: наша задача – вовремя слышать и чувствовать настроения людей
Орал қаласында Даму және шығармашылық орталығының құрылысы басталады
Мемлекет басшысы Қасым-Жомарт Тоқаев жұмыс сапарымен Түрікменстанға барды
Зачаган кентіндегі Науша батыр және Бопай ханым көшелерінде жол жөндеу жұмыстары басталды
Бөрлі аудандық ауруханасын жаңғырту жобасының дайындығы 90%-ға жетті
The World Financial Review: как Казахстан изменил экономическую модель за семь лет президентства Токаева
БҚО-да тазалық ережелерін бұзған 7 мыңнан астам адам жауапқа тартылды
Оралда жүргізуші куәлігінен айырылған азамат есірткіге масаң күйде көлік басқарған
Мемлекет басшысына Қорғаныс министрлігін тексеру жөніндегі комиссия жұмысының алғашқы нәтижелері туралы есеп берілді
Ведомствоаралық кеңесте мемлекеттік қызмет және сыбайлас жемқорлыққа қарсы іс-қимыл мәселелері талқыланды
Орал қаласында ауыл шаруашылығы жәрмеңкесі өтті: тұрғындарға қолжетімді бағамен өнімдер ұсынылды
