КіруҚұрылтайға қатысты он сұрақ
Қазақстан Республикасы Құрылтайының депутаттарын сайлау 2026 жылғы 23 тамызға тағайындалды. Сайлауды дайындау мен өткізуді Қазақстан Республикасының Орталық сайлау комиссиясы ұйымдастырады; Үкімет пен жергілікті атқарушы органдар қажетті ұйымдастырушылық, материалдық-техникалық және қаржылық жағдайларды қамтамасыз етеді.
Бұл – жаңартылған Конституция жағдайындағы Құрылтай депутаттарын сайлау бойынша алғашқы сайлау науқаны. Құрылтай — заң шығарушы билікті жүзеге асыратын елдің жоғары өкілді органы.
145 депутат бес жыл мерзімге бірыңғай жалпыұлттық сайлау округі бойынша партиялық тізімдер бойынша – жалпыға бірдей, тең және төте сайлау құқығы негізінде жасырын дауыс беру арқылы сайланады.
Ақпарат алу үшін қайда жүгіну керек?
-Құрылтай депутаттарын сайлау туралы ресми ақпарат алу үшін Қазақстан Республикасының Орталық сайлау комиссиясына жүгіну қажет – ресми сайт election.gov.kz.
-Қандай партиялар тіркелген?
−2026 жылғы 23 шілдедегі жағдай бойынша тізімдерде 7 саяси партия тіркелген (545 кандидат, 145 мандат): «Әділет», Жалпыұлттық социал-демократиялық партия, «Байтақ» Қазақстан жасылдар партиясы, Қазақстан халық партиясы, «Ауыл» партиясы, Қазақстан Демократиялық «Ақ жол» партиясы, «Respublica» партиясы — бюллетеньдегі реттілік жеребе арқылы анықталды.
Кім дауыс бере алады?
-Құрылтай депутаттарын сайлауда дауыс беру құқығы 18 жасқа толған Қазақстан Республикасының азаматтарына жалпыға бірдей, тең және төте сайлау құқығы негізінде жасырын дауыс беру арқылы беріледі.
Өз сайлау учаскемді қалай білуге болады?
Сайлаушылар тізімдерге тіркелген жері бойынша енгізіледі. Өз сайлау учаскеңіздің мекенжайын жергілікті атқарушы органнан (әкімдіктен) немесе учаскелік сайлау комиссиясынан білуге болады.
Сайлау учаскесінің үй-жайынан тыс дауыс беруге кім құқылы?
-Денсаулық жағдайына немесе өзге де дәлелді себептерге байланысты дауыс беру күні учаскеге өз бетінше келе алмайтын сайлаушылар сайлау учаскесінің үй-жайынан тыс дауыс бере алады.
Қандай себептермен үй-жайдан тыс дауыс беруге болады?
−Үй-жайдан тыс дауыс беруге негіз болатын себептер: денсаулық жағдайы, науқас отбасы мүшесіне күтім жасау, сондай-ақ учаскеге келу мүмкін емес шалғай және қатынасу қиын жерлерде болу.
Өтінішті қалай беруге болады?
−Үй-жайдан тыс дауыс беру туралы өтініш учаскелік сайлау комиссиясына жазбаша немесе ауызша, оның ішінде туыстар немесе көршілер арқылы беріледі. Өтініштер дауыс беру күнін қоса алғанда қабылданады.
Шетелде кім дауыс бере алады?
Дауыс беру күні шетелде жүрген Қазақстан Республикасының азаматтары Қазақстан Республикасының шетелдегі мекемелері жанынан құрылған сайлау учаскелерінде дауыс бере алады.
Шетелдегі сайлау учаскелерінің тізімін қайдан көруге болады?
−Шетелдегі учаскелік сайлау комиссияларының тізбесі сайттың басты бетіндегі «Маңызды» бөлімінде, сондай-ақ Қазақстан Республикасы шетелдегі мекемелерінің ақпараттық ресурстарында жарияланған.
Сайлаушылар тізіміне енгізу үшін не қажет?
−Сайлаушылар тізіміне тиісті сайлау учаскесінің аумағында тұрғылықты жері бойынша тіркелген азаматтар енгізіледі. Тізімнен өзіңізді таппасаңыз, жеке басты куәландыратын құжатпен учаскелік сайлау комиссиясына жүгініңіз.
Версия для печатиСоңғы жаңалықтар
2028 жылғы шілдеге дейін еліміздегі 2,6 мыңнан астам шағын жинақты ауыл мектебі жасанды интеллект енгізу жобасымен қамтылады
Спорт саласында сыбайлас жемқорлық тәуекелдерінің алдын алу мәселелері талқыланды
Оралда Қорғаныс министрлігінің патриоттық акциясына 2 мыңға жуық адам қатысты
79,3% казахстанцев характеризуют обстановку в стране как благополучную или стабильную
Мемлекеттік қызметшілерге сыбайлас жемқорлыққа қарсы менеджмент және комплаенс мәселелері түсіндірілді
Денсаулық сақтау саласындағы сыбайлас жемқорлық тәуекелдерінің алдын алу
Сыбайлас жемқорлық тәуекелдерін ішкі талдау мәселелері талқыланды
«ЖАЙЫҚ ЖҮЙРІГІ – 2026»: Жүйріктер додасының жеңімпаздары анықталды
Оралда алғаш рет «JAIYQ SAZY» халықаралық этнофестивалі өтті
Оралда қала күніне орай І халықаралық «JAIYQ SAZY» этнофестивалі өтті
ОБЛЫС ӘКІМІ РЕСПУБЛИКАЛЫҚ АРДАГЕРЛЕР КЕҢЕСІНІҢ ТӨРАҒАСЫ ӘБІЛҒАЗЫ ҚҰСАЙЫНОВПЕН КЕЗДЕСТІ
Президент VІ Дүниежүзілік көшпенділер ойындарының жеңімпаздары мен жүлдегерлерін марапаттады
Строительство АЭС создаст новые возможности для специалистов и бизнеса в Казахстане – эксперт
Не только физики-ядерщики: студентам рассказали, кому найдется работа на будущих АЭС Казахстана
Мемлекет басшысы теннисші Елена Рыбакинаны «Әлемнің бірінші ракеткасы» атағына ие болуымен құттықтады
