КіруОРАЛДА МҮМКІНДІГІ ШЕКТЕУЛІ ЖАНДАР АРАСЫНДА СПОРТ ЖАРЫСЫ ӨТТІ
13 қазан күні Орал қаласында мүмкіндігі шектеулі жандар арасында спорттық жарыс ұйымдастырылды. «Атамекен» қалалық балалар-жасөспірімдер туризм және экология орталығында өткен жарысқа 30 шақты спортшы қатысты. Жарыс қатысушыларын қала әкімінің орынбасары Ерлан Ғалиев қолдап келді.
Мүмкіндігі шектеулі жандардың мерекесі ретінде БҰҰ қазан айының екінші жексенбісін белгілеген. Осы мерекемен қоса «Мейірбандылық» айлығы жалғасуда.
Аталмыш айлық шеңберінде қалалық дене шынықтыру және спорт бөлімінің облыстық мүгедектер қоғамдық бірлестігі, қалалық жұмыспен қамту және әлеуметтік бағдарламалар бөлімімен бірлесе ұйымдастырған жарыс 3 спорт түрінен мықтыларды анықтады. Атап айтқанда, Біржан Морякұлы, Гүлмира Батпақұлова, Азон Шаймарданов бастаған белсенділер асық ату, садақ ату, дартс ойындарында ептіліктерін сынға салды.
Қазаққа төл өнердің төркіні болған асық ойыны қай ойыншының болмасын қанжығасын құр қайтарған жоқ, Асқан ептілік пен қол күшін талап ететін қалған спорт түрлері де қызықты өтті.
Жарыс жеңімпаздары арнайы диплом, сыйлықтармен марапатталды.
Тимбилдинг форматында өткен бұндай шара өңірде бірінші рет ұйымдастырылып отыр.
zhaikuni.kz
Версия для печатиСоңғы жаңалықтар
Құқық бұзушылыққа жол бермейтін Telegram чат боты іске қосылды
Пікір үстеу