КіруОРАЛ ҚАЛАСЫ ӘКІМІ ЖЕРЛЕСТЕРІН ҚАЗАҚСТАН РЕСПУБЛИКАСЫНЫҢ ТӘУЕЛСІЗДІГІ МЕРЕКЕСІМЕН ҚҰТТЫҚТАДЫ
Құрметті оралдықтар!
Сіздерді барша арманымыздың асқары, бақытымыздың бастауы болған ұлық мерекеміз – Тәуелсіздіктің 27 жылдығымен шын жүректен құттықтаймын!
Ширек ғасыр бұрын Елбасымыз Нұрсұлтан Әбішұлы Назарбаевтың салиқалы саясатымен дүйім дүниеге тәуелсіздігімізді жария етіп, мәңгілік ел болудың бірегей қадамын жасадық. Тұғыры – тыныштық, тірегі – тұрақтылық, тілегі – татулыққа негізделген Қазақ елін бүгінде әлем бейбітшілік бесігі деп мойындайды. Ынтымақты ұран, татулықты ту еткен бейбіт халқымыздың 27 жылда бағындырған белестері орасан.
Бүгінгі күні біздер қол жеткізген жетістіктерімізді сақтай отырып оны арттыруға, қаламыз шын мәнінде қонақжай және жайлы ету үшін қызықты жобалар мен инновацияларды тартуға міндеттіміз.
Тәуелсіздік жылдары қаламызда аулалар абаттандырылып, спорттық алаңдар, тынымбақтар мен әлеуметтік нысандар бой көтеріп өркендеген заманауи қалаға айналды.
Қадірменді жерлестер! Осынау мерекелі күні баршаңызға зор денсаулық, шаңырақтарыңыз шаттық, берекелі бірлік пен баянды тірлік тілеймін! Тәуелсіздігіміз тұғырлы, елдігіміз ғұмырлы, мәңгілік еліміздің келбеті сәнді, еткен еңбегіміз мәнді болсын!
Құрметпен, Орал қаласының әкімі Мұрат МҰҚАЕВ
Версия для печатиСоңғы жаңалықтар
Құқық бұзушылыққа жол бермейтін Telegram чат боты іске қосылды
Пікір үстеу