КіруОРАЛ «ҚАЛА КҮНІН» АТАП ӨТУДЕ
Ақжайық атырабындағы Орал шаһарында бүгін «Қала күні» мерекесіне арналған кең ауқымды шаралар өтуде. Шаһар тойына арналған мерекелік қызықтарды қала тұрғындарымен қатар көршілес облыстардан және Ресей Федерациясынан келген құрметті меймандар қызықтауда.
Тарихы сонау Алтын Орда кезеңінен бастау алатын шаһар – бүгінде 330 мыңдай тұрғынның құтты қонысы. Күн санап қала аумағы ұлғайып келеді. Соңғы жылдары қалада бірнеше тұрғын үйлер, мәдени-әлеуметтік нысандар, спорт кешендері бой көтерді. Айтулы мерекеге арналған шаралар 3 қыркүйектен бастап өткізілуде. Отандық кинотуындылар апталығы, «Жайық сазы» дәстүрлі өнер фестивалі, «Орал-опера» классикалық музыка кеші, Қадыр Мырза Әлі орталығы амфитеатрында өткен «Сәлем, Астана» атты мерекелік концерт, «Жайық Аруы -2018» байқауы, Орал қаласы әкімінің кубогыне арналған КВН фестивалі, Д.Нұрпейісова бойындағы қолөнер бұйымдарының жәрмеңкесі – соның айқын дәлелі. Қолөнер шеберелернің жәрмеңкесі бүгін де жалғасуда. Ісмерлер арбат бойында шеберлік сағаттарын өткізіп, өнімдерін жасаудың қыр-сырларымен бөлісті. Орал қаласы білім беру бөліміне қарасты қосымша білім беру орталықтары, мектептер арбат бойын әдемі гүлдер алаңына айналдырды. Орталыққа жиналған табиғи және жасанды гүлдерден жасалған композицияларды тамашалап, қолөнершілердің өнімдерімен танысты.
Кітапханашылар да арбат бойында «Оқитын Орал» акциясын ұйымдастырып, кітаптар таратты. Сондай-ақ жастар мен балалар үшін армреслинг, шахмат, дойбы, асық сынды спорттық ойындардан жарыс, «STREET WORKOUT» көрсетілімдері ұйымдастырылды.
Эльмира НҰҒМАНОВА
Версия для печатиСоңғы жаңалықтар
1,2 млрд теңгенің спорт кешені. Жаңаөмірдегі нысан кімнің қолдауымен салынды?
Президент: «Мұндай маңызды шешім кең ауқымды талқылау арқылы қабылдануға тиіс»
Медициналық технологиялар және биоресурстар: БҚО мен Қытай компаниясының бірлескен жобасы талқыланды
Бүгін Қазақстан мен Еуропалық одақ визалық режимді жеңілдету туралы келіссөздерді бастайды
Өңірлерді қолдау күшейеді: 2026-2028 жылдарға арналған трансферттер инфрақұрылымды дамытуға бағытталады
Пікір үстеу