КіруНаурыз мейрамы – Ақ Жайықта!
Бүгін Орал қаласындағы Тұңғыш Президент алаңында Ұлыстың ұлы күні – Наурыз мейрамы аясында «Береке бастауы – Әз-Наурыз» атты мерекелік театрландырылған концерт ұйымдастырылды.
Ұлыстың Ұлы күнін Батыс Қазақстан облысының әкімі Нариман Төреғалиев пен Орал қаласының әкімі Мұрат Байменов қаумалаған халықпен бірге қарсы алып, жұртшылықпен емен-жарқын көрісті.
Театрландырылған концертте мектеп өнерпаздары ақ және қызыл қызғалдақ болып киініп, әсем ән, тәтті күйдің сазымен мың бұрала би билеп, мерекелік көңіл-күйдің нышанын паш етті. Сән-салтанаты келіскен мерекелік концерт соңында БҚО әкімі Нариман Төреғалиев барша жиналған қауымды Әз -Наурыз мейрамымен және қасиетті Ораза айтпен құттықтады. Өңір басшысы өз сөзінде Көрісу күнінен бастау алған «Наурызнама» онкүндігі аясында аймақта бірқатар игі іс-шара жүзеге асқанын атап өтті.
– Күні кеше әлеуметтік осал топтағы 43 отбасы жаңа пәтерге ие болып, қоныс тойын тойлады. Жыл өткен сайын облысымыздың инвестициялық әлеуеті артып, экономикалық өсімге оң әсерін тигізіп отыр. Өңірде заманауи әлеуметтік нысандар бой көтеріп, шалғай ауылдарға дейін қатқыл табанды жол төселуде. Осынау жасампаз істер мен оң өзгерістер жыл басы – Әз-Наурызбен бірге бақ пен берекеге ұласатынына сенім мол, – деді өңір басшысы.
Ауқымды мерекелік шарада ұлттық нақыштағы көрмелер қойылып, киіз үйлер тігіліп, қазақ халқының салт-дәстүрлері мен мәдени мұрасы кеңінен насихатталды. Алаңға жиналған қала тұрғындары мен қонақтар ұлттық құндылықтармен танысып, Наурыз көже мен қазақтың дәстүрлі тағамдарынан дәм татты.
Сонымен қатар мерекелік бағдарлама аясында ұлттық ойындардан жарыстар ұйымдастырылып, өңір өнерпаздары ән мен күйден шашу шашып, көпшілікке көтеріңкі көңіл күй сыйлады. Ұлттық өнер мен дәстүрді ұлықтаған бұл шара тұрғындарға ерекше әсер қалдырды.
Наурыз мейрамы – береке мен бірліктің, жаңару мен жаңғырудың символы. Ұлттық құндылықтарды ұлықтаған мерекелік шаралар өңірдің барлық ауданында жалғасын табуда.
Ұлыстың ұлы күні құтты болсын!
“Жайық үні”
Суретке түсірген Р.Халелов.
Соңғы жаңалықтар
Бүгінде Құрылтай жаңа мазмұнға ие болып, қоғам мен мемлекет арасындағы ашық пікір алмасудың маңызды алаңына айналды
Қазақстанда 4,5 миллионнан астам әйел экономиканың әртүрлі салаларында еңбек етуде
Жаңақала ауданында «Заң мен тәртіп – әділетті қоғам кепілі» форумы өтті
Тарихи оқиға – Маңғыстаудың киелі орындары ЮНЕСКО-ның бүкіләлемдік мұралар тізіміне ресми түрде енгізілді
Киберспорттың әлемдік жұлдыздары «Болашақ ойындары 2026» турниріне қатысу үшін Астанаға келуде
Сақ болыңыз: сайлау қарсаңындағы анонимді сауалнамалар – әлеуметтанулық зерттеу емес, ықпал ету құралы
Жаңақала ауданында ардагерлер мен жастар арасында сыбайлас жемқорлыққа қарсы пікірталас өтті
Жаңақала ауданында мемлекеттік қызметшілердің басқарушылық дағдыларын дамытуға бағытталған іс-шара өтті
Ақжайық ауданында жастар арасында адалдық пен жауапкершілік құндылықтары талқыланды
Ақжайық ауданында мемлекеттік қызметшілер арасында «Не? Қайда? Қашан?» зияткерлік ойыны өтті
Казахстан развивает ядерные технологии не только в энергетике, но и в медицине, промышленности, экологии и науке
«Донат» үшін ойдан құрастырылған оқиға бас бостандығынан айыру жазасымен аяқталды
Ақша табу үшін Threads желісінде әскердегі зорлық-зомбылық туралы жалған ақпарат таратқан 23 жастағы астаналық сотталды
