КіруОралда 140 отбасы баспаналы болды
Орал қаласында Қала күні мен Отбасы күніне орай жаңа тұрғын үй пайдалануға берілді. Ақжайық шағынауданында бой көтерген бес қабатты үйден 140 отбасы баспаналы болды.
Жаңа пәтерлер тұрғын үй кезегінде тұрған азаматтарға берілді. Салтанатты шара барысында тұрғындарға жаңа баспаналарының кілттері табысталды.
Мемлекет басшысы Қасым-Жомарт Тоқаевтың бастамасымен қолға алынған Халықтық Конституция аясында азаматтардың әл-ауқатын арттыру, өмір сүру сапасын жақсарту мемлекеттік саясаттың басым бағыттарының бірі ретінде белгіленді. Осыған байланысты тұрғындарды қолжетімді баспанамен қамтамасыз ету бағытындағы жұмыстар өңірде жүйелі түрде жалғасып келеді.
Қазіргі таңда Орал қаласында 28 мыңға жуық азамат тұрғын үй кезегінде тұр. Биыл шаһарда 496 пәтер пайдалануға берілді. Жыл соңына дейін бұл көрсеткішті мыңға жуық пәтерге жеткізу жоспарланған.
Жаңа тұрғын үйдің құрылысы «Болашақ-Т» ЖШС тарапынан жүргізілді. Пәтерлер қажетті инженерлік инфрақұрылыммен қамтылған. Үйдің аумағы абаттандырылып, көгалдандыру жұмыстары жүргізіледі.
Жалпы, 2023 жылдан бері Батыс Қазақстан облысында тұрғын үй құрылысына 118,5 млрд теңге бағытталып, 6911 пәтер ел игілігіне берілді. Оның ішінде 3 мыңға жуық пәтер ауылдық елді мекендерде салынған.
Тұрғын үй құрылысының көлемін арттыру және баспана кезегін кезең-кезеңімен қысқарту бағытындағы жұмыстар алдағы уақытта да жалғасын табады.
Соңғы жаңалықтар
Ерлан Кошанов: наша задача – вовремя слышать и чувствовать настроения людей
Орал қаласында Даму және шығармашылық орталығының құрылысы басталады
Мемлекет басшысы Қасым-Жомарт Тоқаев жұмыс сапарымен Түрікменстанға барды
Зачаган кентіндегі Науша батыр және Бопай ханым көшелерінде жол жөндеу жұмыстары басталды
Бөрлі аудандық ауруханасын жаңғырту жобасының дайындығы 90%-ға жетті
The World Financial Review: как Казахстан изменил экономическую модель за семь лет президентства Токаева
БҚО-да тазалық ережелерін бұзған 7 мыңнан астам адам жауапқа тартылды
Оралда жүргізуші куәлігінен айырылған азамат есірткіге масаң күйде көлік басқарған
Мемлекет басшысына Қорғаныс министрлігін тексеру жөніндегі комиссия жұмысының алғашқы нәтижелері туралы есеп берілді
Ведомствоаралық кеңесте мемлекеттік қызмет және сыбайлас жемқорлыққа қарсы іс-қимыл мәселелері талқыланды
Орал қаласында ауыл шаруашылығы жәрмеңкесі өтті: тұрғындарға қолжетімді бағамен өнімдер ұсынылды
