КіруМедиа мамандары республикалық форумда басқосты
Бүгін Орал қаласындағы Жастар мәдениет сарайында облыстық қоғамдық даму басқармасының қолдауымен және Өңірлік коммуникациялар қызметінің ұйымдастыруымен медиа саласы мамандарының басын қосқан республикалық «QADAM MEDIA – 2026» форумы өтті.
Ақпарат кеңістігінің өзекті мәселелері талқыланған жиынға Астана, Атырау және Ақтөбе қалаларынан келген БАҚ өкілдері қатысты.
Шараға қатысқан облыс әкімінің орынбасары Қайыржан Меңдіғалиев жиылған қауымды Бұқаралық ақпарат құралдары қызметкерлері күнімен құттықтап, журналист мамандығының қоғамдағы айрықша рөліне тоқталды. – Бүгінгі форумға журналистер, сарапшылар, блогерлер және медиа саласының өзге де мамандары жиналып отыр. Сіздердің еңбектеріңіз қоғамның дамуы мен қоғамдық пікірдің қалыптасуына зор үлес қосады. Мемлекет басшысы атап өткендей, журналист – мәртебелі мамандық, – деді ол.
Форумның тізгінін Өңірлік коммуникациялар қызметінің басшысы Әділет Орынбасаров ұстады. Алғашқы бөлімде өңірлік медианың бүгінгі тынысы мен даму бағыттары сөз болды. Бұл жөнінде «AQJAIYQ» телеарнасының бас директоры Клара Қамбетова, «Жайық Пресс» ЖШС-нің бас директоры Дастан Оразов және «Жайық Пресс» ЖШС-нің бас директорының орынбасары Тоқтар Кенжеғалиев баяндап, саланың жетістіктері мен өзекті мәселелеріне тоқталды. Сондай-ақ Журналистер одағының БҚО бойынша филалының атынан бірнеше маманға наградалар мен Құрмет грамотасы табысталды.
Форум барысында тәжірибелі мамандар өз білімдерін бөлісті. «Хабар» телеарнасының жаңалықтар қызметінің редактор-жүргізушісі, «Дарын» жастар сыйлығының иегері Мөлдір Досбай журналистің тіл мәдениеті жайында мазмұнды ой қозғады. Ал «24KZ» телеарнасының Батыс Қазақстан облысындағы тілшісі, «Шапағат» медалінің иегері Альбина Құмарғалиева кәсіби жолындағы тәжірибесін әңгімеледі. Сондай-ақ журналист, диктор әрі тележүргізуші Дастан Мүрсәлім қазіргі журналистиканың жаңа бағыттары мен заманауи медиа кеңістіктегі өзгерістерді түсіндіріп, сала мамандарына пайдалы кеңестерін ұсынды.
Кездесу еркін пікір алмасу форматында өрбіді. Қатысушылар спикерлерге көкейлеріндегі сұрақтарын қойып, ризашылықтарын білдірді. Ақпараттың қадірі мен сөздің салмағы таразыланған тағылымды басқосу медиа саласы өкілдерінің кәсіби байланысын нығайтып, жаңа идеялардың бастауына жол ашты.
Дәметкен САҒЫНБАЕВА
Версия для печатиСоңғы жаңалықтар
Мемлекет басшысы NVIDIA компаниясының негізін қалаушы және президенті Дженсен Хуангты қабылдады
«Подстепное – Федоровка – Ресей Федерациясының шекарасы»: БҚО-да автомобиль жолы пайдалануға берілді
Мемлекет басшысы Қасым-Жомарт Тоқаев Республика күніне арналған салтанатты жиында сөз сөйледі
Президент Республика күні қарсаңында бір топ азаматты мемлекеттік наградалармен марапаттау туралы Жарлыққа қол қойды
Мемлекет басшысы әскери реформа мәселелері бойынша Қауіпсіздік Кеңесінің отырысын өткізді
«Мақат – Индербор – Сәтимола» бағытындағы теміржол инфрақұрылымның құрылысы басталды
Президент Қасым-Жомарт Тоқаев құтқарушыларға мемлекеттік марапаттар тапсырды
Жаңақала ауданында коммуналдық инфрақұрылымды жаңғырту жұмыстары жалғасуда
Қазақстан ТЖМ әлеуетін арттыруда: жаңа технологиялар, заманауи техника және құтқару инфрақұрылымын дамыту
Батыс Қазақстан облысының Орал қаласында ауыл шаруашылығы тауарын өндірушілердің кезекті жәрмеңкесі өтті
От идеи к производству: как изменились возможности казахстанского бизнеса за семь лет
