КіруКөк Ту көкке көтерілді
Бүгін, 4 маусым – Қазақстан Республикасының рәміздер күніне орай, барша оралдықтар Тұңғыш Президент алаңында Мемлекеттік Туды көтеру рәсіміне қатысты. Алдымен №5517 әскери бөліміндегі оркестрдің сүйемелдеуімен Қазақстан Республикасының Мемлекеттік Гимні шырқалып, Мемлекеттік Ту көтерілді. Бұдан соң аймақ басшысы Нариман Төреғалиев құттықтау сөз сөйледі.
– Бүгін, Мемлекеттік рәміздер күні. Баршаңызды осы айрықша мерекемен шын жүректен құттықтаймын! Қазақстан Республикасының рәміздері –Ту, Елтаңба және Гимн – біздің Тәуелсіздігіміздің символы, халқымыздың бірлігі мен егемендігінің көрінісі. Олар ұлттың рухын көтеріп, елдіктің нышанын айқындайтын белгілер. Президент Қасым-Жомарт Кемелұлы Тоқаев атап өткендей: «Көк байрағымыз – мемлекеттіліктің белгісі. Елтаңбамыз – азаттықтың айшығы. Гимн – еркіндік пен елдіктің үні. Бұл рәміздер – халқымыздың мақтанышы және ұрпақтар арманының орындалған символы». Бүгінде көк Туымыз Біріккен Ұлттар Ұйымының штаб-пәтерінде, әлемнің ең биік шыңдарында, спорт ареналарында желбіреп тұр. Гимніміз халықаралық жарыстарда шырқалып, елімізді бүкіл әлем танып келеді. Бұл – барша халқымыздың ортақ жеңісі.
Бүгін елордада Мемлекет басшысының қатысуымен Ту көтеру рәсімі өтті. Бұл дәстүр бүкіл республикада жалғасын тауып отыр. Оған Ақжайық өңірі де белсенді қатысуда. Өткен жылы Мемлекеттік Ту авторы Шәкен Ниязбековтің 80 жылдығы және Талғат Мұсабаевтың Туды алғаш ғарышқа алып шыққанына 30 жыл толуын атап өттік. Биыл Мемлекеттік Гимн авторларының бірі – Жұмекен Нәжімеденовтің 90 жылдығы. Бұл – үлкен рухани мұра. Әлемде 1200 – ге жуық ұлт бар, бірақ тек 200 – ге жуығында ғана өз жері, Туы, Елтаңбасы мен Гимні бар, қазақ елінің осы тізімде екені баршамыз үшін мәртебе. Мемлекеттік рәміздер – біздің басты ұлттық байлығымыз. «Туы биік елдің – тұғыры биік» деген дана халқымыз. Олай болса, рәміздерге деген құрметіміз арта берсін,- деді өңір басшысы Нариман Төреғалиұлы.
Айта кетейік, осы шарада Орал қаласының әкімі Марат Байменов те халықтың ортасынан табылды.
«Жайық ҮНІ»
Версия для печатиСоңғы жаңалықтар
Оралда өмір бойына жүргізуші куәлігінен айырылған тұрғын қайта көлік басқарған
Әлия ҚАЙЫРЖАНОВА: «БАСТЫ МАҚСАТЫМЫЗ – ОЙЫ ОЗЫҚ ҰРПАҚ ТӘРБИЕЛЕУ…»
Президенттің тапсырмасы бойынша Үкімет «Қазақстан балалары» бірыңғай тұжырымдамасын қабылдады
Қазақстанда балаларды шетелде емдеу қажеттілігін 50%-ға төмендету жоспарлануда
Қазақстанда балалардың құқықтарын қорғау саласындағы реформалар жүзеге асырылуда
📢 Бүгін Конституциялық реформалар жөніндегі комиссияның (Конституциялық комиссия) кезекті отырысы өтеді
Бүгін Конституциялық реформалар жөніндегі комиссияның (Конституциялық комиссия) алғашқы отырысы өтеді
Президент Қысқы Олимпиада ойындары мен Паралимпиадаға қатысатын ұлттық құрама мүшелеріне Мемлекеттік туды тапсырды
Қорғаныс министрлігінде Ұлттық құрылтай идеялары аясындағы міндеттер айқындалды
Голан биіктіктеріндегі миссия: қазақстандық саперлар 1200-ден астам жарылғыш затты жойды
Президент тапсырмаларын жүзеге асыру: Елімізде жаңа төрт фармацевтикалық зауыт салынады
Президент тапсырмалары бұған дейін жарияланған ауқымды саяси реформаның жалғасы болды — Олжас Бектенов
Қызылордада Мемлекет басшысы Қасым-Жомарт Тоқаевтың төрағалығымен Ұлттық құрылтайдың V отырысы басталды
61-ші Венеция биенналесінде Қазақстанды «ҚОҢЫР: архив үні» жобасы таныстырады
Әлеуметтік желілерде таралып жатқан екінші деңгейдегі банктердегі кредиттердің есептен шығарылатыны туралы ақпарат шындыққа сәйкес келмейді.
Орал қаласында жұмысқа орналастыру сылтауымен алаяқтық жасады деген күдікпен ер адам ұсталды
