КіруЕЛЕУСІНОВ ТУРНИРІНІІҢ ЖҮЛДЕГЕРЛЕРІ АНЫҚТАЛДЫ
ХХХІ жазғы РИО олимпиадасының чемпионы Данияр Елеусіновтің жүлдесіне арналған ересектер арасындағы халықаралық турнир бүгін мәреге жетті. Турнир жеңімпаздарын Батыс Қазақстан облысы әкімінің орынбасары Ғабидолла Оспанқұлов құттықтап, марапаттады.
Орал қаласында ұйымдастырылған төрт күндік додаға Нұр-Сұлтан қаласының, Маңғыстау, Атырау, Ақмола, Ақтөбе, Қызылорда, Түркістан, Батыс Қазақстан облыстарының және Өзбекстан мен Қырғызстан Республикаларының командалары бойынша 76 боксшы жиналып, 10 салмақ дәрежесі бойынша шаршы алаңда баптары мен бақтарын сынға салды.
Нәтижесінде 49 келі салмақта Қызылорда облысынан келген Дулат Дәуітов, 52 келіде батысқазақстандық Нұрсұлтан Нұриденов, 56 келіде батысқазақстандық Сағындық Молдашев, 60 келіде Ақмола облысының спортшысы Сұлтан Мусинов, 64 келіде ақтөбелік Рахат Сейітжан, 69 келіде Өзбекстан Республикасының боксшысы Саиджамшид Жаффаров, 75 келіде ақмолалық Владислав Преображенский, 81 келіде Маңғыстау облысынан Ерік Әлжанов, 91 келіде ақтөбелік Жәнібек Қартабаев, 91 келіден жоғары салмақта Түркістан облысынан Нұрлан Сапарбай бірінші орындарды иемденді.
Дәстүрлі турнир жүлдегерлері ҚО дене шынықтыру және спорт басқармасының арнаулы грамота, медальдарымен және ақшалай сыйлықпен марапатталды.
Елмұра АСХАТҚЫЗЫ
Версия для печати
Соңғы жаңалықтар
Құқық бұзушылыққа жол бермейтін Telegram чат боты іске қосылды
Пікір үстеу