КіруЕЛ АМАНАТЫН ОРЫНДАЙ БЕРМЕК
Бүгін, 22 желтоқсан күні Орал қалалық мәслихатының жыл бойы атқарған жұмыстары қорытындыланып, «Мәслихаттар: Елмен бірге ертеңге!» атты салтанатты іс-шарасы өтті.
Салтанатты шараға қала әкімі Абат Шыныбеков қатысып, мәслихат депутаттарына бірлескен жұмыстары үшін алғыс білдірді.
– Алдымен баршаңызды ұлық мереке – Қазақстан Республикасы Тәуелсіздігінің 30 жылдығымен шын жүректен құттықтаймын.
Әр халық үшін тәуелсіздіктен артық қасиетті де қастерлі ұғым жоқ. Бірлігіміздің арқасында тәуелсіздік жылдары іргелі мемлекет болып қалыптасып, өзгелермен теңесіп, даму жолында жаңа қадамдар жасадық. 30 жыл ішінде жеткен толағай табыстарымыз алдағы уақытта тек жаңа мүмкіндіктерге бастайды деген сенімдеміз. Мәслихат депутаты қашанда билік пен халықтың арасын жалғап тұратын алтын көпір іспеттес. Халық қалаулылары жергілікті мемлекеттік басқарудың маңызды бөлігі. Биыл қала әкімдігі мен қалалық мәслихат тұрғындардың әл-ауқатын көтеру бағытында бірлесе жұмыс атқарып, қаланың әлеуметтік-экономикалық дамуы жолында бірқатар оң шешімдер қабылдады. Пандемия жағдайына қарамастан әр салада жақсы көрсеткіштерге қол жеткізе білдік. Бұл тек мемлекеттік мекемелердің ғана емес, әр тұрғынның туған жерге деген жанашырлығы мен еңбектерінің нәтижесі, – деді шаһар басшысы.
Орал қалалық мәслихат хатшысы Есентай Қалиев жыл бойы атқарылған жұмыстар туралы баяндама жасап, алға қойған міндеттерді атап өтті.
Еңбекте еленіп, халық қалаулыларына айналған депутаттар қорытынды кеште Қазақстан Республикасы денсаулық сақтау министірінің Алғыс хатымен Тимур Ажғалиев, ҚР Парламенті Сенатының Құрмет грамотасымен Сергей Доля, Батыс Қазақстан облысының Құрмет грамотасымен Азима Ғұбашева, «Үздік депутат» төсбелгісі және Орал қаласы әкімінің Құрмет грамотасымен Серік Мұхамбеталиев, ҚР Парламенті Сенатының Құрмет грамотасымн Марат Қаженов, ҚР Парламенті Сенатының Құрмет грамотасымен Жанна Кенжина, ҚР Парламенті Сенаты Төрағасының Алғыс хатымен Арман Биғалиев марапатталды. Орал қалалық мәслихат хатшысының Алғыс хатымен Ғайсағали Сейтақ марапатталды.
Сондай-ақ қалалық мәслихат хатшысы Есентай Ғиниятұлы жергілікті БАҚ өкілдеріне құрметін білдіріп, халық қалаулыларының жыл он екі ай бойы атқарған жұмыстарын оқырман қауымға насихаттап жүрген өлкедегі бір топ БАҚ өкілдеріне алғыс хаттар табыстады. Асыланбек Ғұбашев, Бауыржан Ғұбайдуллин, Мира Шүйіншәлиева, Сауле Зағидуллина, Бағдат Ізмағанбет, Жанбол Ғалиевтар марапатқа ие болды.
Журналистер атынан ризашылығын білдірген жазушы Мира Шүйіншәлиева Орал қалалық мәслихатының хатшысы Есентай Қалиев бастаған халық қалаулыларының жерлестер алдында атқарған бір жылдық жұмысына бес деген баға беріп, олардың ел аманатын орындау жолында қалғып кетпеуін, сүрінбей сергек жүрулерін тіледі.
– Қалалық «Жайық үні» газетінде арнайы «Мәслихат депутаттары» деген айқарма бет бар. Осы басылымға біз Ляна Турсунова, Тұрарбек Тілемісов, Валентина Михно секілді іскер жандардың тынымсыз еңбегін, жұртқа жасаған жақсылықтарын жаздық. Облыстық мәслихаттың депутаты болуына оқырмандармен бірге ықпал еттік. Бүгінгі депутаттармен де күш-біріктіруге, рухты көтеруге дайынбыз. Бүгінде «иненің көзінен» өткен, сенімнің биігінен көрінген Серік Мұхамбетқалиев, Әзима Ғұбашева, Марат Қаженов, Арман Бигалиев, Нұргүл Ашықовадай белсенді халық қалаулылары үкілеген үмітті ақтап келеді. Төртінші онжылдыққа қадам басқан Тәуелсіздігімбен мақтанып, Қазақ Елі үшін алда болайық,- деді Мира Хамзақызы.
Іс-шара өңір өнерпаздарының әсем әні мен биіне ұласты. Қаладан сайланған мәслихат депутаттарына жиналған қауым зор сенім жүктеп, аман жүрулерін тіледі.
Ақарыс ӘЙІПТЕГІ,
zhaikuni.kz
Соңғы жаңалықтар
ӨНДІРІСТЕН РУХАНИЯТҚА ДЕЙІН: ӘДІЛЕТ ПАРТИЯСЫ ӨКІЛДЕРІ ЖАҢАҚАЛАЛЫҚТАРМЕН ЖҮЗДЕСТІ
«ӘДІЛЕТ» ПАРТИЯСЫНЫҢ САЙЛАУАЛДЫ БАҒДАРЛАМАСЫ КАЗТАЛОВ ЖҰРТШЫЛЫҒЫМЕН ТАЛҚЫЛАНДЫ
«ӘДІЛЕТ» ПАРТИЯСЫНЫҢ КӨШПЕЛІ ШТАБЫ ЖӘНІБЕК ЖҰРТШЫЛЫҒЫМЕН КЕЗДЕСТІ
Тұрақты даму – тиімді мемлекеттік басқару мен ортақ жауапкершіліктің нәтижесі
Бөрлі ауылында «Әділет» партиясының облыстық штаб мүшелері тұрғындармен кездесті
Жаңа Қазақстан Конституциясы – Әділетті қоғамның құқықтық негізі
«Жаңа талап» мемлекеттік қызмет мектебінің жаңа оқу жылы басталды
КАЗТАЛОВ АУДАНЫНДА 2 МЛРД ТЕҢГЕНІҢ 26 ИНВЕСТИЦИЯЛЫҚ ЖОБАСЫ БОЙЫНША МЕМОРАНДУМҒА ҚОЛ ҚОЙЫЛДЫ
Конституцияның 6-бабы: саяси әралуандық пен қоғамдық тұрақтылықтың құқықтық негізі
АВТОМОБИЛЬ КӨЛІГІ ЖӘНЕ АВТОЖОЛ САЛАСЫ ҚЫЗМЕТКЕРЛЕРІ ҚҰРМЕТКЕ БӨЛЕНДІ
Болашақтың экономикасына байыппен көшуге құқықтық негіз болатын жаңа Азаматтық кодекс қабылдау қажет»
Президент Қасым-Жомарт Тоқаевтың «Жаңа тарихи кезеңдегі Қазақстанның өзекті міндеттері» атты Қазақстан халқына Жолдауы
Президент Қасым-Жомарт Тоқаев 28 қазан күні Қазақстан халқына Жолдауын жариялайды
Президент шет мемлекеттер басшыларының Ұлттық мерекемізге орай жолдаған құттықтауларына ризашылығын білдірді
ОРАЛДА РЕСПУБЛИКА КҮНІНЕ ОРАЙ МЕМЛЕКЕТТІК ТУ КӨТЕРУ РӘСІМІ ӨТТІ
Облыс әкімі Нариман Төреғалиевтің Республика күнімен құттықтауы
Жедел медициналық көмек станциясының жаңа әкімшілік ғимараты салынуда
Батыс Қазақстан облысында Республика күні қарсаңында сенбіліктер мен ауыл шаруашылығы жәрмеңкесі өтті
Мемлекет басшысы NVIDIA компаниясының негізін қалаушы және президенті Дженсен Хуангты қабылдады
Пікір үстеу