КіруДаулы іс қашан аяқталады?
«Кублей» зауыты мен қала әкімдігі арасындағы сот дауы әлі аяқталар емес. Таяуда облыстық сотта бұл іске қатысты шешім қайта өзгерді. Бұған дейін экономикалық сот консерві зауыты мен құрылыс компаниясын өзара ымыраға келу туралы шешім шығарған еді. Бірақ дауласушы тараптар мұнымен келіспей, облыстық сотқа қайта жүгінді.
Судья Жұрабаев соттасып жатқан «Кублей» мен әкімдік бітімге келсін деп тараптарды ымыраға шақырып, істі тоқтатып қойған болатын. «Кублей» қорғаушылары өзара ымыраға келу мүмкін еместігін талай айтқан. Бүгін істі аппеляцияда қарап, судья Айгүл Маштақова әріптесі Жұрабаевтікі дұрыс екенін, сот ісі әрі қарай жалғасатынын айтты. Алайда, «Кублейдің» заңгерлері бұл заңсыз деп отыр. Өйткені, материалдарды қайта Үкіметке жіберу Азаматтық кодексте жазылмаған дейді адвокаттар.
– Бұл шағымды біз судьяның барлық дәлелдемелеріне қарамастан, сот шешімін шығарудың орнына тараптарды ымыраға келтіру үшін өндірістік істі тоқтатып тастағаны үшін түсірдік. Бұл – заңсыз. Азаматтық іс жүргізу кодексінде пікірталастан кейін соттың шешім шығару керегі анық жазылған. Алайда, судья мұны есепке алмай, материалдарды Үкіметке қайта жолдап отыр. Мақсат – Үкіметтің ұстанымын білу шығар, бірақ мұндай нормада Азаматтық іс жүргізу кодексінде жоқ,- дейді «Кублей» компаниясының адвокаты Жәнібек Башанов. Экономикалық соттың бұған дейінгі өзара бітімге келу туралы шешімімен Орал қаласы әкімдігінің мамандары да келіспейді. «Біздің ойымызша, соттың шешімі заңсыз. Апеляцияға шағым берілді. Заңсыз деп танылса қайтадан қаралатын болады. Біз берген шешімнің барлығы да заңды. Орал қаласы әкімдігінің бәрі,- дейді қалалық әкімдік өкілі Ерболат Каримов. Айта кетелік, екі жылға созылған бұл дауға “Ирменов” жеке кәсіпкерлігі салған көп қабатты бірнеше үйдің құрылысы себеп болған еді. Консерві зауыты өкілдерінің айтуынша, үйлер санитарлық аумақтан салынған. Ал бұл заңға қайшы. Егер тұрғындар өндіріс орнындағы шу мен өзге де жайсыздықтар мазасын алатынын айтып шағымданса, кәсіпорын жабылып, 700 адам жұмыссыз қалуы мүмкін. Бұл өңірдің ауыл шаруашылығына да ауыр тиері анық. Өйткені жергілікті шаруалар өз өнімін өткізетін жер таппай қалады.
Айнара ИСА
Версия для печатиСоңғы жаңалықтар
Партиялар бір күнде білім беру, экология, тарихи жады және еңбек тақырыптарын қалай тоғыстырды?
Оралда қоғамдық көліктерде жолақы төлеу тәртібіне мониторинг жүргізілді
Қазақстанда Құрылтай сайлауына бір айға жетер-жетпес уақыт қалды: кімді сайлаймыз?
Өңір басшысы әлемдік рекорд орнатқан өнертапқыш өрендерді қабылдады
Сайлауалды науқан: Qarmet-тен бизнес-форумға дейін – партиялар үгіт-насихат жұмыстарын жалғастыруда
Әлеуметтік маңызы бар азық-түлік тауарларының бірқатарының бағасы төмендеді
Экспериментальная база НЯЦ РК помогает совершенствовать безопасность современных АЭС
Атом саласындағы жаңа кезең: Қазақстанның бұл бағытта негізгі жетістіктері қандай?
Бір мінбер, жеті партия: сайлауалды науқандағы алғашқы саяси тартыс нені көрсетті?
Үгіт науқаны басталған соң партиялардың электоралды рейтингісі өзгерді
Сайлау науқаны кезеңінде дипфейктер жиілеуі мүмкін: Жалған ақпаратқа қарсы іс-қимыл орталығы ескертеді
Құрылтай сайлауы: «Ақ жол» Respublica-ға жауап берсе, Қазақстан Халық партиясы ЖСДП сынына ашық үн қатты
Мемлекеттік қызмет көрсету процесін жетілдіру бойынша жұмыс жалғасуда.
Азаматтардың басым көпшілігі «Заң мен Тәртіп» қағидаты мен «Таза Қазақстан» идеясын қолдайды – сауалнама
Саяси пікірталас күшейді: ҚХП ЖСДП бағдарламасындағы бастамаларды сынға алды
Шағын модульдік реакторлар – Қазақстанның болашақ энергетикасының жаңа бағыты
Хан тоғайындағы 18 гектар аумақты шарпыған өрт толық сөндірілді
Пікір үстеу