КіруБАТЫСҚАЗАҚСТАНДЫҚТАРДЫҢ 60-70 ПАЙЫЗЫ КОРОНАВИРУСҚА ҚАРСЫ ЕКПЕ АЛУЫ КЕРЕК
Батыс Қазақстан облысының бас мемлекеттік санитарлық дәрігері М.Арыспаевтың айтуынша, сонда ғана карантиндік шаралар алынып, тұрғындар қалыпты өмірге оралады.
Облысқа Ресейде өндірілген Gam-COVID-Вaк вакцинасының 1000 дозасы жеткізілді. Өңірдегі 26 емхана тұрғындарға вакцина салуды бастады. Облыста Спутник-V вакцинасын алғашқылардың бірі болып салдырған Батыс Қазақстан облысының бас мемлекеттік санитарлық дәрігері М.Арыспаев.
– Бұл вакцинаның зияны жоқ. Карантиннен құтылу үшін адамдар жаппай екпе алғандары жөн. Егер облыс халқының 60-70 пайызы екпе алса, шектеу шаралары болмайды деп есептейміз. Індетті жеңудің бір-ақ жолы – осы вакцинация. Сондықтан тұрғындарды екпе алуға шақырамын. Әрине, екпе алу ерікті, – деді Мұхамғали Қайыржанұлы.
Сондай-ақ қазіргі уақытта облыстың медициналық қызметкерлері екпе алуды бастады.
Айта кетейік, КВИ-ға қарсы вакцинация басымдылық бойынша жоспарланған. Бірінші кезеңде вакцинация 1 ақпаннан бастап жұқпалы аурулар ауруханаларының, шұғыл медициналық көмектің, реанимацияның, алғашқы медициналық көмектің, жедел жәрдем бөлмелерінің, санитарлық-эпидемиологиялық қызметтің қызметкерлерін қамтиды. Екінші кезеңде, 1 наурыздан бастап, бірінші кезеңге енбеген орта мектептер, жоғары оқу орындарының мұғалімдері, медицина қызметкерлері қамтылады. Үшінші кезең мектеп-интернаттардың, балабақшалардың мұғалімдерін, оқушылар мен созылмалы аурулары бар адамдарды қамтиды.
Эльмира НҰҒМАНОВА,
zhaikuni.kz
Версия для печати
Соңғы жаңалықтар
Қазақ тілін және тарихын білмейтіндерге Қазақстан азаматтығы берілмейді
«Мерейлі отбасы-2024» ұлттық конкурсының қалалық кезеңі өтеді
Пікір үстеу