КіруБАЛАЛАРҒА АРНАЛҒАН ЖАҢАЖЫЛДЫҚ ДУМАН
Бүгін Салтанат сарайында мүмкіндігі шектеулі балалар үшін қала әкімінің шыршасы ұйымдастырылды. Мерекеге шаһар басшысы Абат Шыныбеков қатысып, балғындарға ақ тілегін арнады.
Думанды шараға келген бүлдіршіндерді ертегі кейіпкерлері қарсы алды. Оларға тәттілер дастарханы жайылды. «Балапан» телеарнасындағы мультфильм кейіпкерлері – Әли мен Айя, Диснейленд әлемінен келген Аврора ханшайым, Симба, Пумба мен Тимон шырша тойына ортақтасып, балаларды ертегі әлеміне саяхат жасатты. Түрлі мерекелік костюммен шырша жанынан табылған өрендер өнер көрсетіп, Аяз ата мен Ақшақардан сыйлық алды. Қаламыздағы жас өнерпаздар достарына арнап, ән шырқап, би де биледі. Қала басшысы балалармен бірге шырша шамын жағып, жаңажылдық құттықтау лебізін жеткізді.
– Санаулы күндерден соң, есігімізден жаңа 2020 жыл енбек. Жаңа жыл –баршамыздың, әсіресе бүлдіршіндердің асыға күтетін мейрамы. Дәстүрлі түрде ұйымдастырылып жүрген шырша мерекесін биыл ерекше күтімдегі балғындардан бастауды жөн көрдік. Мерекелік бағдарлама, балаларға арналған сыйлықтар көңілдерінен шығады деген үміттеміз. Өткен жыл еліміз, өңіріміз үшін жағымды жаңалықтарға толы болды. Келер жылдан да баршамыздың үмітіміз мол. 2020 жылы ойға алған арман-мақсаттарыңыз орындалар жыл болсын. Балғындарымыз қиындықтарға мойымай, болашақта өмірден өз орындарын табуын тілеймін, – деді Абат Абайұлы.
Мерекелік шыршаға қалалық жұмыспен қамту және әлеуметтік бағдарламалар бөлімінің қамқорлығындағы 120 бала қатысты. Солардың бірі – 12 жасар Арсен. Анасының айтуынша, Арсенге қойылған диагноз – церебральды сал ауруының гиперкинетикалық формасы. Үш жасынан бастап күндізгі жартылай стационарда ем алады.
– Ұл-қыздарымыз әрдайым назарда. Стационар жаттығу жабдықтарымен қамтылған. Мамандар да балаларымыздың жағдайын жасауға атсалысып жүреді. Сол жерден балам өздеріне достар тапты. Қазір тоғызқұмалақ ойнап жүр, – деген анасы Аэлита Жумиева балаларға арнайы мереке ұйымдастырған қала әкімдігіне алғысын білдірді.
Қалалық жұмыспен қамту және әлдеуметтік бағдарламалар бөлімінің сектор меңгерушісі Айгүл Негимованың мәліметінше, шаһарымызда мүмкіндігі шектеулі 1269 бала бар. Олардың 112-сі 16-18 жас аралығындағы жасөспірімдер.
– Мүмкіндігі шектеулі жандар үшін бюджеттен 1 млрд. теңге шамасында қаржы қаралған. Балалардың дамуы үшін бөлім тарапынан арнаулы әлеуметтік қызметтер көрсетіледі. Психоневрологиялық, хромосомалық ауытқуы бар және арбада отыратын, көз жанарынан мүгедектігі бар балаларды қала ішінде инватакси тасымалдайды. Бөлім тарапынан компенсаторлық заттар беріліп орды ортаға бейімдеу мақсатында жыл бойы түрлі шаралар өтікізіледі. Оған бүлдіршіндеріміз де ата-аналар да белсенді қатысып келеді, – дейді Айгүл Негимова.
Түрлі мерекелік костюммен шырша жанынан табылған өрендер өнер көрсетіп, Аяз ата мен Ақшақардан сыйлық алды. Қаламыздағы жас өнерпаздар достарына арнап, ән шырқап, би де биледі. Шара соңында балаларға сыйлықтар таратылды.
Эльмира НҰҒМАНОВА
Версия для печати
Соңғы жаңалықтар
«ӘДІЛЕТ» ПАРТИЯСЫНЫҢ САЙЛАУАЛДЫ БАҒДАРЛАМАСЫ КАЗТАЛОВ ЖҰРТШЫЛЫҒЫМЕН ТАЛҚЫЛАНДЫ
«ӘДІЛЕТ» ПАРТИЯСЫНЫҢ КӨШПЕЛІ ШТАБЫ ЖӘНІБЕК ЖҰРТШЫЛЫҒЫМЕН КЕЗДЕСТІ
Тұрақты даму – тиімді мемлекеттік басқару мен ортақ жауапкершіліктің нәтижесі
Бөрлі ауылында «Әділет» партиясының облыстық штаб мүшелері тұрғындармен кездесті
Жаңа Қазақстан Конституциясы – Әділетті қоғамның құқықтық негізі
«Жаңа талап» мемлекеттік қызмет мектебінің жаңа оқу жылы басталды
КАЗТАЛОВ АУДАНЫНДА 2 МЛРД ТЕҢГЕНІҢ 26 ИНВЕСТИЦИЯЛЫҚ ЖОБАСЫ БОЙЫНША МЕМОРАНДУМҒА ҚОЛ ҚОЙЫЛДЫ
Конституцияның 6-бабы: саяси әралуандық пен қоғамдық тұрақтылықтың құқықтық негізі
АВТОМОБИЛЬ КӨЛІГІ ЖӘНЕ АВТОЖОЛ САЛАСЫ ҚЫЗМЕТКЕРЛЕРІ ҚҰРМЕТКЕ БӨЛЕНДІ
Болашақтың экономикасына байыппен көшуге құқықтық негіз болатын жаңа Азаматтық кодекс қабылдау қажет»
Президент Қасым-Жомарт Тоқаевтың «Жаңа тарихи кезеңдегі Қазақстанның өзекті міндеттері» атты Қазақстан халқына Жолдауы
Президент Қасым-Жомарт Тоқаев 28 қазан күні Қазақстан халқына Жолдауын жариялайды
Президент шет мемлекеттер басшыларының Ұлттық мерекемізге орай жолдаған құттықтауларына ризашылығын білдірді
ОРАЛДА РЕСПУБЛИКА КҮНІНЕ ОРАЙ МЕМЛЕКЕТТІК ТУ КӨТЕРУ РӘСІМІ ӨТТІ
Облыс әкімі Нариман Төреғалиевтің Республика күнімен құттықтауы
Жедел медициналық көмек станциясының жаңа әкімшілік ғимараты салынуда
Батыс Қазақстан облысында Республика күні қарсаңында сенбіліктер мен ауыл шаруашылығы жәрмеңкесі өтті
Мемлекет басшысы NVIDIA компаниясының негізін қалаушы және президенті Дженсен Хуангты қабылдады
«Подстепное – Федоровка – Ресей Федерациясының шекарасы»: БҚО-да автомобиль жолы пайдалануға берілді
Пікір үстеу