КіруБалғын гимнастшылар
Тарих қойнауына енгелі тұрған мешін жылында
14 жасар Дана Өтежанова «Спорт шебері» атағын абыроймен қорғаса, 12 жастағы Азиза Дәуренова «Спорт шеберлігіне үміткер» атанды. Жуырда спорттық гимнастика бойынша Шымкентте өткен ҚР Жастар чемпионатынан жүлдемен оралған Дана алтыннан алқа тақса, Азиза күміс медальды олжалапты.
Спорттық гимнастикамен бес-алты жасынан айналыса бастаған Дана Алматы, Астана, Шымкент қалаларында өткен бірнеше үлкен жарыстарда бағын сынап үлгерген. – Спортты сабақпен қатар алып жүрмін. Әлі де биік жетістіктерге жеткім келеді, – деді №46 орта мектепте оқып жүрген жас спортшы. Ал Азиза Дәуренова – №26 орта мектептің оқушысы. Ол спорттық гимнастиканың денсаулығын шыңдауына, сымбатты болып бойжетуіне ықпал етеріне сенімді. Оған қоса қазақстандық танымал гимнастшы Әлия Юсуповаға еліктейтінін айтты. – Жарыстарға барып келгеннен кейін сабағыма да үлгеруге тырысамын. Биология, география, тарих пәндерін жақсы көремін, – дейді Азиза.
Оралдық қос спортшының жетістігі – оларды әрбір жарысқа дайындайтын жаттықтырушылардың өлшеусіз еңбегі. Олардың жеңісіне №2 балалар-жасөспірімдер спорт мектебінің жаттықтырушылары Айжан Мұсабекова мен Ирина Крепицаның қосқан үлесі зор. Олар бүгінде Ұлттық жастар құрамасының сапына қосылған Дана мен Азизаның алда талай биіктен көрінеріне сенеді. Ел спортының дамуына үлес қосып, қаламыздың атағын аспандатып жүрген балғын спортшылар келер жылы Алматыда өтетін V Президент кубогына дайындалуда.
Ләззат ҚАЖЫМ
Соңғы жаңалықтар
Олжас Бектенов обсудил с руководством Air Products сотрудничество в сферах газохимии и промышленных технологий
QOSTANAI TECH қызу өтіп жатыр: Қостанайда ең ауқымды отбасылық ғылыми-инновациялық фестиваль жалғасуда
Оралда «YNTYMAQ» конфессияаралық келісім комьюнити орталығы ашылды
Минобороны Казахстана обновило правила выплат военнослужащим: что изменилось
Қоғамдық орындарда бет-әлпетті жабу: заң талабы және қауіпсіздік
«TURGYNDAR AMANATY»: әрбір тұрғын үйде жайлы өмір сүруге жағдай жасайтын жүйелі шешім
Аида Балаева: Балалардың жазғы демалысы қауіпсіз, сапалы әрі сауықтыруға бағытталған болуы тиіс
Елімізде жасанды интеллект пен цифрландыру бағыты жаңа деңгейге көтерілуде
«Ауыл – ел тірегі: даму мен серіктестіктің жаңа кезеңі» атты облыстық форум аясында көрме ұйымдастырылды
Астанада Қазақстандағы Ресейдің мәдениет күндері аясында Ресей киносы фестивалі басталды
Президент Касым-Жомарт Токаев провел заседание Совета глав государств – учредителей Международного фонда спасения Арала
Пікір үстеу