КіруБ.ҚАРАТАЕВА: «КӨРЕРМЕННІҢ ЫҚЫЛАСЫН СЕЗІНДІМ»
20 мамыр күні Орал қаласындағы Х.Бөкеева атындағы облыстық қазақ драма театрында Тасқала аудандық халық театры жазушы, Халықаралық «Алаш» әдеби сыйлығының иегері Мира Шүйіншәлиеваның «Ар азабы» драмасын сахналады. Мағжан Жұмағалиевтың режиссерлығымен сахнаға шығарылған туындыда Балнұр Қаратаева басты кейіпкер Ғаділбектің анасы Науаттың рөлін сомдады.
– Қазір ауданымыздағы балалар саз мектебінде баян аспабынан сабақ беремін. Осыдан екі жыл бұрын Мәдениет үйінде жұмыс жасаған кезде алғаш рет қойылымға қатысып, Бопайдың рөлімен шыққан едім. Одан кейін «Люстрада» ананың рөлі берілді. Жасым 30-дан енді асып барады. Әйтсе де үнемі 60, 70 жасты алқымдаған аналардың рөлі бұйырады. Көбіне дауысың келеді деп аналардың рөлін ұсынады. «Ар азабында» 40 жыл мұғалім болып, бала оқытқан, екі баланы бір өзі жеткізген жесір әйелдің образын сахнаға алып шықтым. Ұзақ дайындықтан, сүзгіден өтіп шығарылған туынды ғой. Сондықтан да халыққа өтімді болды деп ойлаймын. Залдағы көрерменнің алақандарын қыздырып соққанынан осы ықыласты сезіндім.
Жазып алған: Е.АСХАТҚЫЗЫ
Версия для печатиСоңғы жаңалықтар
Құқық бұзушылыққа жол бермейтін Telegram чат боты іске қосылды
Пікір үстеу