КіруАшықтық пен адалдық – басты талап
Батыс Қазақстан облысында сыбайлас жемқорлық тәуекелдерін азайту және мемлекеттік органдар жұмысының ашықтығын қамтамасыз ету мәселелері талқыланды. Облыс әкімі Нариман Төреғалиевтің төрағалығымен Сыбайлас жемқорлыққа қарсы іс-қимыл мәселелері жөніндегі аймақтық комиссияның отырысы өтті.
Жиында білім беру саласындағы сыртқы талдау нәтижелері қаралып, анықталған тәуекелдерді жою бағытындағы жұмыстар сараланды. Сондай-ақ мүдделер қақтығысының алдын алу, мемлекеттік қызметтегі әдеп талаптарын сақтау және мемлекеттік сатып алу рәсімдерінің ашықтығын қамтамасыз ету мәселелеріне назар аударылды.
Білім саласындағы талдау қорытындысы бойынша бірқатар міндет белгіленді. Атап айтқанда, сыбайлас жемқорлық тәуекелдерінің алдын алу жұмыстарын жүйелі түрде жүргізу, биометриялық жүйелерді кезең-кезеңімен енгізу және мектеп асханаларының жалға берілген аумағын нақтылау тапсырылды. Бұл ретте жасалған шарттардың іс жүзінде пайдаланылатын алаң көлеміне сәйкестігін қамтамасыз ету қажеттігі айтылды.
Мемлекеттік қызмет саласында да заң талаптарын қатаң сақтау маңызды екені атап өтілді. Әсіресе кадрлық шешімдер қабылдау кезінде мүдделер қақтығысына жол бермеу, қызметтік әдеп нормаларын сақтау және мемлекеттік аппараттың ашықтығын арттыру мәселелері көтерілді.
Мемлекеттік сатып алу рәсімдеріне қатысты бәсекелестікті дамыту және сатып алуды сапалы жоспарлау қажеттігі сөз болды. Техникалық ерекшеліктерді әзірлеу барысында ашықтық қағидаттарын сақтау, ықтимал тәуекелдерді тұрақты бағалау және ішкі бақылау тетіктерін жетілдіру жөнінде жауапты органдарға нақты міндеттер жүктелді.
Отырысты қорытындылаған облыс әкімі сыбайлас жемқорлықтың салдарымен күресуден бұрын оның алдын алуға басымдық беру қажеттігін атап өтті. Мемлекеттік органдарға тәуекелдерді ерте анықтап, белгіленген шараларды уақтылы әрі сапалы орындауды қамтамасыз ету тапсырылды.
Версия для печатиСоңғы жаңалықтар
Жедел медициналық көмек станциясының жаңа әкімшілік ғимараты салынуда
Батыс Қазақстан облысында Республика күні қарсаңында сенбіліктер мен ауыл шаруашылығы жәрмеңкесі өтті
Мемлекет басшысы NVIDIA компаниясының негізін қалаушы және президенті Дженсен Хуангты қабылдады
«Подстепное – Федоровка – Ресей Федерациясының шекарасы»: БҚО-да автомобиль жолы пайдалануға берілді
Мемлекет басшысы Қасым-Жомарт Тоқаев Республика күніне арналған салтанатты жиында сөз сөйледі
Президент Республика күні қарсаңында бір топ азаматты мемлекеттік наградалармен марапаттау туралы Жарлыққа қол қойды
Мемлекет басшысы әскери реформа мәселелері бойынша Қауіпсіздік Кеңесінің отырысын өткізді
«Мақат – Индербор – Сәтимола» бағытындағы теміржол инфрақұрылымның құрылысы басталды
Президент Қасым-Жомарт Тоқаев құтқарушыларға мемлекеттік марапаттар тапсырды
Жаңақала ауданында коммуналдық инфрақұрылымды жаңғырту жұмыстары жалғасуда
Қазақстан ТЖМ әлеуетін арттыруда: жаңа технологиялар, заманауи техника және құтқару инфрақұрылымын дамыту
