КіруВЕЛОСИПЕДТЕГІ ЦИФРЛЫҚ ХАНЫМДАР
18 тамыз күні Орал қалалық мәдениет және демалыс саябағының оң жағалауында «КазИИТУ» ғылыми-білім кешені жастарының ұйымдастыруымен «Велосипедтегі цифрлық ханымдар» («Цифровая леди на велосипеде») атты велошеру өткізілді.
Шараның мақсаты – салауатты өмір салтын насихаттау, халықты, соның ішінде, аруларды жүйелі түрде спортпен шұғылдануға баулу, халықтың велоспортқа деген қызығушылығын арттыру, мектеп оқушыларының жазғы демалыстарын тиімді өткізу.
Шараға Орал қаласының тұрғындары, қонақтары, студенттер, оқушылар, қатысуға ниет білдірген арулар мен ханымдар қатысты. Қатысушылардың жалпы саны 100-ге жуық болды және олардың жасына шектеу қойылмады. Ең жас қатысушының жасы алты жаста болса, ең үлкен қатысушының жасы 73-те. Велошеруге келген арулар мен ханымдар әр түрлі аксессуарлар тағып, сұлуланып, әсемденіп, велосипедтерін безендіріп келді.
Ерекше стильде келген ханымдар «Ең жас леди», «Ең креативті леди», «Ең көңілді леди», Ең шапшаң велошабандоз» сияқты номинацияларға ие болып, оларға арнайы дипломдар мен бағалы сыйлықтар табыс етілді.
Фотосуреттерді түсірген Рафхат ХАЛЕЛОВ
Соңғы жаңалықтар
Құқық бұзушылыққа жол бермейтін Telegram чат боты іске қосылды
Пікір үстеу