КіруҚҰРБАН АЙТТА ОРАЛДАҒЫ 500-ДЕН АСТАМ МҰҚТАЖ ОТБАСЫҒА ЕТ ТЕГІН ТАРАТЫЛДЫ
Мұсылман қауымының ұлық мерекесі құрбан айт Орал қаласында зор қуанышпен аталып өтті.
Айттың алғашқы күндері мешіт жамағаттары арасында спорттық шаралар ұйымдастырылып, қалалық әкімдік бекіткен арнайы рұқсат етілген орындарда құрбандық малдары шалынып, мұқтаж отбасыларға таратылып берілді.
«Орал қалалық Тәжиден Батырұлы мешітінің бас имамы Мейрамбек Әбдірахмановтың айтуынша, биыл Орал қаласы әкімдігі құрбандық шалу үшін арнайы бекіткен 3 нысанда құрбандық шалу рәсімінің шариғат талабына сай өтуі жіті қадағаланып, құрбандық еттері қабылданған. Қасиетті Құрбан айтта Орал қаласы бойынша 1400-ден астам қой құрбандыққа шалынып, Оралдық 507 отбасыға ет таратылған. Ал облыс көлемінде 2545 қой, 26 ірі қара құрбандыққа шалынып, 1557 отбасына ет таратылды» – дейді бас имам өз сөзінде.
Мешіт тарапынан үлестірілген ет қарттарға, жетімдер үйлеріне, ауруханалар мен қоғамдық ұйымдарға, әлеуметтік аз қамтылған отбасыларына, көп балалы жанұяларға, жергілікті əкімдік ұсынған тізім бойынша тұрмысы төмен жеке тұлғаларға берілген.
Үміт Ізтелеу, Орал қаласы
Соңғы жаңалықтар
Құқық бұзушылыққа жол бермейтін Telegram чат боты іске қосылды
Пікір үстеу